سيارة 165 ب ألف

[PORSCHE-Z]

السلام عليكم و رحمة الله و بركاته

أنا عضو جديد معاكم في المنتدى أرجو مساعدتي في اختيار سيارة جديدة لا تتعدى أبدا بأي شكل حاجز ال 165 ألف جنيه
بعد البحث وجدت أن الموجود في هذه الفئة
1-elantra high line
2-cerato ex f/o
3-lancer ex fuul sport
4-renault fluence e2
مع العلم إني عايز العربية واسعة و تنفع للشد و الجري لأني شايب بس برضو عايز الوسع مهم فيها لأن أحيانا هيبقى معايا العائلة فياريت تنصحوني بالخيار الأمثل .. أسرتي عاجباهم الالنترا جدا جدا لكن أنا رأيي الشارك أو الانترا ما تفرقش كتير و مش عاجبني شكل السيراتو نهائي بس في النهاية أرءكم هي هتبقى الحكم :)

[yasser100]

الفلوينس عربيه واسعه محترمه و فخمه و بالفلوس دى هاتجيب اول فئه اوتوماتيك اللى هيه e2 يس العربيه مش بتاعة جرى و غرز , هيه بتجرى صاروخ على الطرق السريعه طبعا مع ثبات عالى لكن جوه البلد مش بتاعة الكلام ده , تقيله زيها زى الاوكتافيا و الاسترا و الجيتا , ارشح لك الالنترا الهاى لاين , السيراتو برضه مش نازله لى من زور , الشارك راحت عليها

[احمدعبدالعزيز]

3-lancer ex fuul sport

[nazar muharram]

فلوينس افضل

الشارك الشكل هيتغير

السيراتو كويسه فى اعادة البيع

والانترا كويسه فى اعادة البيع

[omar101970]

انا شايف انه فى البادجت دى تبقى الفلوينس انسب اختيار.
انا سقتها حوالى شهر وكانت كويسه ثبات وارتفاع مناسب اوى عن الارض
سحبها حلو اوى بعد 50
وبالتوفيق ان شاء الله

[PORSCHE-Z]

كده ما شاء الله كل العربيات تم اختيارها عدا السيراتو .. نشيل السيراتو
مين بقى من الثلاثي المرح ده :d

[yasser100]

بس يا جماعه كده اول فئه فلوينس اوتوماتيك . ما فيش فيها حتى جنوط . حرام

[PORSCHE-Z]

و بكده شكلي هطلع ال فلوينس من المقارنة هي كمان لأنها شكلها كده هتبقى فاضية و متنفضه خالص

[PORSCHE-Z]

يا جدعان أنا في حيرة شديدة و عايز أطلع منها و أشتري قبل الأسعار ما تغلى تاني .. أختار ايه؟

[speranz]

النترا ومش هتندم وشد براحتك شكل جميل جدا ورفاهية لا توصف عشان راحة العيلة مهمة

[PORSCHE-Z]

طيب عايز أعرف الجنوط بتاعتها مقاسها كام و ثباتها كويس لحد كام؟ :)

[omar101970]

النترا ومش هتندم وشد براحتك شكل جميل جدا ورفاهية لا توصف عشان راحة العيلة مهمة

انا حأقولك انطباعى عى النترا بالمقارنه بالفلوينس
أنا سقت دى وسقت دى تقريبا شهر لكل عربيه
الفلوينس عربيه اعلى عن الارض مش بتحك فى المطبات حتى لو فى خمسه فى العربيه ثبات احسن انا سقت بيها لحد 180 وكنت حاسس ان العربيه ثابته جدا. الدركسيون بتاعها كويس جدا وبيتقل مع السرعات وتعرف انها عجبتنى اكتر من السفران فى موضوع الثبات والدركسيون.
السفران اللى هى اكبر من الفلوينس وتعادل الكامرى فى التيوتا.
لكن الصراحه الفلوينس تحس شويه انها انشف تابلوه اقل من النترا الصالون اقل من صالون النترا
الأنترا زى ما قلتلك صالون وتابلوه اشيك.
سحب احسن.
بس واطيه ولما يكون فيها خمسه بتوطى اكتر وحاتحك فى المطبات
بصراحه بعد 150 انا كنت باقلق منها.
أنا عن نفسى لو حاختار لو ينفع تزود شويه وتدخل على الكورولا يبقى دا بيست تشويس.

[PORSCHE-Z]

تمام كده استقريت على الالنترا باذن الله لأني كده كده عمري ما هجيب ال 150
استهلاكها عامل ايه في البنزين و اخبار اسعار قطع الغيار و جنوطها كام؟

[omar101970]

تمام كده استقريت على الالنترا باذن الله لأني كده كده عمري ما هجيب ال 150
استهلاكها عامل ايه في البنزين و اخبار اسعار قطع الغيار و جنوطها كام؟

اتفضل حضرتك ادخل على قسم هيونداى وحتلاقى مواضيع كتير عن الألنتر تجاوب على كل أسئلتك.
وموفق فى الشراء باذن الله.

[S O P H O S]

الرينو او الشارك