بيكانتو هاي لاين ولا رينو ستب واي

[midoelrayek]

السلام عليكم ورحمة الله وبركاته

ياجماعة انا محتار جدا بين بيكانتو هاي لاين ورينو ستب واي و جين 2

ياريت ياجماعة حد يفدني

انا هجبها تقسيط

مش عايز اشتري حاجة واتعب معاها

مع العلم اني معنديش خبرة ف العربيات

ياعني عايز حاجة تريحني ف كل شي وقطع الغيار وهكذا

وكمان تكون شبابي :)

ولو في عربية افضل منهم هما الاتنين بس متكونش غالية ياعني اوي ياعني متزدش عن 100 الف وتكون كويسة ومريحة وواسعة من الداخل و فيها امكانيات كويسة

عشان اعرف ادفع قسطها

وشكرا جزيلا

[speranz]

عربية واسعة ومريحة من الداخل
يبقي تنسى البيكانتو
بس الجين 2 اعلى من ال 100 لو هتعلي شوية عادي
فممكن تشوف الريو والصنى والبيجو 301 كلهم بيلعبو في حدود من 100 ل 115 الف

[shiko85]

السلام عليكم ورحمة الله وبركاته
وعليكم السلام ورحمة الله وبركاته
ياجماعة انا محتار جدا بين بيكانتو هاي لاين ورينو ستب واي و جين 2
ياريت ياجماعة حد يفدني انا هجبها تقسيط
مش عايز اشتري حاجة واتعب معاها مع العلم اني معنديش خبرة ف العربيات
ياعني عايز حاجة تريحني ف كل شي وقطع الغيار وهكذا وكمان تكون شبابي :)
ولو في عربية افضل منهم هما الاتنين بس متكونش غالية ياعني اوي ياعني متزدش عن 100 الف وتكون كويسة ومريحة وواسعة من الداخل و فيها امكانيات كويسة عشان اعرف ادفع قسطها
بلاش بيكانتوا لانها عربيه ضيقه
لو مزانيه 100 الف + قسط يبقى دور على عربيه اعلى شويه من الـ 3 عربيات بيجو 301 او اكسنت rb او كيا ريو و كده كده فرق السعر مش هيفرق كتير مع التقسيط
وشكرا جزيلا
العفو و بالتوفيق ان شاء الله

[svneleven]

لو حضرتك مش عاوز عربية كبيرة يبقي البيكانتو عربية بدون مشاكل. بنزين و زيت فقط لا غير و بتجري و ركنتها سهلة و جميلة جدا في الزحمة. لكن زي ما الناس قالو ضيقة و العفشة ناشفة شوية زي معظم ال كيا.

[micoooooool]

يا باشا انا تقريبا كنت بقارن بين التلاته مع استبدتل البيكانتو بالبيجو 301 الخلاصه عايز عربية قوية و منظر شبابى و سحب جيد جدا وسرعات عالية وثبات يبقى توكل على الله فى الجين 2 اما لو انت عايز عربية كماليات و شكل بس مش بتحب الجرى و السرعتت اركب ال ستيب واى و انا شخصيا مستبعد البيكانتو

[midoelrayek]

عربية واسعة ومريحة من الداخل
يبقي تنسى البيكانتو
بس الجين 2 اعلى من ال 100 لو هتعلي شوية عادي
فممكن تشوف الريو والصنى والبيجو 301 كلهم بيلعبو في حدود من 100 ل 115 الف

تمام انا كده استبعدت البيكانتو

انا معجبتنيش الصنى خالص

عجبتنى شكل ال بيجو 301 شبابية بس هل واسعة من الداخل؟

[midoelrayek]

اخي الغالي shiko85
تسلم لردك

انا عجباني جدا ال بيجو 301 اكتر من كيا ريو حاسسها شكلها قديم شوية

وبالنسبة ليهونداي اكسنت بقت منتشرة جدا

طيب لو انا اخترت بيجو 301 ان شاء الله

سعرها يعمل ف حدود كام ؟

وقطع غيارها غالية ولا لا ؟

و بتاكل بنزين ولا موفرة

وشكرا ليك ياباشا

[shiko85]

اخي الغالي shiko85
تسلم لردك
انا تحت امرك
طيب لو انا اخترت بيجو 301 ان شاء الله
سعرها يعمل ف حدود كام ؟
وقطع غيارها غالية ولا لا ؟
و بتاكل بنزين ولا موفرة
بص انا مش هقدر اقول معلومه اكيده لانى مش من ملاك العربيه
احسن حاجه تشوف المواضيع عنها فقسم البيجو و هتلاقى مواضيع كتير جدا مفيده
و اى حاجه عايز تعرفها الأعضاء هناك يفيدوك اكتر منى طبعا
وشكرا ليك ياباشا
العفو يا باشا

[midoelrayek]

انا بالفعل يا اخي شيكو دخلت ولقيت مشاكل كتير جدا فيها
وناس بتشتكى منها

وناس كتير عمالة تشكر في كيا ريو

شكلى هستقر على كيا ريو

ياترى سعرها ممكن يعمل كام ؟

[S O P H O S]

لو مش عاوز الجين يبقي الريو

[J A G U A R]

الجين 2 مناسبه بس قطع غيارها مش فى كل مكان