مقارنه بين الاسترا h والميتسوبيشي مونتيرو

[HUSSEN MAHRAN]

معايا اوبل استرا H 2008 وليا رغبه في اني اجيب عربيه 4X4 وقدامي مونتيرو 2001
وكنت عاوز اخد رئيكم من ناحيه قطع الغيار والمواصفات . مع العلم ان مواصفات الاسترا كالتالي[gdwl] ( مفتاح بصمه - مرايات ضم - سيبترونيك - درايف سبيد - 1600cc - رخصه 3 سنوات - اقتصاديه جدا في البنزين )[/gdwl] ومواصفات المونتيرو كالتالي [gdwl]( اوتوماتيك - فتحه سقف كهرباء - 4x4 - 1800cc )[/gdwl] عاوز اعرف من اهل الخبره عربيتي تعمل كام والمونتيرو تعمل كام علشان انا هدخل دي في دي . وعاوز اعرف اعمل كده ولا لا
شاكر جدا لاهتمامكم

[K.Ossama]

المونتيرو حلوة
بس 2001 قديمة أوى

[J A G U A R]

معقوله هاتنزل من ٢٠٠٨ ل ٢٠٠١

[HUSSEN MAHRAN]

المونتيرو حلوة
بس 2001 قديمة أوى

علي الرغم من ان 2001 بعيده بس هيا هتبيقي مناسبه لامكانياتي حيث ان صاحبها طالب 90,000

[HUSSEN MAHRAN]

معقوله هاتنزل من ٢٠٠٨ ل ٢٠٠١

انا فعلا كده بنزل في الموديل
بس يا تري انا فعلا هكسب الامكانيات الي انا عاوزها ولا لا ؟
مع العلم اني عاوز حاجه 4x4 ودي هتبقي الانسب من ناحيه السعر ( لان صاحبها طالب 90,000 ) ومن ناحيه استهلاك الوقود ( 1800 CC )
لو في حاجه في كلامي غلط ارجو تصويبي

[J A G U A R]

انا فعلا كده بنزل في الموديل
بس يا تري انا فعلا هكسب الامكانيات الي انا عاوزها ولا لا ؟
مع العلم اني عاوز حاجه 4x4 ودي هتبقي الانسب من ناحيه السعر ( لان صاحبها طالب 90,000 ) ومن ناحيه استهلاك الوقود ( 1800 cc )
لو في حاجه في كلامي غلط ارجو تصويبي

لو شايفها مناسبه لاحتياجاتك خلاص بس شوف حاله كويسه

[ahmzd]

انا فعلا كده بنزل في الموديل
بس يا تري انا فعلا هكسب الامكانيات الي انا عاوزها ولا لا ؟
مع العلم اني عاوز حاجه 4x4 ودي هتبقي الانسب من ناحيه السعر ( لان صاحبها طالب 90,000 ) ومن ناحيه استهلاك الوقود ( 1800 cc )
لو في حاجه في كلامي غلط ارجو تصويبي

إذا كنت حضرتك تقصد اللي معمول عليها إعلان هنا في المنتدى، فأنا فكرت فيها برضه، بس بصراحة - وبعد ربنا يبارك لصاحبها ويوفقه في البيع - العربية من وجهة نظري - وخصوصا لما نقارنها بعربيتك الأسترا - فيها العيوب الآتية:
1. موديل قديم بفرق 7 سنين، وده فرق مش قليل في زماننا الحالي اللي كل يوم فيه بيحصل تطورات خرافية في إمكانيات وكماليات العربيات.
2. موتور كبير هيخرجك من دائرة دعم البنزين ويغرمك كتير في الاستهلاك.
3. عداد كيلومتر كبير أوي (حوالي 200 ألف كيلو) فحتى لو مكانتش محتاجة مصاريف دلوقتي هتحتاج بعد شوية.
4. انتشار قليل جدا جدا جدا، ناهيك عن عدم وجودها زيرو، وبالتالي تكلفة تشغيل وقطع غيار وصيانة وسعر إعادة بيع مش حلوين خالص.
5. ماتخليش السعر هو العامل الوحيد المؤثر على قرار الشراء، صحيح هو أهم عامل مفيش خلاف، إنما ماينفعش يبقى القرار الوحيد!
هذا والله أعلم.

[Abdo Taha]

الصراحة حرام و مش هتبقى نقلة حلوة خالص قدام الاسترا كويسة معاك متبعهاش

[HUSSEN MAHRAN]

لو شايفها مناسبه لاحتياجاتك خلاص بس شوف حاله كويسه

خلاص صرفت نظر وفعلا وجهه نظرك صح
وشاكر جدا لاهتمامك

[HUSSEN MAHRAN]

إذا كنت حضرتك تقصد اللي معمول عليها إعلان هنا في المنتدى، فأنا فكرت فيها برضه، بس بصراحة - وبعد ربنا يبارك لصاحبها ويوفقه في البيع - العربية من وجهة نظري - وخصوصا لما نقارنها بعربيتك الأسترا - فيها العيوب الآتية:
1. موديل قديم بفرق 7 سنين، وده فرق مش قليل في زماننا الحالي اللي كل يوم فيه بيحصل تطورات خرافية في إمكانيات وكماليات العربيات.
2. موتور كبير هيخرجك من دائرة دعم البنزين ويغرمك كتير في الاستهلاك.
3. عداد كيلومتر كبير أوي (حوالي 200 ألف كيلو) فحتى لو مكانتش محتاجة مصاريف دلوقتي هتحتاج بعد شوية.
4. انتشار قليل جدا جدا جدا، ناهيك عن عدم وجودها زيرو، وبالتالي تكلفة تشغيل وقطع غيار وصيانة وسعر إعادة بيع مش حلوين خالص.
5. ماتخليش السعر هو العامل الوحيد المؤثر على قرار الشراء، صحيح هو أهم عامل مفيش خلاف، إنما ماينفعش يبقى القرار الوحيد!
هذا والله أعلم.

انا فعلا شفت اعلانها هنا بس بعد ما كلمت صاحبها عن طريق اعلان تاني ولاقيت الاعلان في كل المواقع ( وعموما ربنا يبارك لصاحبها فيها ويرزقه بشاري ) وفعلا وجهه نظرك صحيحه ولا تحتمل الجدال
جزاك الله خير

[HUSSEN MAHRAN]

الصراحة حرام و مش هتبقى نقلة حلوة خالص قدام الاسترا كويسة معاك متبعهاش

جزاك الله خيرا علي النصيحه

[ahmzd]

انا فعلا شفت اعلانها هنا بس بعد ما كلمت صاحبها عن طريق اعلان تاني ولاقيت الاعلان في كل المواقع ( وعموما ربنا يبارك لصاحبها فيها ويرزقه بشاري ) وفعلا وجهه نظرك صحيحه ولا تحتمل الجدال
جزاك الله خير

وجزاك إن شاء الله تعالى، وهداك للخير حيث كان، ثم أرضاك به.