ياريس اعلى فئه والا ايلانترا اوتوماتيك؟؟

[احمد فهمى]

ايهما افضل فى سعر 155 الف جنيه ياريس اعلى فئه والا ايلانترا اوتوماتيك اللى ب150 الف؟؟ رجاء الافاده

[S O P H O S]

فئة ال 150 فيها ايرباج وabs ولا لا ؟
لو فيها يبقي الالنترا افضل كرأي

[احمد فهمى]

فئة ال 150 فيها ايرباج وabs ولا لا ؟
لو فيها يبقي الالنترا افضل كرأي

لا مفيهاش غير اير باج سواق ولا abs ولا اي حاجه فيرنا كبيره

[J A G U A R]

فى كروز 2014 أحسن منهم وب 150 الف ونازله ب esp .. بس لو الاختيار من دول يبقى النترا

[K.Ossama]

فعلاً الكروز أحسن من الاتنين

[S O P H O S]

يعني ايرباج فقط بردوا فرأي الالنترا
الياريس بالمبلغ ده تجيب السيتي احسن

[احمد فهمى]

هوندا مشاكل قطع الغيار والسعر خيالى الياريس اعلى فئه سمارت كي وفرش جلد وفوانيس عدسات واعتمادية تيوتا رهيبه انا كان معايا الشكل القديم من الياريس واستهلاك البنزين لصالح الياريس بين الكل ودى لقريبى والكروز للأسف مشاكل الموديل القديم + تغور من وش منصور والياريس اصلاً سعرها 165 بس عاملين عرض ب155 اعلى فئه عشان كده انا شايفها افضل وقريبى راجل كبير مش فى دماغو جري وشد بس اكيد الاعتماديه والامان

[S O P H O S]

لا طالما مفيش جري وخلافه
يبقي التويوتا هتكون معقولة
كاعتمادية واستهلاك بنزين بس مشكلتي معاها بس السعر
كنت اتمني تكون اقل من كده

[J A G U A R]

مين قال ان الكروز فيها مشاكل .. هو كان مشكله الفتيس واتحلت والعربيه نازله بماتور وشاسيه استرا

[shiko85]

النترا

[D.Ahmed Ismail]

كروووز او الانترا
كروز 2014 ب 150 الف و اعلي عن الارض من 2010 موتور و فتيس و شاسية الاسترا اظن ناجحة جدا

[احمد فهمى]

لا طالما مفيش جري وخلافه
يبقي التويوتا هتكون معقولة
كاعتمادية واستهلاك بنزين بس مشكلتي معاها بس السعر
كنت اتمني تكون اقل من كده

وخامات انا لسه راجع من جوله على كلو احسن خامات داخليه لصالح الياريس وتوزيع الطابلوه وفعلاً افضل من اللى قبلها بفرق شاسع وشنطه ضعف القديمه واوسع من جوه بكتير وفيها تفيح امامى ببار حديد خلف الاكصدام وده مش فى القديمه و5 جنط سبور وسمارت كى ممتازه

مين قال ان الكروز فيها مشاكل .. هو كان مشكله الفتيس واتحلت والعربيه نازله بماتور وشاسيه استرا

فتيس استرا فقط والقديم مش الجديد لكن العربيه بالفعل مشاكلها كتير وبتجيب سبيكه واسأل اللى شغالين فيها زي الاوبترا وحتى الفيكترا سي فى شوية مواتير من GM بالفعل مش تمام

النترا

للأسف خامات تعبانه كلها بلستك من جوه ومفيش غير فئه بفتحة سقف ومرايات ضم وفئه منغير واوتوماتيك الاتنين بس واير باج واحده والسعر 153 و157 والاستبن عجله صغيره ومفيش abs يعنى فيرنا كبيره شويه

كروووز او الانترا
كروز 2014 ب 150 الف و اعلي عن الارض من 2010 موتور و فتيس و شاسية الاسترا اظن ناجحة جدا

شفتهم وزي ما وضحت واللى عجبتنى بصراحه الماذدا 3 كامله abs واير باج وصالون ومتور تمام بس شكل قديم ومش منتشره وروح اتفرق واركب الياريس والكروز والهيونداى هتفهم قصدى فى موضوع الخامات