النترا وﻻ كورسا وﻻ ريو؟ رائيكوا يا وحوش العربياااات

[Nebw]

من غير مارغى كتيير انا عايز رائ الرجالة اللى هنا
انا خبرتى قليلة جدا فى العربيات و عايز اجيب عربية دورت كتير ولقيت المنتدى ده وﻻقيت الناس اللى فيه كلهم رجااالة و عارفين اللى فيها

انا بقى يا وحوش محتار بين 3 عربيات هما خﻻصة تدويرى على حسب امكانياتى طبعا

النترا 1996 او 1997 وﻻ اوبل كورسا 2004 او 2005 وﻻ اللى انا ميال ليها اكتر كيا ريو من 2001 - 2006

معرفش انهى احسن وطبعا اللى هايحدد زاى ماتعلمت منكو هنا هو توافر قطع الغيار و أسعارها و كمان استهلاك البنزين و مشكﻻت العربية نفسها

اسف انى طولت و شكراااااا مقدمااااا ليكوا يا رجاااااالة

[Nebw]

[justify]محتاج ارائكوا اكيييد[/justify]

[speranz]

الكورسا قطع غيارها غالية وهتقرفك مشاكل
النترا الموديل دا اعتقد انى شوفتها مرة واحدة فى عمرى
بيتهيالي ان احسنهم هتكون الريو
لكن الافضل تفكر فى اكسنت او تزود شوية وتجيب لانوس منتشرة جدا وقطع غيار ببلاش

[svneleven]

و ممكن فيرنا و يا ريت تقول المبلغ اللي معاك أحسن و ايه المطلوب من العربية و طريقة سواقة حضرتك عشان نفيدك أحسن.
لو حضرتك عاوز عربية من ال تلاتة و مش عاوز اختيارات تاني يبقي أولا تبعد عن ال الانترا عشان مش موجودة خالص.
الريو موجودة و قطع غيارها متوفرة عن ال كورسا لكن طبعا ال كورسا كسيارة أفضل و أحسن بكتير. ال كورسا فيه منها حالات نضيفة و هي دي اللي تجيبها غير كده لأ.

[svneleven]

و ممكن فيرنا و يا ريت تقول المبلغ اللي معاك أحسن و ايه المطلوب من العربية و طريقة سواقة حضرتك عشان نفيدك أحسن.
لو حضرتك عاوز عربية من ال تلاتة و مش عاوز اختيارات تاني يبقي أولا تبعد عن ال الانترا عشان مش موجودة خالص.
الريو موجودة و قطع غيارها متوفرة عن ال كورسا لكن طبعا ال كورسا كسيارة أفضل و أحسن بكتير. ال كورسا فيه منها حالات نضيفة و هي دي اللي تجيبها غير كده لأ.

[K.Ossama]

الكورسا أحسنهم
بس المهم الحالة صيانتها معمولة تمام ولا ﻷ
وعلى فكرة فطع الغيار مش غالية خالص زى ما بيتقال وموجودة فى حتت كتير ومنها اصلى واسياوى واستيراد والنضيف منها معمر كمان

[Nebw]

الكورسا قطع غيارها غالية وهتقرفك مشاكل
النترا الموديل دا اعتقد انى شوفتها مرة واحدة فى عمرى
بيتهيالي ان احسنهم هتكون الريو
لكن الافضل تفكر فى اكسنت او تزود شوية وتجيب لانوس منتشرة جدا وقطع غيار ببلاش

اشكرك جدااااا عل رائيك بجد بس ....

هى ديه الفكرة ان فى ناس بتقول مش موجودة قطع غيار الكورسا وفى ناس تانى بتقول موجودة .... الفكرة فى انى مش عايز اكسنت او ﻻنوس وانى اخترت موديل نادر زاى النترا انى مش عايز اركب عربية منتشرة اوى انا شفتها مرتين فى حياتى كلها

[Nebw]

و ممكن فيرنا و يا ريت تقول المبلغ اللي معاك أحسن و ايه المطلوب من العربية و طريقة سواقة حضرتك عشان نفيدك أحسن.
لو حضرتك عاوز عربية من ال تلاتة و مش عاوز اختيارات تاني يبقي أولا تبعد عن ال الانترا عشان مش موجودة خالص.
الريو موجودة و قطع غيارها متوفرة عن ال كورسا لكن طبعا ال كورسا كسيارة أفضل و أحسن بكتير. ال كورسا فيه منها حالات نضيفة و هي دي اللي تجيبها غير كده لأ.

شكرا على ردك يافندم .... هو اللى معايا من 48 ل53 الف وسواقتى مش غشيمة بس بحب السرعة وفكرة الالنترا انها مش منتشرة اه ده معناه ان ملهاش قطع غيار وﻻ ممكن تكون زاى قطع عيار حاجة تانية

بالنسبة للكورسا حالة نضيفة يعنى ايه ... معلش لسه خبرتى قليلة و الكورسا احسن من ااريو فى ايه؟

وشكرا تانى

[Nebw]

الكورسا أحسنهم
بس المهم الحالة صيانتها معمولة تمام ولا ﻷ
وعلى فكرة فطع الغيار مش غالية خالص زى ما بيتقال وموجودة فى حتت كتير ومنها اصلى واسياوى واستيراد والنضيف منها معمر كمان

شكرا على ردك يا دكتور يعنى انت رائيك الكورسا افضل .... طب فى ايه؟ وايه اللى ممكن يخلى الكورسا ديه احسن من الكورسا ديه؟

[speranz]

لو المبلغ 50 الف
كدا ممكن تفكر فى حاجة احسن
لو عايز اوبيل تبقى فيكترا b
وعندك اللانسر كرستالة او دايو نوبيرا وممكن تويوتا عيون

[J A G U A R]

اشترى دماغك وشوف نوبيرا 2005 ولا 2006 حاله نظيفه

[Nebw]

لو المبلغ 50 الف
كدا ممكن تفكر فى حاجة احسن
لو عايز اوبيل تبقى فيكترا b
وعندك اللانسر كرستالة او دايو نوبيرا وممكن تويوتا عيون

شكرا على اهتمامك مرة تانية ... بس انا مش عايز عربية منتشرة اوى مع كل الناس فهمنى ... يعنى قلت كورسا عشان مبشوفهاش كتير وكدة

بس احتراما لرائيك هما احسن فى ايه؟ اكيد تفهمها احسن منى

[Nebw]

اشترى دماغك وشوف نوبيرا 2005 ولا 2006 حاله نظيفه

طيب هى احسن فى ايه؟ انا عارف انها منتشرة اوووى و نفس الرينج بس ايه يميزها عن الريو مثﻻ؟

[إبراهيم المصرى]

الكورسا طبعاً

[J A G U A R]

طيب هى احسن فى ايه؟ انا عارف انها منتشرة اوووى و نفس الرينج بس ايه يميزها عن الريو مثﻻ؟

احسن فى قطع الغيار واعاده البيع والصيانه والماتور علشان تقريبا الريو على حد علمى 1300 وثابته عنها وتقريبا الزجاج بتاعها مانيوال واوسع داخليا واخيرا انا شايف ان سعرها اغلى من امكانيتها وبردو مش معنى كده ان الريو وحشه لا هيا حلوه بس النوبيرا احسن