مساعده عاجلة تبديل الريو 2013 بشارك 2015

[Mohab555]

السلام عليكم ورحمة الله وبركاته
------------------------------
يارجاله انا معايا ريو هاتشباك 2013 توب لاين جايبها زيرو .. بصمه و فتحه سقف و مثبت سرعه كل الى فى الاحلام موجود
واحد صحبى عنده معرض جايب شارك خليجى بمواصفات جديده لسه نازله ... ABS + EBD + 2 airbag + جنوط 16 + مخدع للسائق + فوجات ... خليجى اماراتى
وعرض عليا ياخد الريو و يدينى الشارك و هدفع 17 الف ... هياخد الريو ب 135 و هيدينى الشارك ب 152 الف ,,, و الصراحة اتفرجت على الشارك شكلها تحفه و الموتور و تحفه و اوسع من الريو بس المشكلة انا حاسس انها فقيره بالنسبه للريو فى التابلوه و الخامات !! و العربيه من ساعه ما شفتها و لعبه فى دماغى
بس مش عارف اخد قرار ... ساعدونا يارجاله الله يكرمكم

[Ahmad Bayomi]

mesh mstahla , 3arbitk 7lwa msA

[J A G U A R]

حاجه تحير فعلا

بس طالما عربيتك فى هيا كل حاجه ومريحاك هاتغيرها ليه .. الا بقى لو فى حاجه مهمه وضروريه عجباك فى الشارك مش فى الريو .. مجرد رأي .

[Mohab555]

حاجه تحير فعلا

بس طالما عربيتك فى هيا كل حاجه ومريحاك هاتغيرها ليه .. الا بقى لو فى حاجه مهمه وضروريه عجباك فى الشارك مش فى الريو .. مجرد رأي .

لا الفكره فى ان الشارك اوسع من جوه و فيها شنطه اكبر .. و الواحد الفتره الجاية داخل على جواز و وجع قلب فعاوز عربيه تستحمل الشيل و الحط وكده ... و خايف كمان سنتين تلاته الاقى الشارك بقت ب 200 الف و الفلوس الى معايا متجبش حاجة ساعتها

[samoreception]

يا باشا طبعا طبعا شااااااااااااارك بس حاول تهزها معاه شوية وتديله 15 الف بس

[J A G U A R]

لا الفكره فى ان الشارك اوسع من جوه و فيها شنطه اكبر .. و الواحد الفتره الجاية داخل على جواز و وجع قلب فعاوز عربيه تستحمل الشيل و الحط وكده ... و خايف كمان سنتين تلاته الاقى الشارك بقت ب 200 الف و الفلوس الى معايا متجبش حاجة ساعتها

خلاص يبقى اتوكل على الله

[rafikesmat]

طب ما تشوف يا باشا سيراتو خليجى بنفس السعر دة و هيكون فيها abs وكاملة و ممكن فتحت سقف و جنط 16 و بلوتوث و مثبت و flex string و ايموبلايزر بس من غير ليدات و فرش جلد بس دة فى حالة ان الكيا عموما عجباك

[rafikesmat]

بس نسيت اقولك ان السيراتو هتكون ب 158

[mahmoud_afifi]

قبل ما تفكر في العربيه شوف التوكيل وقطع الغيار.
صاحبي معاه شارك وبيدوخ ال7 دوخات على قطع غيارها. وكمان الاصليه غاليه

[Mohab555]

ياجماعة انا لحد دلوقتى مش عارف اخد قرار و محتاج رأيكم جدا
الاراء كتير فى ناس بتقولى الشارك قطع غيارها غاليه جدا و مش موجوده و هتقرفك و مش هتحس لما تنزل من الريو و تركبها انك عملت upgrade بالعكس هتحس انك نزلت بالمستوى ... وناس تانى تقولى لا الشارك تحفه و هتتبسط لو غيرت و جبتها .... مش عارف اعمل ايه افيدونى !!! القول الفصل فى الموضوع ده و النبى

[skoda1996]

لو الريو مريحالك يبقي سيبها لحد ما تتجوز "و تخش علي وجع القلب" و ساعتها يبقي تشوف المتاح
لكن لو انت بتفكر في حاجه اعلي من الريو يبقي ما تحصرش اختياراتك في الشارك
الاول : انت عايز تغير العربية دلوقتي او لا ؟
لو هتغيرها يبقي قدامك اختيارات كتير .باذن الله
الشارك جميلة طبعا بس في حاجات كتير كويسة بنفس المبلغ

[Mohab555]

لو الريو مريحالك يبقي سيبها لحد ما تتجوز "و تخش علي وجع القلب" و ساعتها يبقي تشوف المتاح
لكن لو انت بتفكر في حاجه اعلي من الريو يبقي ما تحصرش اختياراتك في الشارك
الاول : انت عايز تغير العربية دلوقتي او لا ؟
لو هتغيرها يبقي قدامك اختيارات كتير .باذن الله
الشارك جميلة طبعا بس في حاجات كتير كويسة بنفس المبلغ

بص انا بغير كل 4 سنين ... و الريو الحمد لله مريحانى و كفاية الدلع الى فيها لازم تحبها
بس انا خايف اجى كمان سنه ولا 2 والاقى الفلوس الى معايا متجبتش حاجة محترمه
ده الكورولا دلوقتى بتتكلم ب 196 الف تانى فئة !!!
الفكره انى نفسى اغير و فى نفس الوقت احس انى عملت upgrade مش نزلت لمستوى اقل .. و كمان تستاهل فلوسها و متبهدلنيش معاها فى الصيانة خصوصا انى عاوز اجبها خليجى ؟؟

تقترح ايه ممكن تانى يكون معانا غير الشارك .... معاك لحد 165 مثلا ؟؟؟ شايف ايه احسن الاختيارات

[lenasam]

توكل على الله فى الشارك و باذن الله مش هتندم

[zook]

بص انا بغير كل 4 سنين ... و الريو الحمد لله مريحانى و كفاية الدلع الى فيها لازم تحبها
بس انا خايف اجى كمان سنه ولا 2 والاقى الفلوس الى معايا متجبتش حاجة محترمه
ده الكورولا دلوقتى بتتكلم ب 196 الف تانى فئة !!!
الفكره انى نفسى اغير و فى نفس الوقت احس انى عملت upgrade مش نزلت لمستوى اقل .. و كمان تستاهل فلوسها و متبهدلنيش معاها فى الصيانة خصوصا انى عاوز اجبها خليجى ؟؟

تقترح ايه ممكن تانى يكون معانا غير الشارك .... معاك لحد 165 مثلا ؟؟؟ شايف ايه احسن الاختيارات

بس انا محتار نفس حيرتك ديه بالظبط نفس موقف بس كنت بفكر ريو قلت عايز اقوى


بس قدامك سيراتو خليجى فئه تانيه اوتو 165 ممكن توصل 169 انا اجيبها بس لو لقيتها موجوده ب 165 هتريحك كاوبشنز مش فقيره زى شارك او
جنط 16 اسبور اصلى/فوجات/ ايرباج/طارة مالتى/ بلوتوث أو مثبت /كبوت مبطن/مفتاح ريموت/كرسى السائق هيدروليك/ داليات/نور استوب خلفى/ نور قراءة و مكان لحفظ النظارة/ فراملaps.
اشارات بالمرايات ومرايات ضم/مخداع خلفية ومسند يد خلفى بحامل اكواب /تكيف خلفى
موضوع هنا كل حاجه http://www.nilemotors.net/Nile/413106-2014.html

قدامك الفلوينس 155 اول فئه اتوماتيك
و 169 فلوينس 169 تانى فئه اتوماتيك

انا لسه مش قررت اخيرا بس قولى لو انت وصلت لقرار

[mac os]

الشارك ياباشا عاوزه واحد غاويها يعنى يستحمل العزل السيئ بتاعها وتوكيلها السيئ الى د كبير وقطع الغيار اغلى بكتير من الريو خصوصا الفلاتر زى البنزين والهواء والزيت دول 3 اضعاف سعر الريو على طول ويمكن اكتر كمانوالباور كمان تقيل فى الشارك لكن الشارك طبعا اكتر ثبات من الريو واوسع وعلى فكره شنطه الشارك صغيره مش زى ما حجم العربيه ما بيوحى