كيا ريو مقابل تويوتا ياريس هاتش باك!!!!!

[Rehab Ahmed]

يا جماعة أفيدونى

التويوتا الياريس الهاتش باك(139000 جنيه)

1300 سى سى - 99 حصان - اول فئة اوتوماتيك cvt- زجاج كهربائى أمامى - تكييف يدوى- باور ستيرينج- تحكم بالنظام الصوتى والتليفون من عجلة القيادة - بلوتوث- راديو cd -
6 سماعات - مدخل usb - aux - نظام مانع السرقة- عجلة قيادة جلد متحركة 4 اتجاهات - نظام فرامل ba- abs -
4 ايرباج - شاشة لعرض المعلومات- مرايا كهرباء بلون السيارة- مفتاح بالريموت- كاوتش مقاس 185/65 r 15


الكيا الريو الهاتش باك(139000 جنيه)

1400 سى سى - 109 حصان -الفئة التانية اوتوماتيك--

او من الاخر معرض الليثى قالى انها نفس مواصفات الياريس ولكن يزيد عليها ( تكييف تاتش - مثبت سرعة- جنط سبور 17- فوج لايت- اشارات بالمرايات- مرايات ضم- فتحة سقف- ) وقالى انها سعودى

رجل المبيعات فى المعرض قعد يقنعنى بالريو جدااااااااااا عشان خاطر حاجتين
1- الاوبشنز الزيادة
2- انها كورى (يعنى قطع غيار متوفرة وارخص)

لكن انا قعدت فى الاتنين وحاسة ان التقفيل الفرنساوى محسوس اوى فى التويوتا


السؤال بقى بما ان الاتنين بنفس السعر عشان دى اسعار اليوم 17-5-2014 من توكيل تويوتا ومن معرض الليثى للسيارات

هل التويوتا توكيل افضل وصيانة افضل ويابانى تقفيل فرنساوى لكن قطع غيار غير متوفرة (على حسب كلام رجل المبيعات فى معرض الليثى)؟؟؟؟
ام الكيا اوبشنز اعلى وقطع غيار ارخص ومتوفرة...

رأيكم ايه؟

[J A G U A R]

توكيل تويوتا ميفرقش كتير عن كيا هما تقريبا نفس المستوى ومفيش حد اشتكى منهم والياريس انا سمعت فعلا انها يابانى تقفيل فرنساوى بس مشكلتها انها مش منتشره خالص زى الكيا وبيترتب على كده حاجات كتير ودى حاجه بالنسبه ليا تقلق شويه عكس الريو طبعا .

انا رأيي لو الاختيار بين دول هايبقى ريو بس مشكلتها كده فى الضمان علشان المواصفات دى خليجى مش وكيل بس تقريبا ممكن تشترى ضمان سنه علشان لو حصل حاجه قدر الله .. وعلى فكره الياريس مواصفاتها جميله جدا بس مشكلتها بالنسبه ليا انها مش منتشره .


بس معقوله بعد التفكير فى الشارك تفكرى فى الريو والياريس ........ شىء غريب الصراحه .

[Rehab Ahmed]

توكيل تويوتا ميفرقش كتير عن كيا هما تقريبا نفس المستوى ومفيش حد اشتكى منهم والياريس انا سمعت فعلا انها يابانى تقفيل فرنساوى بس مشكلتها انها مش منتشره خالص زى الكيا وبيترتب على كده حاجات كتير ودى حاجه بالنسبه ليا تقلق شويه عكس الريو طبعا .

انا رأيي لو الاختيار بين دول هايبقى ريو بس مشكلتها كده فى الضمان علشان المواصفات دى خليجى مش وكيل بس تقريبا ممكن تشترى ضمان سنه علشان لو حصل حاجه قدر الله .. وعلى فكره الياريس مواصفاتها جميله جدا بس مشكلتها بالنسبه ليا انها مش منتشره .


بس معقوله بعد التفكير فى الشارك تفكرى فى الريو والياريس ........ شىء غريب الصراحه .

شكرا لرأى حضرتك والشارك مازلت اختيارى وانما اختيار الهاتش باك لأختى : ))
شكرا جزيلا

[monamize4]

انا بميل اكتر للريو

[ahmedz310]

الريو حققت انتشار اكتر من الياريس وده هيترتب عليه
سهولة الصيانه - انتشار قطع الغيار -

[ahmedz310]

الريو حققت انتشار اكتر من الياريس وده هيترتب عليه:
سهولة الصيانه - انتشار قطع الغيار - سعر إعادة البيع أفضل

[Mohamed.Hany]

شوفي اللي مستريحة فيه اكتر.
و علي فكرة الياريس فيها اشارات في المرايات و مرايات ضم ، و فيها كمان كاسيت تاتش مش موود في الكيا.
و متفتكريش ان الجنط ١٧ ده ميزة بالعكس ده اسواء جنط في مصر ، عشان نشوفية العفشة و الدب في المطبات غير طبعا مشاكل البالونة او ان الكاوتش يتقطع لو نزلتي في مطب او حفرة بسرعة تخليكي تغيري الكاوتش.
انا مش عارف وسائل الامان في الكيا ايه ، هل فيها abs ebd bas و فيها كام ايرباج هل ٤ زي الياريس و لا ٢ فقط.

بالنسبة لقطع الغيار فالانتشار للعربية بيكتر توفر قطع الغيار في السوق ده قصد الراجل و لكن ده لا يمنع ان التوكيل عنده كل قطع الغيار اكيد ، و خدي بالك الخليجي ملهوش ضمان يعني لاقدر الله لو في مشكلة مش هتعرفي تتصرفي في العربية سواء مع المعرض او التوكيل حتي لو اشتريني ضمان AAA اي كلام و لو في مشكلة كبيرة هيعملو مش من هنا.

[raad13]

الياريس احسن في كل حاجة و كفاية انها هتكون في ضمان التوكيل بس المشكلة ان السوق المصري ماشي بضهرة و الريو منتشرة اكتر بكتير منها!! على العموم ممكن تفكر في البيجو 301 برده

[omar101970]

انا رأيى الياريس.

[eng.m7md.ali]

ال2 مبالغ جداً في سعرهم

بس هختار الريو احسن

[Rehab Ahmed]

شوفي اللي مستريحة فيه اكتر.
و علي فكرة الياريس فيها اشارات في المرايات و مرايات ضم ، و فيها كمان كاسيت تاتش مش موود في الكيا.
و متفتكريش ان الجنط ١٧ ده ميزة بالعكس ده اسواء جنط في مصر ، عشان نشوفية العفشة و الدب في المطبات غير طبعا مشاكل البالونة او ان الكاوتش يتقطع لو نزلتي في مطب او حفرة بسرعة تخليكي تغيري الكاوتش.
انا مش عارف وسائل الامان في الكيا ايه ، هل فيها abs ebd bas و فيها كام ايرباج هل ٤ زي الياريس و لا ٢ فقط.

بالنسبة لقطع الغيار فالانتشار للعربية بيكتر توفر قطع الغيار في السوق ده قصد الراجل و لكن ده لا يمنع ان التوكيل عنده كل قطع الغيار اكيد ، و خدي بالك الخليجي ملهوش ضمان يعني لاقدر الله لو في مشكلة مش هتعرفي تتصرفي في العربية سواء مع المعرض او التوكيل حتي لو اشتريني ضمان aaa اي كلام و لو في مشكلة كبيرة هيعملو مش من هنا.

شكرا جزيلا لنصيحة حضرتك بس كنت عاوزة اعرف هل يوجد امكانية تركيب وحدة فتح الشنطة من الداخل بالنسبة للياريس الهاتش باك؟؟ ومتى سيتم تواجد الوان اخرى منها لكى نراها على الطبيعة ﻷن التوكيل كان موجود فيه التركواز والاحمر فقط.. انا بتكلم على الفئة الاولى اوتوماتيك بسعر 139 الف ﻷن التوكيل حتى الامس كان متواجد به الفئة الاعلى اللى حضرتك بتتكلم عليها.. وشكرا

[Mohamed.Hany]

شكرا جزيلا لنصيحة حضرتك بس كنت عاوزة اعرف هل يوجد امكانية تركيب وحدة فتح الشنطة من الداخل بالنسبة للياريس الهاتش باك؟؟ ومتى سيتم تواجد الوان اخرى منها لكى نراها على الطبيعة ﻷن التوكيل كان موجود فيه التركواز والاحمر فقط.. انا بتكلم على الفئة الاولى اوتوماتيك بسعر 139 الف ﻷن التوكيل حتى الامس كان متواجد به الفئة الاعلى اللى حضرتك بتتكلم عليها.. وشكرا

انا بتكلم علي الفئة الاولي علي فكرة ان فيها اشارات في المرايات و مرايات ضم , كاسيت تاتش و 4 ايرباج .

فتح الشنطة مش متوفر علي حسب علمي و ممكن تتأكدي من قسم الاكسسوار .
خدي بالك الاسعار هتغلي في الايام اللي جاية و دي معلومة مؤكدة .

[احمد فهمى]

الريو تكسب بكل الكماليات دى بلا نقاش ودى حاجات هتستخدمها كل يوم صدقنى والكيا اثبتت نفسها ومنتشره وقطع غيارها منتشره عن الياريس الهاتش باك وارخص وشكلها احسن والضمان على فكره ممكن تشتري من التوكيل لو اتزنقت

[Ayoob]

حضرتك هاتي الياريس مش هتندمي ان شاء الله
انا اشتريتها للمدام من ٣ شهور وهي مبسوطة منها جدا. السيارة ناعمة في القيادة سحبها مناسب خاصة للسيدات استهلاك وقود اقتصادي جدا ووكيلها معقول الى حد كبير بالمقارنة لباقي الماركات المتاحة في مصر

[Rehab Ahmed]

انا بتكلم علي الفئة الاولي علي فكرة ان فيها اشارات في المرايات و مرايات ضم , كاسيت تاتش و 4 ايرباج .

فتح الشنطة مش متوفر علي حسب علمي و ممكن تتأكدي من قسم الاكسسوار .
خدي بالك الاسعار هتغلي في الايام اللي جاية و دي معلومة مؤكدة .

يا فندم انا كنت لسه فى التوكيل امبارح بالظبط الساعة 3:30 والمواصفات اللى انا كاتباها فوق دى هى مواصفات الفئة الاولى اوتوماتيك وتكييفها مانيوال مش تاتش ومعايا ورقة مطبوعة بالاسعار الجديدة بعد ما غليت فعلا.. الفئة دى هى اللى كنت حضرتك بتشجع الناس يشتروها وكانت ب 131 الف وهى دلوقتى بقت ب 139 الف..