مقارنة صعبة

[amh_1983]

ربنو فلونس الفئة قبل الهاي لاين
كيا سيراتو الفئة قبل الهاي لاين
الاثنين نفس السعر ونفس موديل السنة ؟؟؟
والدي معجب الكيا جدا وانا عكسة تماما؟؟؟
اية رايكم

[Ahmed Koller]

اكيد الرينو افضل كا اوبشن وكماليات وأمان لاكن اعتقد سعر إعادة البيع اعتقد الكيا أفضل

[Omar Mahmoud]

الرينو افضل في كل حاجة ماعدا سعر اعادة البيع

[yasser100]

الكيا سعر مبالغ فيه بدرجه كبيره و ﻻ اعتقد انه بهذا السعر هاتفضل محتفظه بميزة اعادة البيع . المفروض سعر الهاى لاين للكيا لا يتعدى ال 160 الف . ما تفرقش حاجه عن الهاى لاين فى الالنترا . الفلوينس مش هاتفضل على السعر ده كتير لانه مش بتاعها و ﻻ يناسب عربيه بموتور و فتيس يابانى و اوبشن و استيل فرنساوى و لكم فى سعر اسكودا فانتازيا اول ما نزلت عبره و شوفوا وصلت لكام بعد كده

[mohammedmnmz]

الفلونس وشششش
الا اذا كنت ناوي تبيعها قريب لان سعر اعادة البيع في صالح الكيا (على ايه مش عارف بس اهو سوق غبي )

[ahmedelfeky]

الفلوانس افضل طبعا موضوع سعر اعاده البيع ده في علم الله خصوصا ان العربيات الفرنساوي بيجو ورينو وستروين

نازله بامكانيات واوبشنز مكتسحه اغلب الماركات

علي سبيل المثال افضل عربيه في فئه ال 130 الف هي البيجو 301

وافضل عربيه في رينج ال 100 الف او تحتها بحاجه بسيطه هي رينو لوجان ورينو سانديرو

[yasser100]

الفلوانس افضل طبعا موضوع سعر اعاده البيع ده في علم الله خصوصا ان العربيات الفرنساوي بيجو ورينو وستروين

نازله بامكانيات واوبشنز مكتسحه اغلب الماركات

علي سبيل المثال افضل عربيه في فئه ال 130 الف هي البيجو 301

وافضل عربيه في رينج ال 100 الف او تحتها بحاجه بسيطه هي رينو لوجان ورينو سانديرو

يا احمد بيه فيه نقطه مهمه . الفئه اللى بتركب الماركات اللى انت بتقول عليها دى تختلف عن الفئه اللى بتركب الكورى او بتفضله . مش مختلفه من ناحيه ماديه .
اللى بيركب الكورى مش عايز تعقيد و يقعد يتعامل مع تكنولوجيات و حساسات و يقعد يقرا الكتالوج و يدور على النت و يطلع القطط الفطسانه و الصاحيه زى ما احنا بنعمل .
معروف انه الكورى و اليابانى سهل و مش معقد حتى فى تصليحه . غير الالمانى و الفرنساوى . ان ما كنتش ملم بتكنولجيتهم و اوبشنهم ها تتعب و مش هاتعرف حاجه صدفه فيهم.
ده فيه ناس معاهم الميجان سنين و لسه فيها حاجات و اوبشن بيكتشفوها لغاية النهارده .
حتى الرخيص نسبيا من الماركات دى بيخافوا منه . علشان كده ملاكهم لهم خصوصيه شويه

[K.Ossama]

الفلوينس
الصراحة تستاهل سعرها

[Hosam_Optrawy]

الكيا سعر مبالغ فيه بدرجه كبيره و ﻻ اعتقد انه بهذا السعر هاتفضل محتفظه بميزة اعادة البيع . المفروض سعر الهاى لاين للكيا لا يتعدى ال 160 الف . ما تفرقش حاجه عن الهاى لاين فى الالنترا . الفلوينس مش هاتفضل على السعر ده كتير لانه مش بتاعها و ﻻ يناسب عربيه بموتور و فتيس يابانى و اوبشن و استيل فرنساوى و لكم فى سعر اسكودا فانتازيا اول ما نزلت عبره و شوفوا وصلت لكام بعد كده

أتفق مع حضرتك في ان الكيا مبالغ في سعرها الى حد ما بس مش لوحدها كل أسعار العربيات غليت بجنون , وفى المقابل اللى يميز الفلوونس ان سعرها يعتبر معقول جدا عليها أعتقد هي أرخص عربيه أوروبى في الفئه دى من ساعة مانزلت في 2010 لحد النهارده

اما بخصوص ان السيراتو المفروض ماتعديش 160 الف للهاى لاين لانها ماتفرقش حاجه عن الهاى لاين في الإلنترا , حضرتك تقصد أي هاى لاين وأى إلنترا :)

في الهاى لاين الإلنترا سعرها أغلى من السيراتو ومفيهاش نص الحاجات اللى موجوده في السيراتو

الإلنترا سعرها بيبدأ من 152.500 اوتوماتيك فاضيه السيراتو 145.000 , ولو هانتكلم على اللى فيها ABS و AirBags الإلنترا 162.500 السيراتو 162.000 بس السيراتو فيها حاجات زياده زى مثبت سرعه - فتحة تكييف خلفى - جنوط سبور 16

نرجع للمقارنه مع الفلوونس , انا مش حافظ كل تجهيزاتها والأوبشنز اللى فيها , لكن السيراتو الفئه القبل الأخيره سعرها 179 فيها

سمارت كى مع خاصية Welcome Light إضاءه في المرايات والأكر أول ما تقرب من العربيه - فتحة سقف - بلوتوث - تبريد درج التابلوه - فوانيس أماميه وخلفيه LED مع أضواء نهاريه DRL - حساس نور - مقابض كروم - شيفتات في الطاره - Flex Steering للتحكم في درجة الباور Comfort/Normal/Sport - طاره وفتيس جلد والخامات الداخليه كلها ممتازه - باركنج سنسور أمامى وخلفى - جنوط 17 - مثبت سرعه - فتحة تكييف خلفيه , مرايات ضم باشارات تفتح وتقفل مع الريموت - التحكم في السى دى من الطاره - تعديل الطاره Tilt&Telescopic

وفى فئه قبلها فيها كل ماسبق ماعدا السمارت كى وفتحة السقف ب 169 الف

[skoda1996]

لو مش ناوي تبيع قريب و متعود علي الصيانات في التوكيل
يبقي فلوينس اختيار ممتاز

[yasser100]

حسام باشا نفس الاوبشن دى كلها فى الفلوينس اللى نفس الفئه السعريه ما عدا الويلكم لايت فى المرايات لاكن فى الداخل اول ما
تفتح باليرموت و زياده الاتى :
1- فتحة السقف
2- التكييف التاتش الديوال زون
3- حساسات مطر و اضاءه اتوماتيك
4- ستاير خلفيه و للبابين الخلفيين
5- باركينج سينسور
6- كمبيوتر كامل للاعطال و تنبيه اوتوماتيك للصيانه
7- عدادات ديجيتال بالكامل من الجيل الحديث
8- التشغيل بالكارت من غير كونتاكت . تاتش
9- باور اوتوماتيك يعنى بيحدد المواقف اللى انت فيها لوحده من غير ما تدخل فى ظبطه غير انه الدريكسيون 4 اتجاهات.
10- الدخول و فتح الابواب بالبصمه من غير استعمال ريموت للاربع ابواب
11- مكن رفع بالكامل للاربع زجاج الكهربا و فتحة السقف و المرايات بضغطه على زرار الريموت او البصمه فى الباب
تحياتى :)

[yasser100]

بلوتوث لخمس اجهزه مع بعض منهم التليفونات طبعا :)

[Hosam_Optrawy]

حسام باشا نفس الاوبشن دى كلها فى الفلوينس اللى نفس الفئه السعريه ما عدا الويلكم لايت فى المرايات لاكن فى الداخل اول ما
تفتح باليرموت و زياده الاتى :
1- فتحة السقف
2- التكييف التاتش الديوال زون
3- حساسات مطر و اضاءه اتوماتيك
4- ستاير خلفيه و للبابين الخلفيين
5- باركينج سينسور
6- كمبيوتر كامل للاعطال و تنبيه اوتوماتيك للصيانه
7- عدادات ديجيتال بالكامل من الجيل الحديث
8- التشغيل بالكارت من غير كونتاكت . تاتش
9- باور اوتوماتيك يعنى بيحدد المواقف اللى انت فيها لوحده من غير ما تدخل فى ظبطه غير انه الدريكسيون 4 اتجاهات.
10- الدخول و فتح الابواب بالبصمه من غير استعمال ريموت للاربع ابواب
11- مكن رفع بالكامل للاربع زجاج الكهربا و فتحة السقف و المرايات بضغطه على زرار الريموت او البصمه فى الباب
تحياتى :)

بلوتوث لخمس اجهزه مع بعض منهم التليفونات طبعا :)

ماشاء الله مواصفات ممتازه وسعر طبعا ممتاز عليها

وانا ماقصدتش بمشاركتى اللى فاتت أقول ان السيراتو كمالياتها اعلى من الفلوونس , انا بس حبيت أوضح هي ليه غاليه وكل فئه بكام وفيها ايه , عشان ماتبقاش كلمة هاى لاين كدا في المطلق

يعنى ب 162 تركب سيراتو محترمه

ABS و Airbags و Immobilizer وجنوط 16 وطاره ملتى ومرايات ضم بإشارات وفتحة تكييف خلفيه ومثبت سرعه

اللى عايز أكتر يدفع :)

[yasser100]

حسام باشا احترم حياديتك و انك قلت انها عربيه كويسه بس فعلا مبالغ فى سعرها
تحياتى :)

[S O P H O S]

بميل كرأي فقط للرينو