الاسترا ولا الa7-1600

[superdry90]

دي اسعار السيارات في الإمارات يا ريت كلكوا تدخلوا تشوفوا حتلاقوا الاسترا أغلي من الاوكتافيا a7 و الجيتا و أغلي من الكورولا بفرق ٢٠ الف درهم عشان بس الي بيقولوا الاسترا مش فئة الاوكتافيا!!!!!!!منصور عشان هو موزع رقم واحد لاوبل في الشرق الأوسط فبيعرف يجيبها بسعر رخيص إنما الاسترا برا بنفس تمن الجيتا و أغلي من الاوكتافيا كمان و طبعا أغلي من الكورولا سبحان الله هنا في مصر سعرها زي الكورولا و قريبة من السيراتو و دي الي بيخلي مقارنات مش في محلها تتعمل! الي حيقولي ما دي تربو عندهم ادخلوا علي ٢٠١٣ حتلاقوها كانت بتنزل عندهم ال ١١٥ حصان و كانت ب ٧٢٠٠٠ في حين الكورولا ب ٥٩٠٠٠ !!!!!و الجيتا ال ٢٠٠٠ سيسي ب٧٢٠٠٠ مهو يإما وكيل كورولا و فولكس حرامي هنا يإما منصور منزل العربية بسعر رخيص عشان ينافس و ده مش سعر سوقها و بيكسب من الصيانة و قطع الغيارو ده الأقرب للصح ولا ايه رايكوا. http://uae.yallamotor.com تقدروا تبصوا عال اسعار و تقارنوها بعندنا و تشوفوا مين الوكيل الحرامي هنا و مين لا

[corolladestroyer]

ما هو يا باشا الفتيس التعبان اللي في lag (مع إن الlag ده في المواتير التيربو اصلاً مش الفتيس خالص) ده هيفضل عايش معاك العمر كله بدون أدني مشكلة......بس الفتيس الجميل المتقدم اللي اسمه dsg مش هيكمل معاك سنتين علي بعضهم بدون مشاكل....سواء كلتشات أو اصوات غريبة او عقل الفتيس......فهما فضلوا الإعتمادية عن التكنولوجيا العالية.....وال1.6 الجديد ده 16 صباب مش 8 زي القديم.
فأنا شايف انه قرار حلو خصوصاً انها بالتيربو كانت بتنافس في فئة سعرية مش بتاعتها خالص.....يعني فربت من الإنسيجنيا والبيجو ال508 اللي هما علموا علي أتخن عربيات في الفئة دي.
و العربية مينفعش تبقي تسارع بس يا كبير.....الفولفو الs80 كانت بتجيب ال100 في 9 ثواني....ده معناه أن الاوكتافيا التيربو أفضل مثلاً ؟؟؟؟؟؟؟؟؟؟؟؟
الهيونداي إلانترا بتجيب ال100 في 9 ل10 ثواني يعني فرق ثانية واحدة عن الموتور التيربو اللي في الاوكتافيا.....ده معناه إن الإلانترا كده بقت أفضل؟؟؟؟
وال250 نيوتن دول بييجوا من 1500-3500 يعني مش بيفضلوا معاك كتير.....مش زي الأسترا التيربو كانت 230 نيوتن من 2200-5400 وعشان كده رغم وزنها الأتقل والعزم الأَضعف كانت بتجيب ال100 في 7 ثواني.
ونرجع ونقول الازكتافيا سعرها مش في مكانه من الأساس وعشان كده كان لازم يرخصوها عشان تقدر تنافس العربيات اللي في فئتها.

طبعا التسارع مش كل حاجه بس مينفعش اجيب عربيه بنفس السعر وهيا هيا العربيه والفرق مابينهم عشان اجيب ال 100. 6 ثواني او اكتر لا ده عذاب رسمي...
ثانيا مين قال ان البيجو والانسيجنيا والفولفو احسن هما فئة تانيه اه بس مش احسن انا سقت الفولفو ال s60 وال c5 وال 508 وبقولك اهو سواقتهم وركوبتهم اقل بكتييير من الجولف والاوكتافيا والباسات وخلي بالك الي بتكلم فيه ركوبه في precision وفي steering response في عربيات agile جدا في طاره فعلا well weighted صح مش بتتقل غلط...
يعني مثلا الفولفو البيجو كانت الطاره تقيله ومتخلفه وانت واقف والاستجابه بتاعتها بجد فعلا غريبه وانت ماشي مش بتحص خالص انت connected to the road...
ثالثا هاتلي موقع واحد بس محترم بيقول ان الاسترا التربو الاوتو بتجيب ال 100 في 8 حتى مش 7 ياباشا ده البورشور نفسه بتاعهم هنا مكنش في الرقم ده!!! اللي مكتوب 0-100 في 8.7 وهيا 180 حصان و 230 Nm من 2200 ل 5400. يعني لا مؤاخذه كده الجولف ال 122 حصان و 200 nm زيها كتسارع ان مكنش اسرع كمان واتفرج على تسارعات للعربيتين واحكم...اما الجولف والاوكتافيا ال 140 هيبهدلوها جامد..لحد مايوصلو التوب سبيد بتاعتهم وبعد كده الاسترا تعدي....
اخيرا النترا اوتو مين فين وازاي اللي بتجيب ال 100 في 9 او 10 دي
اسمع مني ياباشا انا معايا الجولف وشديت مع امة لا اله الا الله انت عارف ايه اقرب واحده كانت فيهم ليا في الطلعه السيات ليون ال 1.2 تربو اللي تحط على الالنترا والاوكتافيا ال 1600 ام.8 صباب ولو زودها 5 الاف صباب هيا NA هتعمل ايه يعني هتجيب 100 في 13.5 مش 14....
النترا دي مكنتش حتى قريبه لا هيا ولا الكورولا الجديده ده انا كنت بشك اصلا انهم بيشدو من كتر مالفرق كبيير.....
وعامة ال DSG انا عارف انه risk بس فعلا worth it...

[M R. Z E C O]

الاجابة توكيل تويوتا هو الحرامي