astra or crola 2014

[mickeyadly]

ارجو المساعده انا محتار ما بين استرا انجوي سيدان و كرولا تاني فاه اوتمتك


تم نقل الموضوع من قسم اوبل لقسم المقارنات
6ب مشرف القسم

[Mo3taz mostafa]

استرا طبعا

[Astra Lovers]

مفيش وجه مقارنه (استرا طبعا) وافتكرني بعد ٣ سنين إن كان لنا عمر بالفرق بين الاتنين بعد الاستخدام وميغنيش برده ان اقولك المقارنه ولونها ظالمه فهي لصالح الاسترا
اركب دي واركب دي وانت تحكم

[amirz]

كورولا طبعا وابقى افتكرنى بعد ٣ سنين لما تبيع الاسترا بنص تمنها ولو معاك كورولا يمكن تكسب فيها بعد الاستعمال

[Astra Lovers]

لا اللي بيركب الماني بيركبها عشان يستمتع بيها وبامكانيتها مش عشان يتاجر فيها ويكسب عندك مثلا الانسر من اول عيون صفيه لغايت الشارك ماسكه سعر هل دا عشان عربيه محترمه مثلا لا الفكره انها ليها سوق انما تركبها وتقارن بينها وبين بي ام شارك مو ٩٠ هتعرف الفرق وشوف مثلا الريو بكام النهارده وال ام جراند بكام اركب واحده فيهم واركب فكترا مو ٩٥ مثلا مش هقولك بي او بي ٢ عشان مظلمش العربيه وانت تعرف الفرق
هههههههههه

[amirz]

خلاص يا باشا اركب استرا واخسر فلوسك والبس وللعلم انا كان معايا فكترا سي والحمد لله غورتها فداهية

[Astra Lovers]

طب نستني راي الناس اللي معاها السي بس مغورتهاش فداهيه نسألهم ليه مغوروهاش فداهيه مع العلم بان خالي معاه واحده هاي لاين وجايب لابنو واحده مانوال مالزيروا ولسه مغوروهاش فداهيه مش عارف ليه

[Hesham256]

كورولا طبعا وابقى افتكرنى بعد ٣ سنين لما تبيع الاسترا بنص تمنها ولو معاك كورولا يمكن تكسب فيها بعد الاستعمال

هو ده معناه إن الكورولا أحسن !!!!!!!!!!!!!!!!!!!!!!! ؟؟؟؟؟؟؟؟
الراجل بيسئل كعربية مين أحسن مش كإعادة بيع مين أحسن !!!
و لعلمك البي أم بيخسر كتير برضه, ده معناه إن الكورولا أحسن من الفئة الثالثة مثلاً ؟؟؟

[احمد فهمى]

وضح احتياجك واستخدامك ونساعدك اكتر فى الاختيار والكرولا الجديده ممتازه مفيش كلام

[hilal]

مع احترامي لكل الاخوة الزملاء
نصيحة من واحد جرب الكورولا القديمة والفيكترا سي
الكورولا سيارة نادرة الاعطال ، مناسبة للجو الحار ، اقتصادية ، سعر إعادة بيع ممتاز
الاوبل ، تتفوق في الثبات ولكن سعر اعادة بيع ضعيف
ومع علمي بأنه لولا اختلاف الاذواق لبارت الاسواق
بس لو انا مكانك اشتري الكورولا بدون ادنى تردد

[haisam ali]

معلش ياجماعه انا شايف انها ميول ..... وزى ماقال الاستاذ احمد فهمى وضح احتياجاتك واحنا نقول اللى يناسبك ووضح برضه استعمالك اليومى والشهرى عامل اذاى وبأذن الله نقدر نفيد حضرتك

[Hesham256]

مع احترامي لكل الاخوة الزملاء
نصيحة من واحد جرب الكورولا القديمة والفيكترا سي
الكورولا سيارة نادرة الاعطال ، مناسبة للجو الحار ، اقتصادية ، سعر إعادة بيع ممتاز
الاوبل ، تتفوق في الثبات ولكن سعر اعادة بيع ضعيف
ومع علمي بأنه لولا اختلاف الاذواق لبارت الاسواق
بس لو انا مكانك اشتري الكورولا بدون ادنى تردد

المشكلة إن القديم مفيش زيه.
الكورولا بقت تقفيل تركي والله أعلم هتبقي عمله زي الكورولا الجنوب افريقي فيها مشاكل ولا هتبقي نادرة الأعطال.
عامة تقريباً كل عربيات تويوتا خالية الأعطال وهي دائماً الاولي في المبيعات وفي الإعتمادية (مع هوندا). بس أنا عمري مركبت عربية تويوتا وحسيت اني راكب عربية مميزة أو فخمة أو الخامات الداخلية ذات جودة عالية. يمكن إحساس شخصي بس الألماني في فخامة داخلية اعلي بالنسبالي عن التويوتا.

[Abdo Taha]

حضرتك على حسب استخدامك لو عايز سيارة عائلية في المقام الاول وواسعة يبقى انصحك بالكورولا اما لو ميهمكش سعر اعداة بيع و لو اني شايف ان الاسترا هتمسك سعرها ، و عايز من الاخر شياكة و عربية شبابي يبقى استرا و من ناحية قطع الغيار اظن الاتنين متقاربين

اما بقى بالنسبة للفيكترا سي فالعربية دي حاسس انها حظوظ ناس تمشي معاها زي الفل و ناس تعبانة معاها انا عن نفسي لو حد في 2008 جه قالي اركب كورولا و لا فيكترا اقوله الكورولا دي متتركبش الكورولا من اول الجنوب افريقي قرف و ده عن تجربه لا تكيف و لا نعومة عدا سلاسة الدركسيون اخف من الفيكترا بس مهياش ميزة مغرية يعني و الفتيس بلاش نتكلم عنه كتيير لو بنتكلم على اعتمادية كورولا يبقى من قبل الموديل الجنوب افريقي هو ده اللي اعتمادي فعلا و اسقع تكيف جربته في اي عربية و شايف للكورولا الجديدة مستقبل كويس بس الايام الجاية هتبين في اعطال و لا لأ يعيب الكورولا الجديدة من وجهة نظري الشخصية الخامات مش مهتمين بيها اوي و ووطوها غير كده مش شايف فيها مشاكل ففي كلا الحالتين استرا او كورولا العربيتين كويسين

[zangry]

انا رأيي لو مش فارق معاك المساحة الداخلية خليك فـ الاسترا بدون تفكير

لو ركبت الاتنين هتحس بفرق كبير وانت قاعد في الاسترا عن الكورولا الفرش الداخلي والخامات والطبلوه غير التويوتا كلها بلاستك وقماش مش اد كده والطابلوه شكله رخيص شوية غير الاسترا طبعا

والعفشة الخلفية لصالح الاسترا برضه دي واتس لينك والكورولا تورشن بيم يعني ثبات افضل

ميزة الكورولا استهلاك بنزين اقل والماتور تقريبا ملوش صوت وتسارع افضل من الاسترا وطبعا اوسع

تحياتي

[Hesham256]

انا رأيي لو مش فارق معاك المساحة الداخلية خليك فـ الاسترا بدون تفكير

لو ركبت الاتنين هتحس بفرق كبير وانت قاعد في الاسترا عن الكورولا الفرش الداخلي والخامات والطبلوه غير التويوتا كلها بلاستك وقماش مش اد كده والطابلوه شكله رخيص شوية غير الاسترا طبعا

والعفشة الخلفية لصالح الاسترا برضه دي واتس لينك والكورولا تورشن بيم يعني ثبات افضل

ميزة الكورولا استهلاك بنزين اقل والماتور تقريبا ملوش صوت وتسارع افضل من الاسترا وطبعا اوسع

تحياتي

ملحوظة صغيرة : الاسترا عفشة تورشن بيم برضه....الواتس لينك ده مجرد جزء بسيط في العفشة عشان يمنع الحركة الجانبية بدل إستخدام الANTI roll bar في الخلف عشان يدي راحة أعلي.
بس هي تورشن بيم برضه.