508 ولا اوبل انسيجنيا

[mdhalpha]

السلام عليكم الاخ الكريم
والله انا كنت محتار نفس حيرتك و ركبت الثلاثه
و اولا استبعدت السكودا بسبب مشكلة الفتيس و ناس تقول اتحلت و ناس لا
اما مقارنة 508 ب انسيجينا فكانت المقارنه في صالح 508 للاتي
ال 508 اعلى بكتير من على الارض و انت عارف مطبات مصر و شوارعها
ثانيا البيجو اوسع بكتير من الداخل
و ثالثا افخم من الخارج و ديه وجهة نظر
رابعا ال508 بقالها فتره منتشره و اتعرف مميزاتها و عيوبها عكس انسجينا غير معروف عيوبها
والحمد لله اشتريت البيجو وعايز اقولك اني حسيت ان عمري ما ركبت عربيات في حياتي
استخير ربنا و بالله التوفيق

[Islam Zaki]

يا جماعه المقارنه لازم تكون علي اسس علشان الراجل هياخد قراره بناءاً علي تقيمكم
مش علي اعتبار التفضيلات الشخصيه فقط
يعنى الانتشار حاجه مهمه جدا و ده ال 508 افضل
اسعار قطع الغيار 508 افضل
التوكيل ال 508 افضل
المواصفات الفنيه الانسينا افضل بفرق صغير
اما عن الشكل فده ازواق

شكرا علي تعليق حضرتك المميز انا باتجه للبيجو 508 اكتر

[Mo3taz mostafa]

الانسيجنيا رائعه و لكن انا لما كنت بقارن بينها و بين البيجو طلعتها من المقارنه بدون تفكير لما لقيت اسعار قطع غيار الاسترا اغلي من 508. بفرق ملحوظ فقلت اكيد الانسيجنيا هتبقي اغلي بمراحل ده غير سمعة التوكيل السيئه للغاية


لكن طبعا اكيد هي عربيه ممتازه
س

يجنيا

[ahmed youssef]

انا بفكر ي جماعة في بيجو 508 و اوبل انسيجنيا و سكودا موديل 2015 بس محتار جدا بينهم تنصحوني بأيه
وسؤال معلش هي 508 فيها امبولايزر

لو موضوع الشيب الجديد مش هي فرق مع حضرتك يبقى خليك فى البيجو طبعا لان الفيس لفت هينزل على اخر السنة

[Islam Zaki]

يعني يا جماعة افهم من الكﻻم ان العربية مافيهاش مشاكل واستهﻻك البنزين معقول وقطع غيار مناسبة

[Mo3taz mostafa]

يعني يا جماعة افهم من الكﻻم ان العربية مافيهاش مشاكل واستهﻻك البنزين معقول وقطع غيار مناسبة

تمام

[eleanor]

بص حضرتك الانسيجنيا لو التوب لاين هايبقى فيها تكنولوجى اعلى من ال508
الموتور الانسيجنيا 180 حصان ببنزين 95 وال 508 163 ببنزين 95 ولو ببنزين 92 اعتبرهم واحد
اما التوكيل البيجو افضل من منصور اللى الناس كلها عارفاه وده برده مايعنيش ان توكيل البيجو ممتاز بس هو كويس
قطع الغيار فى صالح البيجو ال508 ارخص بكتير من فئتها وارخص بكتير من قطع غيار الانسيجنيا
اما بالنسبه للثبات والمنورات انا علشان مجرب ال508 فهى ما شاء الله ممتازة واكيد الا نسيجنيا مش هاتقل عنها فى النقطه دى
اما بالنسبه للشكل الاتنين شيك وفيهم لمسه الفخامه فاختيار الشكل هايرجع لزوق حضرتك
ولو حضرتك حابب اى استفسار بخصوص ال508 تحت امرك فى اى وقت

[Hesham256]

بص حضرتك الانسيجنيا لو التوب لاين هايبقى فيها تكنولوجى اعلى من ال508
الموتور الانسيجنيا 180 حصان ببنزين 95 وال 508 163 ببنزين 95 ولو ببنزين 92 اعتبرهم واحد
اما التوكيل البيجو افضل من منصور اللى الناس كلها عارفاه وده برده مايعنيش ان توكيل البيجو ممتاز بس هو كويس
قطع الغيار فى صالح البيجو ال508 ارخص بكتير من فئتها وارخص بكتير من قطع غيار الانسيجنيا
اما بالنسبه للثبات والمنورات انا علشان مجرب ال508 فهى ما شاء الله ممتازة واكيد الا نسيجنيا مش هاتقل عنها فى النقطه دى
اما بالنسبه للشكل الاتنين شيك وفيهم لمسه الفخامه فاختيار الشكل هايرجع لزوق حضرتك
ولو حضرتك حابب اى استفسار بخصوص ال508 تحت امرك فى اى وقت

معلش إستفسار بسيط ؟؟؟؟
مين اللي قال لحضرتك إن موتور الإنسيجنيا او البيجو بيطلعو القدرة دي ؟؟؟؟؟
انا معرفش البيجو....بس الإنسيجنيا بيطلع 170 حصان و260 نيوتن وبيوصل ل280 بالoverboost مع بنزين 98........يعني حتي ال95 مش هيديك كل قوته......و ال92 هيضعفه شوية كمان.
أما عن المقارنة لصاحب الموضوع.....
هو حضرتك عامل المقارنة في قسم بيجو....متوقع إن وحوش البيجو هيتخلوا عنها ؟؟؟ !!!!!!!!
عموماً بالنسبالي فيالإنسيجنيا تكسب في كل حاجة ما عدا قطع الغيار أسعارها فعلاً عالية.
التوكيل في في الرحاب توكيل إسمه "حبيبه" وده أحسن مليون مرة من منصور بكل المقاييس.

[eleanor]

معلش إستفسار بسيط ؟؟؟؟
مين اللي قال لحضرتك إن موتور الإنسيجنيا او البيجو بيطلعو القدرة دي ؟؟؟؟؟
انا معرفش البيجو....بس الإنسيجنيا بيطلع 170 حصان و260 نيوتن وبيوصل ل280 بالoverboost مع بنزين 98........يعني حتي ال95 مش هيديك كل قوته......و ال92 هيضعفه شوية كمان.
أما عن المقارنة لصاحب الموضوع.....
هو حضرتك عامل المقارنة في قسم بيجو....متوقع إن وحوش البيجو هيتخلوا عنها ؟؟؟ !!!!!!!!
عموماً بالنسبالي فيالإنسيجنيا تكسب في كل حاجة ما عدا قطع الغيار أسعارها فعلاً عالية.
التوكيل في في الرحاب توكيل إسمه "حبيبه" وده أحسن مليون مرة من منصور بكل المقاييس.

وهو حضرتك شايف انى انا كده منحاز للبيجو
ايه فى كلامى فيه انحياز
ده غير ان فيه ناس كتير هنا اختارو الانسيجنيا ونصحوه بيها
اما بالنسبه لقدره الانسيجنيا اعتذر عن 180 حصان وهى 170 حصان اما البيجو فهى 163
وانا هنا حضرتك بنحاول نفيد ونستفيد بحياديه وبدون عنصريه لنوع معين
يعنى مش هانلبس الراجل فى الحيط
والراى الاول والاخير ليه طبعا
وشكرا

[sherifffff]

الدائمون في هذا القسم والزوار يشهدوا بعدم تعصب أعضاؤه لأجمل ما أنتجت بيچو ، ال ٥٠٨

بديهي ان يتم مقارنتها بمثيلاتها من نفس الفئة السعرية - الموجودين في مصر - مثل الباسات والانسيجنيا، وإلا فلا مانع من مقارناتها بما هم أغلى منها مثل الڤولڤو s80 والبي إم 5 والمرسيدس e ، او مقارنتها بمن لا يباعون بمصر مثل الڤيوچن والماليبو من أجل اظهار نقاط القوة

ال ٥٠٨ والانسينجيا - كسيارات - من المفترض ان يعطوا نفس متعة القيادة والاعتمادية،
وستبقى المفاضلة في معاملة الوكيل وأسعار قطع الغيار وسعر إعادة البيع و الشكل الخارجي وجودة الخامات المستخدمة والسيرة الحسنة، وكل ذلك - من وجهة نظري أنا فقط - يصبون في صالح ال ٥٠٨

هذا بالاضافة الي أنه - من وجهة نظري أنا فقط - حتي متعة القيادة تصب في صالح البيچو بفضل الباور الهيدروليكي ، وأيضاً الاعتمادية تصب في صالح البيچو بفضل الموتور - المصنوع بالشراكة مع البي إم - الحائز علي أفضل موتور في العالم في الفئة من ١.٦ الي ٢ ليتر بحسب أكثر من جهة مستقلة متخصصة.

أيضاً فرق السبعة أحصنة اللي في صالح الأوبل ليست بالميزة النسبية، لأن كلا الموتورين معدين لتخريج قدرات أكبر من ذلك، بدليل ان البيجو زودت قوتها سبع أحصنة في موديل السنة دي بدون تغير المحرك ، فقط في برمجة تشغيله

ونصيحتي لأخونا اللي بيقارن إنك يا ريت متخدش بنصيحتي،
روح اتفرج علي العربيتين في وكالاتهم واطلب تجربهم وخليك مركز أثناء التجربة ومتعملش زيي كنت مبهور وملبوخ وخلاص وإضطربت اطلب تجربة تانية، وإحكم بنفسك واستخير ربنا قبل اتخاذ القرار مش قبل متشتري

[tito32]

508 راوعه

[Hesham256]

وهو حضرتك شايف انى انا كده منحاز للبيجو
ايه فى كلامى فيه انحياز
ده غير ان فيه ناس كتير هنا اختارو الانسيجنيا ونصحوه بيها
اما بالنسبه لقدره الانسيجنيا اعتذر عن 180 حصان وهى 170 حصان اما البيجو فهى 163
وانا هنا حضرتك بنحاول نفيد ونستفيد بحياديه وبدون عنصريه لنوع معين
يعنى مش هانلبس الراجل فى الحيط
والراى الاول والاخير ليه طبعا
وشكرا

معلش فين في كلامي توجيه إنك منحاز ؟؟؟؟؟؟
أنا بقول إن المقارنة مينفعش تتعمل في قسم بعينه......يعني لو اتعملت المقارنة في قسم اوبل....هتلاقي الأوبل واخدة التأييد الأعلي والعكس صحيح....للإنتماء للشركة وليس إتهام للأعضاء.
انا أقصد ان قسم المقارنات هيبقي افضل من المقارنة في قسم بعينه.
و من الصعب إن حد يمتلك العربيتين عشان يقول مين احسن فعلاً....فهتلاقي اللي عنده الإنسيجنيا شايفها أحسن عربية واللي عنده ال508 شايفها أحسن عربية.
و في الأخر هما الإتنين عربيات من فلتات الزمن.....بس أنا بفضل الإنسيجنيا.

[Islam Zaki]

معلش فين في كلامي توجيه إنك منحاز ؟؟؟؟؟؟
أنا بقول إن المقارنة مينفعش تتعمل في قسم بعينه......يعني لو اتعملت المقارنة في قسم اوبل....هتلاقي الأوبل واخدة التأييد الأعلي والعكس صحيح....للإنتماء للشركة وليس إتهام للأعضاء.
انا أقصد ان قسم المقارنات هيبقي افضل من المقارنة في قسم بعينه.
و من الصعب إن حد يمتلك العربيتين عشان يقول مين احسن فعلاً....فهتلاقي اللي عنده الإنسيجنيا شايفها أحسن عربية واللي عنده ال508 شايفها أحسن عربية.
و في الأخر هما الإتنين عربيات من فلتات الزمن.....بس أنا بفضل الإنسيجنيا.

طبعا شكرا لرد حضرتك انا لما عملت الموضوع هنا كنت قاصد علشان عايز اعرف اكتر عن البيجو 508

[J A G U A R]

هو من الاخر الاستاذ اسلام منحاز اكتر للبيجو بس عايز اللى يشجعه عليها مش اكتر

[Waleed_Fathy]

شكرا علي تعليق حضرتك المميز انا باتجه للبيجو 508 اكتر

لا شكر علي واجب
بارك الله فيك
ربنا ييسر ليك الخير ان شاء الله