داستر ولا فلوينس

[scientist9508]

بسم الله الرحمن الرحيم

الإخوه الأفاضل

ممكن يفيدنى أحد فى مقارنه بسيطه و سريعه بين الفلوينس و الداستر؟

أنا محتار بين الإثنين

السلام عليكم ورحمة الله و بركاته

[ashouhdy]

اية اللي جاب القلعة جمب البحر

[scientist9508]

اية اللي جاب القلعة جمب البحر

أرجو مزيد من التوضيح لأننى لم أفهم كلامك حقآ

[ashouhdy]

يعني دي حاجة ودي حاجة تانية خالص .... مينفعش اصلا المقارنة ما بينهم

دي عربية صالون عائلية سيدان ودي عربية 4x4 عالية وخشنة للطرق الوعرة

[ENG.MaRk]

اية اللي جاب القلعة جمب البحر

تعليق رائع

[ENG.MaRk]

السؤال الأفضل انت محتاج العربية في ايه ؟
لأن حضرتك ماينفعش تقارن فئة بفئة تانية مالهاش علاقة بيها

[yasser100]

يا ريس دى حاجه و دى حاجه تانيه خالص و الاوبشن و الخامات و التكنولوجى لصالح الفلوينس تماما و هل عايز تشترى الفلوينس مستعمله كمقارنه بسعر الداستر الزيرو و لا عايز الفلوينس الفيس ليفت الجديده ؟ لو دماغك فلوينس مستعمل طبعا الفلوينس تعديها بمراحل لو بتقارن بالفلوينس الجديده مش هاينفع مقارنه اصلا , ده بداية اول سعر للاتوماتيك الفيس ليفت يعادل سعر الداستر هاى لاين 4*4 .
انا عن نفسى و ده راييى الشخصى الداستر مش رينو من اصله , لا تمت باى صله بالرينو غير العلامه اللى بتنزل بها , هيه داتشيا الرومانى و نازله بره داتشيا حتى بتدخل اختبار الامان الاوروبى باسم داتشيا مش باسم رينو

[scientist9508]

يا ريس دى حاجه و دى حاجه تانيه خالص و الاوبشن و الخامات و التكنولوجى لصالح الفلوينس تماما و هل عايز تشترى الفلوينس مستعمله كمقارنه بسعر الداستر الزيرو و لا عايز الفلوينس الفيس ليفت الجديده ؟ لو دماغك فلوينس مستعمل طبعا الفلوينس تعديها بمراحل لو بتقارن بالفلوينس الجديده مش هاينفع مقارنه اصلا , ده بداية اول سعر للاتوماتيك الفيس ليفت يعادل سعر الداستر هاى لاين 4*4 .
انا عن نفسى و ده راييى الشخصى الداستر مش رينو من اصله , لا تمت باى صله بالرينو غير العلامه اللى بتنزل بها , هيه داتشيا الرومانى و نازله بره داتشيا حتى بتدخل اختبار الامان الاوروبى باسم داتشيا مش باسم رينو

بسم الله الرحمن الرحيم

الأخ ياسر

ما ذكرته فى مشاركتك صحيح قطعآ ولكن ما جعلنى أفكر فى المقارنه هو ميزتين فى الداستر

1 - الأولى انها عاليه بشكل ملحوظ عن الأرض و هذا يؤمن السياره ضد شييئين
# المطبات (كافة الأشكال و الأحجام)
# القياده الهمجيه للرعاع و المتخلفين (لن يستطيع أحد البلطجه عليك لأنه هو من سيتأذى إن حاول ذلك)

2 - أن ما تحمله الداستر من أفراد و متاع أكثر و أكبر من الفلوينس

و لكن تتفوق الفلوينس على الداستر فى الثبات و السرعه العاليه فى السفر الأمر الذى يؤمن لك سفر مريح و وصل سريع مهما كانت المسافه بعيده

قد يكون طلبى للمقارنه بين الإثنين غريب بعض الشىء و لكن كلا من السيارتين تحقق لى ميزه أحتاجها حقآ و لا تحققها السياره الأخرى

فلجأت لأهل الخبره و الرأى . . . ربما أسمع منهم ما يحسم المقارنه أو يجعلنى أغير الطريقه التى أفكر بها

السلام عليكم ورحمة الله و بركاته

[amirz]

عن نفسى احب اركب عربية مناسبة لظروف البلد من نقر ومطبات وقرف وبكده الداستر هى الانسب وبالنسبة لموضوع الداتشيا ده فا فيه شراكة بين داشيا و نيسان ورينو اساسا، فكله على كله، يعنى عفشة الداستر بتاعة نيسان اكس تريل ونيسان واخدة موتور من رينو حطاه عندها وداشيا اسمها اعلى من رينو في بلدها عشان كده بتتسوق هناك بالاسم ده وصباحوا

[yasser100]

بسم الله الرحمن الرحيم

الأخ ياسر

ما ذكرته فى مشاركتك صحيح قطعآ ولكن ما جعلنى أفكر فى المقارنه هو ميزتين فى الداستر

1 - الأولى انها عاليه بشكل ملحوظ عن الأرض و هذا يؤمن السياره ضد شييئين
# المطبات (كافة الأشكال و الأحجام)
# القياده الهمجيه للرعاع و المتخلفين (لن يستطيع أحد البلطجه عليك لأنه هو من سيتأذى إن حاول ذلك)

2 - أن ما تحمله الداستر من أفراد و متاع أكثر و أكبر من الفلوينس

و لكن تتفوق الفلوينس على الداستر فى الثبات و السرعه العاليه فى السفر الأمر الذى يؤمن لك سفر مريح و وصل سريع مهما كانت المسافه بعيده

قد يكون طلبى للمقارنه بين الإثنين غريب بعض الشىء و لكن كلا من السيارتين تحقق لى ميزه أحتاجها حقآ و لا تحققها السياره الأخرى

فلجأت لأهل الخبره و الرأى . . . ربما أسمع منهم ما يحسم المقارنه أو يجعلنى أغير الطريقه التى أفكر بها

السلام عليكم ورحمة الله و بركاته

و الله لو علشان الهمجيه و رعاع الشارع هيه احسن عربيه تسد معاك فى الموضوع ده نسبيا , الفلوينس مش هاتساعدك فى القصه دى بالعكس ده انت هاتمشى تكلم نفسك بها من الخوف عليها و اى حد هايكسر عليك او يستهبل هاتطلع تجرى بها جمب الرصيف و هاتسيبه يعمل اللى هو عايزه لانك انت اللى هاتتوجع .
بالنسبه للمطبات الفلوينس برضه عاليه لكن هاتكون خايف عليها شويه . هيه عائليه و استعمال هادى طبعا بسبب اسعار صيانتها و قطع غيارها , عربيه عايزه طرق مفتوحه و نضيفه علشان تاخد امكانيتها .
لاسبابك خليك فى الداستر

[AhmedNaeem]

عيب الداستر انها مانيول
غير كده عربية جميلة ومناسبة جدا لبلدنا المحروسة
لكن الفلوانس شياكة واداء متميز واركب الاثنين واحكم بنفسك

[Hany Saad]

الأخ العزيز،
طبعاً فكر حضرتك سليم و ليه وجهة نظر محترمة بس حابب الفت نظرك لحاجتين يمكن متكنش واخد بالك منهم فى الداستر:

١- بما انها عربية off road و مصممة للطرق الغير ممهدة فهى عربية غير مريحة فى السفر و المسافات الطويلة و طبعاً صعب اوى تقارنها مع السيدان عامة فى النقطة دى....يعنى مشوار القاهرة الأسكندرية بيكون متعب قوى فيها مقارنة لو كنت راكب عربية سيدان....اما طبعاً فى المشواير القصيرة الطبيعية كل يوم فميش اى مشاكل

٢- استهلاك البنزين بتاعها اعلى بشكل ملحوظ عن الفلوانس و ده نتيجة تصميمها

حضرتك حط النقطتين دول فى مقارنتك مع النقط اللى حضرتك ذكرتها و ان شاء الله تختار العربية الأنسب لأحتياجاتك

تحياتى

[J A G U A R]

الداستر شكلها غبى جدا بتنرفزنى والله لما بشوفها فى الشارع

[K.Ossama]

الفلوينس أحسن فى كل حاجة ماعدا موضوع السواقة فى شوارعنا ومع السواقين إللى فيها
بس كون الداستر مافيش منها أوتوماتيك فده يخليك تفكر كويس لأن مع الزحمة اللى احنا فيها دى أعتقد حتبقى ثعبة أوى

[S O P H O S]

الرينو افضل بالنسبة ليا