كروز 2014 ولا فيلونس 2014 اول فئه اتوماتيك؟

[Moustafa Nabih]

يا جماعة انا عايز اشتري عربية فى حدود 150 الف مش اكتر بس تكون بس زيرو مش استعمال اتوماتيك وفيها 2 ايرباج و abs و ebd وكمان esp

انا وصلت تقريبا ان احسن احتيار هو :

1- شيفروليه كروز 2014 : هى المفروض انها هاي لاين بس مافيهاش باركنج سينسور ولا بلوتوث ولا usb ولا مرايات ضم بس فيها abs , ebd , esp ودي عامله 150 الف

2- رينو فيلونس 2014 :اول فئه اتوماتيك انا معرفش امكانياتها ايه ودى عامله 155 الف ياريت لو حد يعرف الكماليات الخاصة بيها يتفضل مشكور ويقولها

انا استبعدت الالنترا والسيراتو علشان غالين اوى مع انى بفضلهم اكتر من الكروز والفيلونس وبالاخص السيراتو الشكل الجديد

انا بقارن العربية كاعتمادية وتوكيل وثبات على الارض وقطع غيار

ولو حد شايف اختيار تانى افضل منهم يقولى فى حدود 150 الف وبالكتير اوى 155 الف

[yasser100]

كروز هاى لاين .
الفلوينس الفئه الاولى فاضيه . فيها بلوتوث و usb بس ما فيش فيها جنوط و بركينج سينسور و حاجات كتير تانيه
لو معجب بالسيراتو ممكن تشوف الخليجى . هاتلاقيه بالسعر ده و امكانيات كويسه

[Moustafa Nabih]

كروز هاى لاين .
الفلوينس الفئه الاولى فاضيه . فيها بلوتوث و usb بس ما فيش فيها جنوط و بركينج سينسور و حاجات كتير تانيه
لو معجب بالسيراتو ممكن تشوف الخليجى . هاتلاقيه بالسعر ده و امكانيات كويسه

بس الكروز مافيهاش برضه باركينج سينسور
طب الفيلونس فيها فى الفئى دى اللى ب 155 الف ايرباج و abs , ebd ?
طب الاعتمادية لمين اكتر ؟
انا خايف من الكروز لو الشكل الجديد 2015 ينزل والله اعلم برضه
بالنسبة للسيراتو الخليجة انا عايز حاجه توكيل بصراحة انا بقلق من كده مش عارف ليه

[yasser100]

بس الكروز مافيهاش برضه باركينج سينسور
طب الفيلونس فيها فى الفئى دى اللى ب 155 الف ايرباج و abs , ebd ?
طب الاعتمادية لمين اكتر ؟
انا خايف من الكروز لو الشكل الجديد 2015 ينزل والله اعلم برضه
بالنسبة للسيراتو الخليجة انا عايز حاجه توكيل بصراحة انا بقلق من كده مش عارف ليه

الفلوينس الفئه دى فيها 2 ايرباج و ebd , ba , abs بس ما فيهاش esp
الاعتماديه هيه لسه نازله بموتور نيسان و فتيس من نيسان برضه و التكييف . غير موديلاتها قبل كده . لسه ما فيش حد جرب اعتماديته . بس على اساس انها يابانى ( رينو و نيسان شركه واحده ) و هو نفس الموتور و الفتيس اللى فى القاشقاى و الجوك
عدادتها ديجيتال و فيها الاوبشن التانيه االعاديه اللى فى نفس الفئه السعريه دى بجانب البلوتوث و ال usb

[khaled_afandy]

ممكن لانسر شارك تكون مناسبة بس لا بوجد بها esp

[ashouhdy]

http://www.nilemotors.net/Nile/423744-a.html#post3875598868

وبكدة بقي عندك الكماليات اللى بتدور عليها + ثبات عن تجربة ( وهمى ماشاء الله)

بس خلي بالك الفلوينس اوسع حاجة بسيطة فى الكنبة الخلفية. بس كدة

كمان الشكل حيتغير فعلا 2016 بس الله اعلم حتبقي تقفيل اية ! العربية موتور وفتيس وشاسية المانى (اوبل استرا) بس تقفيل كورى.

[ENG.MaRk]

بالسعر ده الكروز و ممكن حضرتك تركبلها الحاجات اللي ناقصة ديه و مش هتدفع أكتر من 1000 جنيه تاني
بس لو حضرتك تقدر تحط المبلغ ده في فلوانس فئة أعلي من الأولي ( علي الأقل التانية ) و تدفع فرق السعر علي أقساط لمدة سنة هيبقي معاك أكتر عربية محترمة في مصر من حيث الفئة السعرية بمعني إنك هتلاقي كل ما تتمناه في عربية

[J A G U A R]

الفلوانس تتركب فئه عاليه

رأيي الكروز

[ahmzd]

بالسعر ده الكروز و ممكن حضرتك تركبلها الحاجات اللي ناقصة ديه و مش هتدفع أكتر من 1000 جنيه تاني
بس لو حضرتك تقدر تحط المبلغ ده في فلوانس فئة أعلي من الأولي ( علي الأقل التانية ) و تدفع فرق السعر علي أقساط لمدة سنة هيبقي معاك أكتر عربية محترمة في مصر من حيث الفئة السعرية بمعني إنك هتلاقي كل ما تتمناه في عربية

+111111

[Moustafa Nabih]

متشكر اوي يا جماعة على الاهتمام
بس انا عايز اوضخ نقطه
الفيلونس اول فئه اتوماتيك فيها بلوتوث و usb وايرباج ومثبت سرعه ومالتى فى الطاره وكمبيوتر رحلات
مع ان الكروز انها هاي لاين مافيهاش بلوتوث ولا مثبت سرعه ولا usb
انا شايف كده ان كماليات الفيلونس اول فئة اتوماتيك اكتر من الهاي لاين الكروز
طب واسعار قطع الاغيار ارخص فى انهى واحده ؟
واعطال السيارة اقل فى انهى واحده ؟
انا محتار جدااااااااااا علشان انا ناوي اشتري خلال ايام

[abou-yahia]

الفلوينس واخده اكتر من حقها

وكمتعه قياده وجوده خامات واعتماديه في التشغيل الكروز

وكيل رينو نقطه قوه ليها

مش عارف اذاي حد يقارن اداء متفوق لعربيه بكماليات موبايل عربيه تانيه !!!!

الكروز عربيه متتسبش خصوصا بسعرها

علي فكره السعر حيغلي من اوول يونيو في الاغلب

[zangry]

كروز من غير تفكير

[Hany Saad]

فى رأى:
* تتميز الفلوانس أول فئة عن الكروز:

- توكيل الفلوانس أفضل من الكروز.
- الفلوانس أوسع فى الكنبه الخلفية و الشنطة و فى الأمام بسيط علشان الكنسول بتاع الكروز فى المنتصف ضخم
- سحب الفلوانس مع الفتيس ال CVT أحسن من الكروز (موتور عزمه 154 نيوتن متر بيطلعوا عند 4000 rpm فقط).
- أستهلاك البنزين أقل من الكروز بفارق ملحوظ جداً

* تتميز الكروز:
- بوجود ال ESP
- لو نازلة جنوط 16 فى الهاى لاين هتبقى أميز و أثبت من الفلوانس جنوط 15

الكماليات حضرتك حسب ذوقك و أختيارك
أسعار قطع الغيار متقاربة فى الأتنين

تحياتى

[abou-yahia]

فى رأى:
* تتميز الفلوانس أول فئة عن الكروز:

- توكيل الفلوانس أفضل من الكروز.
- الفلوانس أوسع فى الكنبه الخلفية و الشنطة و فى الأمام بسيط علشان الكنسول بتاع الكروز فى المنتصف ضخم
- سحب الفلوانس مع الفتيس ال CVT أحسن من الكروز (موتور عزمه 154 نيوتن متر بيطلعوا عند 4000 rpm فقط).
- أستهلاك البنزين أقل من الكروز بفارق ملحوظ جداً

* تتميز الكروز:
- بوجود ال ESP
- لو نازلة جنوط 16 فى الهاى لاين هتبقى أميز و أثبت من الفلوانس جنوط 15

الكماليات حضرتك حسب ذوقك و أختيارك
أسعار قطع الغيار متقاربة فى الأتنين

تحياتى

الكروز فعلا بجنوط 16
استهلاك البنزين والسحب معتمد علي طربقه القياده لان ده فتيس 6 غيار
فرق المساحه الداخليه لصالح الفلونس بس مش الكبير اوي
العفشه لصالح الكروز
تعالي بقه لفرق الهاندلنج بتاع العربيه والثبات والراحه فروق غير طبيعيه بدون مبالغه حتي من غير esp
وده مش مبالغه
تحياتي

[Hany Saad]

الكروز فعلا بجنوط 16
استهلاك البنزين والسحب معتمد علي طربقه القياده لان ده فتيس 6 غيار
فرق المساحه الداخليه لصالح الفلونس بس مش الكبير اوي
العفشه لصالح الكروز
تعالي بقه لفرق الهاندلنج بتاع العربيه والثبات والراحه فروق غير طبيعيه بدون مبالغه حتي من غير esp
وده مش مبالغه
تحياتي

طبعاً كامل أحترامى أولاً لرأى حضرتك و أشكرك على التفاعل

- بغض النظر عن طبيعة السواقة.....جميع ملاك الكروز دون أستنثاء بيشتكوا من الأستهلاك السىء بل السىء جداً لأستهلاك الكروز للبنزين حتى على الطرق السريعة و هو واضح فى مناقشتهم على منتدى شيفروليه على العكس تماماً بالنسبة لملاك الفلوانس....
معدل أستهلاك الفلوانس للبنزين على سرعة 100 طريق مفتوح حوالى 20 كم فى اللتر---- رحلتى الأسبوعية من داخل الأسكندرية ثم الصحراوى ثم الدائرى و حتى التجمع ثم مصر الجديدة ثم التجمع ثم الدائرى ثم الصحراوى حتى الأسكندرية....مسافة حوالى 550 كم بتستهلك فى الفلوانس (40 لتر) بمتوسط أستهلاك 13.75 كم فى اللتر.

الفتيس ال cvt علمياً يوجد به وفر 15% على أقل تقدير عن الفتيس الأوتو ال 6 سرعات.

- يا ريت حضرتك توضحلنا ليه العفشة لصالح الكروز...طبعاً للأستفادة و ليس التقليل من كلام حضرتك
- فرق الراحة و الهاندلنج....كل ملاك الفلوانس بيحكوا و يتحاكوا على هاندلنج الفلوانس و متعتها فى السفر لمسافات طويلة جداً....هذا لا يقلل من الكروز....الحكم حد يكون ساق الأتنين مسافة كافية....هل حضرتك جربت الفلوانس فيس ليفت و الكروز فى سفر قبل كده؟ برده حتى نستفيد
أنا معايا الفلوانس ما شاء الله كعفشة داخل البلد مريحة جداً مع إمتصاص مهول للمطبات و كسفر مريحة جداً بإمتياز علماً بأن سرعتى لا تتعدى 120 كم/ساعة فى أغلب الوقت...مجربتش الكروز هتكون أريح و أثبت و لا لأ....

تحياتى