اكسنت RB 2012 ولا رينو fluence 2011

[nightshade]

انا قدامى كذا عربية وعاوز اشترى واحدة فيهم
اكسنت ار بى كاملة 2012 ماشية 40000 كم ب 105 الف
او رينو فلوانس 2011
ويا ريت ناس تعرف انى من الفيوم اى تاخد فى الاعتبار حوار الصيانة

تم تعديل العنوان ونقلة لقسم المقارنات .

5:36 pm
2014/5/14
2 ب

[Mohammmed]

هى دى فئة ودى فئة
فلوانس طبعا

[D.Ahmed Ismail]

عامة اكيد الفلوانس
و لكن كل واحد له احتياجات مختلفة تخلية يفضل عربية عن التانية

يعني لو مشاويرك داخل المدينة و يهمك قطع الغيار و اعاده البيع و التجميع السريع يبقي الrb

[beshoyyy]

رينو فلوانس 2011

[mahmoud.69]

فلوانس ايه انته بتلبسه الراجل في الحيط مشكلتنا كاشعب عربي اننا بنتظاهر بي مركات السيارات عن نفعها لينه
الابقا لو صاحب الموضوع مقتدر ومش فرقة معاه اسعار قطع الغيار نصيحة مني روح اسئل علي اسعار قطع غيار رينو فلوانس بكام واحد معرفة معاه رينوفلوانس مش عارف ايه الي حصل في الفتيس المهم العربية عايزة فتيس بيقولي سعره في التوكيل 20 الف وانتا مقدرتك
الرينو اكيد ركوبه بس عايزة واحد شغال رائيس مجلس ادارة في المصرية لي الأتصالات

[shiko85]

على فكره بنفس المبلغ ده ممكن تيجب سيراتو او النترا و هيكون اختيار افضل
لكن لو الأختيار بين اكسنت ار بى و رينو فلوانس يبقى اكسنت ار بى

[amr_mabd]

فلونس طبعا و عن تجربه و متسمعش كلام اليقولق فتيس والكلام ده و قط غيرها غليا بس معمره و ثبتا علي الطريق مش ريشه زي ال rb اهم حاجه تكشف عليها في التوكيل

[kokowasfy]

فلوانس

[ahmedelfeky]

هي دي فئه ودي فئه
عامه الفلوانس افضل بمراحل وقطع الغيارد دلوقتي اسعارها قريبه من بعض

[SAMEH_FOUAD]

ياجماعة بس اولا دية فئة ودية فئة

الفلوانس ماشاء الله فيها اوبشن وخامات وحجم يضاهى الاكسنت بمراحل

وعموما طبعا الافضل الفلوانس ماعدا السحب هيكون فى صالح الاربى

غير كدة الافضل الفلوانس طبعا

بس مبدأيا المقارنة غلط

[MuhamedNabil]

لو فى عندك فى الفيوم مركز خدمة ( مش ورشة ) رينو يبقى ممكن تحط الفلونس فى الاعتبار لو مفيش مركز خدمة اعتقد الاكسنت و الهيونداى و الكيا بشكل عام حيكون افضل ليك

[yasser100]

بص يا ريس . الفلوينس طبعا ما فيش كلام و ﻻ مقارنه . دى ركوبه و دى ركوبه تانيه خالص و بريستيج تانى .
بس فى الاخر لازم تحط الظروف المحيطه بك فى الاعتبار . ده مهم . انت بتقول من الفيوم . هل هناك مراكز خدمه لرينو ؟
او حتى ورش خاصه بتفهم فيها ؟ الرينو كلها حساسات و تكنولوجيا عايزه حد فاهم و لو حد مش فاهم اشتغل فيها هاتلف حولين
نفسك اكتر و ﻻ هاتحتاج تنزل علشان كل مسمار للقاهره ؟
الفلوينس قطع غيارها اغلى طبعا بغض النظر معمره او ﻻ ﻻنه فيه و جهات نظر فى المواضيع دى . يعنى ما تقوليش الفانوس ب 2000 جنيه
بس معمر او المرايه اللى ممكن انزل الاقيها مكسوره تحت البيت ب 1500 جنيه و تقول لى معمره . صيانة ال 60000 ب
5000 جنيه .
ظروف تحركاتك ايه . سفر كتير و ﻻ داخل المدينه اكتر ؟ حط فى اعتبارك انه حجم الفلوينس كبير دى عربيه ما بين فئة
C segment و ال D segment يعنى مش صغيره و ﻻ اى مكان هاتركن فيه .
ظروف سكنك ايه ؟ يعنى مكان الركنه تحت البيت مضمونه و ﻻ كل شويه هاتنزل تلاقيها محكوكه . ما لطوشه يمين او شمال
متجرحه من العيال ؟ ها تصعب عليك العربيه قوى لو هايحصل فيها الحاجات دى .
من الاخر زى ما قلتلك دى حاجه و دى حاجه تانيه خالص . و تتفوق الفلوينس على ال RP بكتير و بتتفوق على الالنترا كمان
فى الثبات و قوة الصاج و الارتفاع و السرعات العاليه . لكن ظروفك هيه اللى هاتحدد . العربيه مش عربية بهدله . لو بهدلتها
هاتبهدلك

[yasser100]

ياجماعة بس اولا دية فئة ودية فئة

الفلوانس ماشاء الله فيها اوبشن وخامات وحجم يضاهى الاكسنت بمراحل

وعموما طبعا الافضل الفلوانس ماعدا السحب هيكون فى صالح الاربى

غير كدة الافضل الفلوانس طبعا

بس مبدأيا المقارنة غلط

انا معاك طبعا انه المقارنه بينهم غلط . بس الراجل بيسأل و احنا بنجاوبه . الاكسنت طبعا فى السحب هاتتفوق
علشان الوزن . الاكسنت اخف ب 200 كجم تقريبا . فرق مش فليل

[nightshade]

انا اشتريت اكسنت rb خلاص وشكرا لكل اللى شاركونى

[yasser100]

انا اشتريت اكسنت rb خلاص وشكرا لكل اللى شاركونى

مبروك و ربنا يسعدك بها و قرار موفق انشاء الله :)