مقارنة بين شيفرولية كروز 2014 وشارك الفئة الثالثه

[max13]

اريد مقارنة عادلة وما هى السيارة الافضل من حيث الاعتماديه وسهولة الصيانة ( كروز ام شارك)

[J A G U A R]

مش هايفرقو كتير عن بعض فى الصيانه والاعتماديه والعربيتين تقريبا مستوى بعض بس لو انا اللى بشترى هاختار كروز وعلى فكره الكروز كمان فتره هاتوصل ل 160 الف يعنى بجد صفقه رابحه وفلته من فلتات الزمن ومش هاتتكرر .. يعنى مثلا لما تلاقى عربيه ب 150 الف نازله ب eps ومش موجوده فى عربيات معديه ال 170 وال 180 الف دى تبقى حاجه جميله جدا للكروز .. ومش معنى كده ان الشارك وحشه بالعكس الشارك من اجمل العربيات اللى ان بحبها جدا رغم يعيبها ان شكلها قديم بس حتى هذه اللحظه انا عاجبنى شكلها الهجومى والمتناسب جدا مع المؤخره ويا سلام بقى لما تتظبط بجناح على الشنطه وعتب فى الاجناب .. انسى .

[S O P H O S]

هي وجهات نظر
لكن لو قدامي الاثنين اركب الشارك

[yasser100]

انا شايف الشارك و شكلها قديم بقال له فتره اه , بس فيه موديلات كده شكلها ما بيقدمش منها الشارك و اوسع من الكروز و بيبان فيها اى لعب و اكسسوارات حتى لو بسيطه ( من مميزات الميتسوبيشى عموما ) الكروز لا ما يتحطش فيها مسمار زياده , ال eps ميزه طبعا بس راجع بنسبه كبيره لاحتياجك هل انت بتاع غرز و جرى يمين فى شمال و لا ايه ؟ غير كده هو بره فيه شركات عربيات منزلاه اوبشن للى عايز يركبه و يشتريه لانه فيه ناس مش عايزاه لانه بياثر على الباور بتاع الدريكسيون و بيتقله و ناس كتيره فى امريكا و كندا قالت انهم بيهندلوا العربيه فى الظروف الصعبه احسن من الجهاز و هو تمنه بره 450 $ و ها يتاح هنا فى مصر للى عايزه فى التوكيلات او بره زى الباركينج سينسورز كده المهم العربيه يكون فيها ABS علشان بيركب على نفس السنسورات مش اكتر

[denjouan83]

Atmna ndyf rapid ll mokarna di .. b3d eznko tb3n .. ana msh 7abb el kory

[Eng_hatemfathy]

عن تجربة الاتنين احب اقول الاتي
الاتساع الخلفي (الكنبه) الشارك تكسب
الاتساع الامامي للسائق الشارك تكسب
الاتساع الامامي للمجاور الكروز تكسب
اتساع الشنطة الكروز تكسب
الارتفاع عن الارض زي بعض
التسارع الشارك تكسب
العزل الكروز تكسب
التكييف الكروز تكسب
الباور الكهربا في الشارك القديم يكسب
الشكل امر نسبي وفي رأي الكروز الا الشارك الهاي لاين بعتب واسبويلر وفتحة سقف فهي تكسب
متانة قطع الغيار الشارك تكسب
سعر قطع الغيار اعتقد الاتنين غاليين
متعة القيادة بالنسبة لي الشارك