النترا 2008 ولا لانسر بومه 2008 خلاص هتجنن

[dr.spiderman20]

يا جماعه لو سمحتوا هتجنن خلاص وبقالى 3 شهور محتار معايا 86000 وقدامى لانسر 2008 بومه ايرباج واى بى اس اوتوماتيك وقدامى النترا 2008 اوتو .. الاتنين على 86000 ..اشترى اييييييييييييييييييييييه

[shiko85]

النترا

[dr.spiderman20]

طب ممكن تقولى يا شيكو مميزات الالنترا عن اللانسر فى ايه؟؟

[simon659]

شوف الحاله الاول وثانيا خليك نجم وقول لاصحاب العربيه اجربهم والي ترتاح فيها اتوكل علي الله .
ملحوظه عامه العربيتين دول بزات ماسكين فلوس بزياده اوي يعني الانسر كانت ب118 زيرو بقيت 130 وده بيعمل عائد علي المستعمل انا شايف تبعد عن الموديلن دول خالص لاني حاسس في يوم مش هتلاقي الفلوس دي وعلي العموم في بدائل تاني وممتازه زي الاوبترا عربيه ممتازه وهتلاقي بالسعر ده موديلات 2010 بره وجوه زيرو ولييك كامل الحريه واتمنالك كل توفيق

[denjouan83]

Akid lancer puma .. the best in this range ..

[shiko85]

طب ممكن تقولى يا شيكو مميزات الالنترا عن اللانسر فى ايه؟؟

بص تقريبا الــ 2 زى بعض فكل حاجه البومه تزيد شويه فالثبات + الـ abs + airbag بس و الألنترا نعومه و سواقه مريحه و ممتعه
فالأخر المسأله كلها اذواق و انا لو مكانك اختار النترا و مش شرط يكون ده الأختيار الأفضل بس مش كل حاجه بالحسابات
اهم حاجه حالة العربيتين ايه ؟

[dr.spiderman20]

الانترا 2008 اوتو ماشيه 55000 ورشه جابين نظافه فابريقه جوه وبره معادا الجانبين

اللانسر 1600 2008 فيها ماشيه 80000 رشه جانبين نظافه

[svneleven]

الاتنين أحسن من بعض لكن الانترا اللعب فيها أقل من لانسر. فيه لانسر كتير ملحوم و ملعوب في اساسه.

[J A G U A R]

انا الصراحه بحب النترا عن اللانسر وبحسها افخم منها بكتير

[ahmedteam]

اختار الحاله الانضف الكم الاقل الصيانات تكون فى التوكيل اللى مش محتاجه مصاريف

فى الاخر اللى ترتاحلها

طبعا اهم حاجه الاستخاره و بنا يوفقك

[mahmoud_ali]

لانسر

[ENG.MaRk]

النترا أحسن

[dr.spiderman20]

طب انا كده احتارت اكتر يا شباب تقريبا كده النص بالنص بين اللانسر والالنترا

[D.Ahmed Ismail]

الانترا اشيك و اقل انتشار و جرااية
بس خفيفة شوية

العربيتين حلويين و معروفين
اللي تعجيك اشتريها
لو انا هاخد الالنتراا

[EngAhmedSakr]

أولا سعر 86 ألف علي العربيتين .. كتير شويه بما إنهم موديل 2008
انا معايا الإلنترا ونفس الموديل .. والبومة كعادة شعب مصر كله ركبها او إمتلكها .. فهديك رأيي بدون تحيز

الإلنترا :
-- صاروخ جري .. عفشه ناعمه جدا .. إقتصاديه واعتماديه .. شكلها أشيك (رأي شخصي واذواااق)
-- بتهبط من الخلف لو محمل 3 عالكنبه اللي ورا .. تفتقد الي عوامل الأمان ... ثباتها ضعيف علي السرعات فوق الـ 140 .

البومة:
- إعتمادية وإقتصادية - أكثر ثباتا علي السرعات العالية - تتميز بعوامل أمان أكثر من الإلنترا.
-- ليست لها عيوب قوية تذكر غير إنها عربية مملة ههههه :) :)

لو مشاويرك معظمها داخل المدينه وسواقتك عاقلة هات الإلنترا.
لو بتسافر كتير وعوامل الأمان شئ اساسي بالنسبالك هات البومة.

أتمنالك التوفيق.