بيجو 301 ولا بريليانس v5

[knightwalid]

السلام عليكم
السادة الافاضل اعضاء المنتدى .انا محتار ما بين بيجو 301 هاى لاين و بريليانس v5 اتوماتيك.
البيجو معروفة من زمان وقطع غيار 301 اسعارها كويسة واوروبى . وال v5 شكلها تحفة واغلبية اعضاء المنتدى بيشكروا فيها . وانا اللى مخوفنى منها انها صينى ومالهاش غير سنتين فى السوق .

وشكرا لحضراتكم

[shiko85]

وعليكم السلام ورحمة الله وبركاته
الــ v5 عربيه عاليه و دى ميزه بس الــ 301 منتشره اكتر

[Mahmoud_Yassin]

كلام حضرتك صحيح ودة اللى مخلينى محتار

[محمد بدر]

V5 تجذبني أكثر
بغض النظر إنها صيني

[shiko85]

زميل اخويا معاه v5 و مبسوط منها جدا بس هو كان لازم يشترى عربيه عائليه عاليه فا كانت الأختيارات محدوده جدا

[2CODE]

والله هو طبعاً البيجو تكسب بدون كلام رغم كل مشاكلها اللي ظهرت لكن برضه الصيني صيني لسه موصلناش لدرجة كويسة من الصيني بس انا واثق اننا هنوصل لصيني كويس قريب

لو عايز عربية عالية عن الارضي يبقى اشتري v5 عربية كويسه

انما لو مش فارق معاك يبقى لأ طبعاً اشتري البيجو

[abou-yahia]

نصيحه v5 ابعد عنها

[knightwalid]

اغلب الاراء مع البيجو . ممكن لو امكن مقارنة بين العربيتين .لا نى فعلا مش عارف اخد قرار

[shiko85]

اغلب الاراء مع البيجو . ممكن لو امكن مقارنة بين العربيتين .لا نى فعلا مش عارف اخد قرار

للأسف علشان المقارنه تكون محايده يبقى اللى يعملها واحد معاه العربيتين
غير ان العربيتين فئتين مختلفتين
حضرتك فكر كويس و فكر لو فيه بدائل تانيه

[active]

البيجو كجودة وعمر أطول تكسب

[knightwalid]

فين الناس اللى بتشكر فى الv5

[S O P H O S]

اختار البيجو حتي لو اقل

[shiko85]

انا السيارة معايا من 1\4\2014 ماشي بها 2000كم
العيوب التى ظهرت بالترتيب:-
1-صوت خبط حديد في العفشة من الامام وصوت تزييق بالعفشة بشكل عام
2-صوت خبط و رزع في علبة الدركسيون على المدقات
3-صوت صفارة شديد من تيل الفرامل للعجل الامامي
4-صوت دخول هواء على السرعات العالية من البابين الاماميين
5-صوت الماتور عالي عن سيارتي السابقة(لوجان 2010معايا من الزيرو)
6-باب الشنطة يحتاج اسلوب خاص للغلق من المرة الثالثة او الرابعة
7-لايمكن تركيب زينون حسب كلام التوكيل سواء عنده او بالخارج
8-تعليق بالسنسور باركينج + لمبة الايرباج
9-التوكيل بريليانس الاساسي بالقاهرة فقط(جسر السويس) و الباقي مراكز خدمة و البافارية غير مسئولة عن عمل اي اختبارات للسيارة عتد قدومها من الخارج طبقا لكلام مسئولين بالتوكيل
10- السحب ضعيف على الغيار الاول و الثاني و اقصى سرعة 160 كم (من 120 الى 160تحتاج وقت طويل جدا)
11- الفرامل متوسطة
12- الفرش الداخلي ضعيف و يحتاج الى فرش جلد
13-خامات البلاستيك الداخلي ضعيفة
14- الدهان به مشاكل بناء على كلام اكثر متخصص بما فيهم المتخصص بمركز الصيانة

المميزات:-
1- الثبات
2-الارتفاع عن الارض
3-صالون داخلي مريح وواسع و مريحة في السفر
4-الصاج قوي
5- الشكل جميل(وجهة نظر)

الصيانة:-
اتعامل مع مركز صيانة المصرية الاوروبية المركز المعتمد بالاسكندرية(ذهبت للمركز 3 مرات منذ وقت الشراء)
1-تم فحص تيل الفرامل و تنظيفة و اختفى الصوت لساعات قليلة وتم تنظيفة مرتين بعد ذلك و الصوت كما هو.
2-تم تربيط العفشة بالكامل و تشحميها حيث اخبروني ان السيارة تاتي من الخارج و نتيجة الشحن فان العفشة بتتفكك و اختفى صوت خبط الحديد و ظل صوت النزييق و صوت الخبط بعلبة الدركسيون حتى الان (طبيعة السيارات المرتفعة كما اخبرني السيد المهندس صاحب المركز)
3-تظبيط باب الشنطة و لم تحل المشكلة حتى الان (طبيعة الشنطة كما اخبروني)
5- تغيير الزيت حيث ان الزيت الموجود زيت تليين
4-باقي العيوب اخبروني بالمركز انها ليست عيوب و لكن هي طبيعة السيارة حيث انها تجميع صيني

[J A G U A R]

انا ارشح البيجو