محتاااار اوى بين بروتون جين 2 وبيجو 301 !!!!

[AmrMoraa]

أرجو من الاعضاء عمل مقارنة بين الاتنين من حيث:

-الأمكانيات
-مستوى الرفاهية
-الثبات
- قوة الموتور

الأهم من كل ده

-اسعار قطع الغيار وتوافرها
-اسعار الصيانات الدورية بالتوكيل

من الاخر عايز مقارنة شاملة ^^

[speranz]

امكنيات بيجو
رفاهية بيجو
ثبات بروتون
موتور بروتون
شكل بيجو
وسع وشنطة بيجو
اسعار الصيانة وقطع الغيار اعتقد الاتنين فى نفس المستوى
لكن البيجو هتكون افضل لما تنتشر لانها تعتبر موديل جديد عكس الجين 2 الى فشلت منذ زمن

[AmrMoraa]

امكنيات بيجو
رفاهية بيجو
ثبات بروتون
موتور بروتون
شكل بيجو
وسع وشنطة بيجو
اسعار الصيانة وقطع الغيار اعتقد الاتنين فى نفس المستوى
لكن البيجو هتكون افضل لما تنتشر لانها تعتبر موديل جديد عكس الجين 2 الى فشلت منذ زمن

جين 2 فشلت منذ زمن؟؟ ياراجل عيب عليك ده انا ما سألتش واحد وقالى كلمة وحشة عنها

واحد جاب البيجو واشتكى من اسعار الصيانة الدورية بتاعتها وانه بيدفع 1500 ساعات فا عشان كده بسأل

[Marwan yahya]

والله انا برجح البيجو 301 بس بدات تظهر شكاوي من اسعار الصيانة

[AmrMoraa]

والله انا برجح البيجو 301 بس بدات تظهر شكاوي من اسعار الصيانة

فعلا عشان كده انا طلبت اهم حاجة اسعار الصيانة ولقيت فى شكاوى كتير فا بدأت افكر اكتر فى الجين

[speranz]

جين 2 فشلت منذ زمن؟؟ ياراجل عيب عليك ده انا ما سألتش واحد وقالى كلمة وحشة عنها

واحد جاب البيجو واشتكى من اسعار الصيانة الدورية بتاعتها وانه بيدفع 1500 ساعات فا عشان كده بسأل

انا قصدى فشلت تسويقيا من توكيل سىء
وسعر اعادة البيع واقع
مقولتش انها عربية وحشة
شكرا لزوقك
وبعتذر انى شاركت فى موضوعك

[S O P H O S]

انا بميل للجين
لكن ده وقت البيجو

[AmrMoraa]

انا قصدى فشلت تسويقيا من توكيل سىء
وسعر اعادة البيع واقع
مقولتش انها عربية وحشة
شكرا لزوقك
وبعتذر انى شاركت فى موضوعك

ياباشا انت خدت كلامى بأسلوب غلط انت قولت انها فشلت وانا استغربت لأنك الوحيد اللى قولت كده انا سمعت اراء ناس كتييير ورأيك اول مرة اسمعه لكن لو كنت قولت تسويقيا كان هيبقى فيها كلام تانى لأن انا عارف توكيلها مش مهتم لا بيها ولا بالعربيات اللى واخد توكيلها التانية برده
وانا بعتذر لو فهمت كلامي غلط

[S O P H O S]

انا قصدى فشلت تسويقيا من توكيل سىء
وسعر اعادة البيع واقع
مقولتش انها عربية وحشة
شكرا لزوقك
وبعتذر انى شاركت فى موضوعك

يا باشا اخونا ميقصدش حاجة
هو مفهمش قصدك علي التسويق والتوكيل
بلاش تنسحب من الموضوع علشان كل رد منك بيكون قيمة واضافة
وانا بقدر وجهة نظرك جدا دايما
تحياتي ليك ..

[speranz]

AmrMoraa

ولا يهمك يا فندم انا بس استغربت من طريقة الرد افتكرتك فهمت انى بفترى على الجين 2
احنا هنا بننصح بعض بافضل اختيار بدون انحياز لاى موديل

S O P H O S

شكرا يا فندم انا تحت امر كل اعضاء المنتدى والخبرة والفائدة متبادلة مابينا احترامي وتقديري ليك

[AmrMoraa]

amrmoraa

ولا يهمك يا فندم انا بس استغربت من طريقة الرد افتكرتك فهمت انى بفترى على الجين 2
احنا هنا بننصح بعض بافضل اختيار بدون انحياز لاى موديل
ليك

بس ازاى بتقول رفاهية اكثر فى البيجو لأن انا شفت ان البيزلاين من ال301 اقل فى الكماليات بكتير من الجين2 وانا بقارن بين 2 بنفس السعر يعنى مش بقارن بيجو هاى لاين بالجين فاهم قصدى؟؟

وكمان حاجة كل ملاك الجين قالوهالى ان الجين اعتمادية كتيير وحمارة طرق وانا اللى اعرفه ان الفرنسي مش اعتمادى اوى بالذات لما يعملوا كمان فئة اقتصادية ده غير ان اسعار صيانتها اغلى

فا لو فى حاجة بجد تعلى كفة ال301 بيزلاين او اى حاجة معلافهاش ياريت تقولى

[hardmind_doc]

انا مع جين 2 رغم التوكيل اللى عليه ملاحظات انما كل التقارير بتاعتها بتاكد ان كل العيوب تقريبا غير جوهرية
301 معرفش عنها كتير بس فى شكوى من اسعار قطع الغيار

[medo-312]

جين 2 أفضل من وجهة نظرى وبيجو 301 مشاكلها بدأت تظهر واللى عايز تفاصيل يدخل منتدى بيجو

[speranz]

الرفاهية كركوبة البيجو احسن
الجين 2 متنفعش لعيلة مرفهة دي عايزة شاب بتاع شالطة وحركات
لانها ضيقة في الكنبة والعفشة ناشفة
والكماليات انا فعلا حسبتها لاعلى فئة في البيجو من غير ماخد بالي
لكن الجين 2 ارخص سعرا عشان كدا فيها كمليات اكتر بسعر اقل
انا حاسس انك ميال للجين 2 اشتريها عادي

[Mohammmed]

الجين 2 عفشتها ناشفة صوت موتورها عالى
وبعدين شكلل واحد تقريبا من 2006 او 2007
يعنى حاجة كدا زى البومة راحت عليهم خلاص