إعـــــــلان

Collapse

.

,
See more
See less

سيات توليدو Vs تويوتا كورولا

Collapse
X
 
  • Filter
  • الوقت
  • Show
Clear All
new posts

  • #61
    المشاركة الأصلية كتبت بواسطة inspiron مشاهدة المشاركة
    اهدوا يا جماعة كده وصلوا علي النبي...الخناقات في المنتدي ده علي ماركات العربيات زادت معرفش ليه..مع إنهم كلهم 4 فرد كاوتش ماشيين بستر الله.

    المهم..بعد إمتلاك كورولا 2013 وعدد من العربيات الأوروبي لا بأس به الحمد لله.

    حقائق :-
    ---------
    - الكورولا أسوأ عربية امتلكتها في كل العربيات اللي ركبتها.
    - الكورولا علي سرعة 60 كم الفرامل موقفتهاش مع إنها abs ودخلت في عربية قصادها وكانت التلفيات كالآتي :-
    1- اكصدام
    2- كبوت
    3- شبكة
    4- ماسورة تكييف
    5- صدر العربية اتعوج
    6- رفرف
    7- وش فيبر للموتور

    طبعاً كعادة الياباني والكوري لما بيتخبط ويتصلح عمرها ما ترجع زي الأول وبتفضل العربية مبعجرة لحد ما تغير خالص الجزء المخبوط لأن متنفعش السمكرة.


    في المقابل :-

    بعد شرائي فانتازيا 2010 عملت بيها حادثة تاني يوم وهي زيرو دخلت في بوكس شرطة علي نفس السرعة بسبب إني بصيت جانبي وهو كان واقف قصادي..يعني خبطه في وضع الثبات يعني المفترض إن الخبطة أقوي من الكورولا..وكانت التلفيات كالآتي







    وبعد التصليح



    ----------------------------------------------------------------------------------------------------------------------------------------------

    تاني جزئية الأداء :-
    -------------------

    ده كان أداء الكورولا بالمحرك الجبار الـ 125 حصان وفتيس أوتوماتيك من أيام حرب المعيز




    ده أداء الفانتازيا بالموتور الـ 105 حصان وفتيس تيبترونيك 6 سرعات



    وهنا نقول مع مراعاة فرق الوزن بين العربيتين عذراً تويوتا

    ---------------------------------------------------------------------------------------------------

    نيجي لناحية التكنولوجي :-
    -----------------------
    يعني بصراحة مش عارف أقول إيه في النقطة دي أكيد الناس عارفة تجهيزات الكورولا إيه وتجهيزات الفانتازيا إيه..فرق الكماليات واضح لكل الناس اللي عارفين العربيتين.

    وعلي سبيل المثال حاجة كده صغيرة :-

    ده صوت كاسيت الفانتازيا بنظام الهارمن كاردن للسماعات




    وطبعاً الناس عارفة مدي سوء صوت كاسيت الكورولا بالنسبة لده !!


    دي حاجة بسيطة علي الماشي بس

    ------------------------------------------------------------------------------------------------

    مش هتكلم بقا عن فرق جودة الخامات الداخلية وقوة تحمل الصاج وعوامل الأمان والثبات وقوة تحمل العفشة .. أه بالنسبة للعفشة صحيح..الكورولا حملت فيها 16 كرتونة سيراميك في الشنطة والكنبة وخلوا العربية تزحف الأرض من ورا

    في المقابل حملت نفس العدد في شنطة الباسات ( اللي تاخد أكتر من 20 كرتونة ) والعربية متهزش فيها شعرة..مع العلم إن الباسات أساساً أوطي من الكورولا بشكل ملحوظ.

    ------------------------------------------------------------------------------------------------

    نيجي لنقطة التكييف :-
    ----------------------

    - أنا مش عارف مين اللي إخترع الـ concept بتاع تكييف التويوتا إبن لذينة واللي عمله معملش غيره مع إن والله ما لمست ده نهائياً..بالعكس..ده حتي مش موجود موضوع الفتحات الخلفية.وتكنولوجي الـ climatronic اللي في الفولكس جروب دي لوحدها حكاية.

    ------------------------------------------------------------------------------------------------

    أظن مينفعش بقا نقول بقا علي مجموعة فولكس إنها ألماني فرز تالت :) ولا إيه..أومال نقول علي التويوتا إيه اللي كانت في فترة فضيحتها بجلاجل في موديلات الكورولا والكامري عالمياً.

    إحقاقاً للحق نقطة ضعف الفولكس دلوقتي عند الناس موضوع الفتيس الـ dsg لأن ده عاوز طريقة معينة لإستخدامه..والطريقة دي الحمد لله أنا ماشي عليها في الباسات ومتكيف منها جداً ومفيهاش أي مشاكل ومقربة علي الـ 20 ألف كيلومتر..وربنا يكملها بالستر يا رب.

    في النهاية إحنا شعب غلبان صحيح بس يستاهل اللي يجراله..عشان يروح يدفع 165 ألف جنيه في عربية زي الكورولا دي وأنا واحد منهم ومشيت بالمثل بتاع إن فاتنا الياباني...ويسيب عربية ألماني تنطحها نطح وبنفس سعرها :)

    Finally,,German cars are the best


    رغم اني مش بحب الرد بالكوميكس بس مش لاقي انسب كلام اقوله تعقيباً علي كلامك دة غير بالكوميك دة

    المصريين عندنا ليهم ثقافة غريبة

    حد في الدنيا يتخيل ان البومة مازالت بتتباع لحد يومنا هذا ؟؟؟ الشارك نزلت في 2008 وقربت تدخل علي الشيب الجديد والبومة مازالت بتتباع
    ليه ؟؟؟
    لكون المصري أحبها وبيمجدها جداً وبيعتبرها السيارة التي لا تقهر

    النيسان صني الشكل بتاع 2012 مازال بيتباع لحد الأن وشكله هيكمل مسيرة البومة

    الفيرنا نفس البروجرام مازالت بتتباع من 2004 لحد الأن

    اللانوس تبعهم

    لو كانت البيجو 504 موديلها جديد شوية كانت فضلت تتباع زيرو حتي وقتنا هذا والمرسيدس 200

    وطبعاً شعب بالmentality دي لازم يمجد الكورولا بردو وبيغمض عينه عما سواها

    بس للأمانة الموضوع ليه ابعاد أقتصادية
    اولا المثل بتاع اللي نعرفه احسن من اللي مانعرفوش
    ثانياً مانا لازم ابقي مقتنع بالحاجة اللي معايا حتي لو وحشة ولازم اقنع نفسي بيها لأن ظروفي ماتسمحش اني اجرب ولو طلعت وحشة ابيعها واجرب حاجة تانية فبالتالي اللي عنده عربية حتي لو فيها ايه ، بردو بيقنع نفسه بيها انها احسن عربية (قصر ديل)
    ثالثاً واحد دافع دم قلبه في عربية 2014 وعليها اقساط ومحملة علي تمنها يجي 50 الف زيادة فطبيعي اول لما يسمع نقد او حتي يكتشف بنفسه عيوب فيها بتجيله صدمة حضارية ويحصله shock في دماغه

    وطبيعي يا أستاذ inspiron ان اللي ماركبش أوروبي عاماً ألماني خاصاً فولكس تحديداً انه يقول ويقول زي ماهو عايز لأنه مش متخيل هتكون عاملة ازاي
    مش متخيلين ان فعلا عربية فئة subcompact (ابيزا) تقدملك اكتر بكتير من اللي بتقدمه فئة compact (كورولا)

    أخيراً احب أشكرك علي الرد والمشاركة وأقولك ربنا يباركلك في عربيتك ويحفظهالك من كل شر

    تحياتي
    [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
    [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

    [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
    [CENTER]
    [COLOR=DarkRed]صفحة القسم علي الفيس بوك[/COLOR]
    [/CENTER]
    [CENTER][URL]http://www.facebook.com/SeatNileMotors[/URL]

    [COLOR=Navy]صفحتي الشخصية
    [url]https://www.facebook.com/ITNetworksWay[/url]
    [/COLOR] [/CENTER]

    Comment


    • #62
      المشاركة الأصلية كتبت بواسطة Hunting_Eagle مشاهدة المشاركة
      أولا .. شكرا للموضوع المنسق المرتب و كمية المعلومات المفيدة

      ثانيا .. شكرا للسيد كريم اللي نقل تجربته مع الكورولا .. على الأقل ملاكها ياخدوا احتياطتهم علشان ما يحصلش معاهم نفس الوضع .. و ان كان مقارنة تويوتا 2013 مع ابيزا 98 فيها شوية من التحيز

      ثالثا .. مالهاش لازمة مقارنة موديلات من عشرين سنة فاتت .. احنا ولاد دلوقتي .. تقريبا من عشرين سنة مكنش في عربيات كوري .. شوفوا كوريا بتعمل ايه دلوقتي .. سيبنا من الفيرنا و اشباه العربيات دي .. شوفوا الكوريس و الازيرا .. الله اعلم بعد عشرين سنة هتبقى في سيات اساسا ولا لأ

      رابعا .. صوتي للكورولا
      شكراً لحضرتك علي مرورك الطيب وتقديرك المجهود

      يا سيدي الفاضل، انا عملت قبل الموضوع هذا موضوعين بنفس المنطق
      يمكنك تصفحهم من خلال الروابط التالية
      سيات توليدو Vs سكودا رابيد
      سيات توليدو Vs هيونداي إلنترا

      والموضوعين نزلوا في الأقسام الخاصة بالسيارات (سواء سيات او سكودا او هيونداي) واستقر بهم المآال إلي قسم المقارنات. ولم يحدث ما حدث في قسم تويوتا
      الكل شكر علي الموضوع وتنسيقه واسلوب عرضه كما فعلت حضرتك بالضبط والكل أبدي اعجابه بالسيارة التي يراها من وجهة نظره تناسبه او معجب بها لأي سبب من الأسباب
      وانا شخصياً رغم اني من ملاك سيات إلا اني ابديت اعجابي بالسكودا رابيد شكلا والتوليدو مضموناً
      ولكن قسم تويوتا يبدو ان له طبيعة خاصة في ابداء الرأي وعدم قبول النقد بأي شكل من الأشكال وبدأو في التجريح والتشكيك ووصفونا بعدم الحيادية وبدأت نبرات تعالي وكبر تبدو في كلامهم من عينة "ايه توليدو دي اللي تتقارن بكورولا" فما كان مني إلا ان اقارن فئة اقل من التوليدو وهي ابيزا بسيارتهم التي يتباهون بها وهي كورولا
      وبالفعل لو المقارنة هذه كان قُدر لها وانعقدت سنة 98 لوجدت عتاب ولوم علي اني كيف أقارن التوليدو الأوروبي التي في مصاف البورا والأودي بالكورولا الأسيوي التي علي اقصي تقدير تقارن بالهيونداي أكسيل ويكفي جداً مقارنة الأبيزا بالكورولا
      ولكن غياب التوليدو عن الساحة لسنوات طويلة انست الناس من هي التوليدو وانقلبت الأية وبتعاتب الأن علي أني كيف أقارن الكورولا الفخمة الجميلة بالتوليدو الأقل منها !!!
      وأكتفيت مؤقتاً بوضع صورة للتوليدو من الداخل لتعبر بما هو أدق وأبلغ من الكلام عما تحويه هذه السيارة من تكنولوجيا لم تصل إلي تويوتا في حينها فالصورة توضح ان التوليدو بها تكييف تاتش وشاشة عرض بيانات ومثبت سرعة وكيلومتر وساعة ديجيتال ومرايات كهربائية بجانب دقة وجودة الخامات والتقفيل.

      أسف علي الأطالة
      وشكراً مرة اخري علي مرورك الطيب

      تحياتي
      [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
      [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

      [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
      [CENTER]
      [COLOR=DarkRed]صفحة القسم علي الفيس بوك[/COLOR]
      [/CENTER]
      [CENTER][URL]http://www.facebook.com/SeatNileMotors[/URL]

      [COLOR=Navy]صفحتي الشخصية
      [url]https://www.facebook.com/ITNetworksWay[/url]
      [/COLOR] [/CENTER]

      Comment


      • #63
        بصراحة انا معنديش تعليق علي اسلوب و طريقة الحوار من اشخاص المفروض انهم قدوة في المجتمع قبل ميكونو في المنتدي .

        طريقة الهجوم و التهليل للاوروبي وصل لدرجة تمنعني اني اشارك و ان اعضاء قسم تويوتا المحترمين يردو علي هذا الكلام و الهجوم التحيزي العجيب اللي خلاني اقتنع اني ابيع عرييتي ٢٠١٤ و اجيب ابيزا ٩٨ .
        انا قررت الانسحاب من هذا الموضوع لوصوله لهذا المستوي ، و نتقابل في موضوع اخر يرتقي فيه مستوي النقاش و الحوار لاعضاء قسم تويوتا و الياباني عموما و يناسب ال mentality بتاعتنا .

        شكرا يا هندسة مرة اخري علي المقارنة
        psycholain سابقا

        Comment


        • #64
          المشاركة الأصلية كتبت بواسطة mohamed.hany مشاهدة المشاركة
          بصراحة انا معنديش تعليق علي اسلوب و طريقة الحوار من اشخاص المفروض انهم قدوة في المجتمع قبل ميكونو في المنتدي .

          طريقة الهجوم و التهليل للاوروبي وصل لدرجة تمنعني اني اشارك و ان اعضاء قسم تويوتا المحترمين يردو علي هذا الكلام و الهجوم التحيزي العجيب اللي خلاني اقتنع اني ابيع عرييتي ٢٠١٤ و اجيب ابيزا ٩٨ .
          انا قررت الانسحاب من هذا الموضوع لوصوله لهذا المستوي ، و نتقابل في موضوع اخر يرتقي فيه مستوي النقاش و الحوار لاعضاء قسم تويوتا و الياباني عموما و يناسب ال mentality بتاعتنا .

          شكرا يا هندسة مرة اخري علي المقارنة

          في الحقيقة أنا مش شايف أي غلط في حق حضرتك أو في حق السادة أعضاء القسم علشان تقلل من شأن مستوي الحوار.ووجهة نظر حضرتك في موضوع التحيز ده ليها العجب !! بقا احنا اللي متحيزين لعربياتنا !! جايز..بس الأوروبي مش محتاج اللي يهلل له يا باشا..الشرق آسيوي هو اللي محتاج شغل كتير عشان بس يقرب له ودي حقيقة المصريين بس هما اللي بينكروها لأسباب غير مقنعة بالمرة.
          علي فكرة كلامي مش من فراغ.كلامي بعد امتلاك كورولا ومش مسامح نفسي اني ضيعت فلوسي عليها.وبالمناسبة حاليا معايا فيرنا للمشاوير الضيقة..يعني عارف يعني ايه كوري ويعني ايه ياباني.

          تحياتي لشخصك الكريم

          Comment


          • #65
            المشاركة الأصلية كتبت بواسطة syd مشاهدة المشاركة


            رغم اني مش بحب الرد بالكوميكس بس مش لاقي انسب كلام اقوله تعقيباً علي كلامك دة غير بالكوميك دة

            المصريين عندنا ليهم ثقافة غريبة

            حد في الدنيا يتخيل ان البومة مازالت بتتباع لحد يومنا هذا ؟؟؟ الشارك نزلت في 2008 وقربت تدخل علي الشيب الجديد والبومة مازالت بتتباع
            ليه ؟؟؟
            لكون المصري أحبها وبيمجدها جداً وبيعتبرها السيارة التي لا تقهر

            النيسان صني الشكل بتاع 2012 مازال بيتباع لحد الأن وشكله هيكمل مسيرة البومة

            الفيرنا نفس البروجرام مازالت بتتباع من 2004 لحد الأن

            اللانوس تبعهم

            لو كانت البيجو 504 موديلها جديد شوية كانت فضلت تتباع زيرو حتي وقتنا هذا والمرسيدس 200

            وطبعاً شعب بالmentality دي لازم يمجد الكورولا بردو وبيغمض عينه عما سواها

            بس للأمانة الموضوع ليه ابعاد أقتصادية
            اولا المثل بتاع اللي نعرفه احسن من اللي مانعرفوش
            ثانياً مانا لازم ابقي مقتنع بالحاجة اللي معايا حتي لو وحشة ولازم اقنع نفسي بيها لأن ظروفي ماتسمحش اني اجرب ولو طلعت وحشة ابيعها واجرب حاجة تانية فبالتالي اللي عنده عربية حتي لو فيها ايه ، بردو بيقنع نفسه بيها انها احسن عربية (قصر ديل)
            ثالثاً واحد دافع دم قلبه في عربية 2014 وعليها اقساط ومحملة علي تمنها يجي 50 الف زيادة فطبيعي اول لما يسمع نقد او حتي يكتشف بنفسه عيوب فيها بتجيله صدمة حضارية ويحصله shock في دماغه

            وطبيعي يا أستاذ inspiron ان اللي ماركبش أوروبي عاماً ألماني خاصاً فولكس تحديداً انه يقول ويقول زي ماهو عايز لأنه مش متخيل هتكون عاملة ازاي
            مش متخيلين ان فعلا عربية فئة subcompact (ابيزا) تقدملك اكتر بكتير من اللي بتقدمه فئة compact (كورولا)

            أخيراً احب أشكرك علي الرد والمشاركة وأقولك ربنا يباركلك في عربيتك ويحفظهالك من كل شر

            تحياتي
            ربنا يخليك يا باشا ويبارك لك في عربيتك ويديك خيرها

            Comment


            • #66
              انا عايز انبه الاخوة لنقطة مهمة
              اغلب الاخوة اللي حكوا انطباعاتهم عن الكورولا كانا تجربتهم مع كورولا 2013 ، في حين ان كورولا 2014 مختلفة شكلا و مضمونا

              Sent from my GT-N7000 using Forum Runner
              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

              [sor2]http://imageshack.us/a/img838/2058/8l0n.jpg[/sor2]

              Comment


              • #67
                المشاركة الأصلية كتبت بواسطة mohamed.hany مشاهدة المشاركة
                بصراحة انا معنديش تعليق علي اسلوب و طريقة الحوار من اشخاص المفروض انهم قدوة في المجتمع قبل ميكونو في المنتدي .

                طريقة الهجوم و التهليل للاوروبي وصل لدرجة تمنعني اني اشارك و ان اعضاء قسم تويوتا المحترمين يردو علي هذا الكلام و الهجوم التحيزي العجيب اللي خلاني اقتنع اني ابيع عرييتي ٢٠١٤ و اجيب ابيزا ٩٨ .
                انا قررت الانسحاب من هذا الموضوع لوصوله لهذا المستوي ، و نتقابل في موضوع اخر يرتقي فيه مستوي النقاش و الحوار لاعضاء قسم تويوتا و الياباني عموما و يناسب ال mentality بتاعتنا .

                شكرا يا هندسة مرة اخري علي المقارنة
                المشاركة الأصلية كتبت بواسطة inspiron مشاهدة المشاركة
                في النهاية إحنا شعب غلبان صحيح بس يستاهل اللي يجراله..عشان يروح يدفع 165 ألف جنيه في عربية زي الكورولا دي وأنا واحد منهم ومشيت بالمثل بتاع إن فاتنا الياباني...ويسيب عربية ألماني تنطحها نطح وبنفس سعرها :)

                finally,,german cars are the best
                المشاركة الأصلية كتبت بواسطة syd مشاهدة المشاركة

                المصريين عندنا ليهم ثقافة غريبة

                حد في الدنيا يتخيل ان البومة مازالت بتتباع لحد يومنا هذا ؟؟؟ الشارك نزلت في 2008 وقربت تدخل علي الشيب الجديد والبومة مازالت بتتباع
                ليه ؟؟؟
                لكون المصري أحبها وبيمجدها جداً وبيعتبرها السيارة التي لا تقهر

                النيسان صني الشكل بتاع 2012 مازال بيتباع لحد الأن وشكله هيكمل مسيرة البومة

                الفيرنا نفس البروجرام مازالت بتتباع من 2004 لحد الأن

                اللانوس تبعهم

                وطبعاً شعب بالmentality دي لازم يمجد الكورولا بردو وبيغمض عينه عما سواها

                في البداية قبل اي كلام انا بعتذر للمهندس محمد هاني
                أنا أسف يا بشمهندس محمد

                بس احب ارد علي حضرتك
                اولا انا كلامي عن عقليات الناس كان تعميماً علي المصريين رداً علي كلمة انسبيرون في احنا شعب غلبان
                فبالتالي كان كلامي عن عقيدة المصريين

                لكن يعلم ربنا اني لا اقصدك ولا اقصد قسم تويوتا لأني حتي في الأمثلة لم أذكر تويوتا وكان كلامي علي البومة والصني والفيرنا واللانوس

                وكلامي كان معمم بوجه عام علي ثقافة الكوري والياباني

                ولو تتذكر اول رد مباشر موجه مني ليك كان بسبب رد حضرتك علي كريم وان كلامه ضرب من الخيال وان توليدو لا ترقي للمقارنة مع الكورولا

                كمان اللي خلاني ارد انا وكريم وبصراحة نبدأ الهجوم رد باسم واستهزاءه رد الأخ نذار رد الأخ اللي مش عارف هو مين بس صاحب مقولة فرز ثالث
                ودة لأننا ماكناش منتظرين تبقي هي دي الردود

                وعموماً انا ببقي حذر جداً في الدخول في مواضيع مقارنات او بمعني اصح مشادات بين الأسيوي والأوروبي
                والدليل علي كدة
                انا بدخل فولكس يومياً وكان في موضوع معمول هناك بتاع انسبيرون بيقارن السيفيك بالباسات وشايفه من اول يوم ومع ذلك مارضيتش ارد غير في اخر الموضوع خالص بعد ماكل واحد ادلي بدلوه ورديت تقريباً في الصفحة ال11

                لأني مش بحب ابداً اعمل عداوة او خصومة بيني وبين احد في المنتدي
                فما بالك انك منسق قسم
                يعني وارد الظروف تشاء ونتقابل سواء في عيد ميلاد المنتدي او في اي مقابلة للمنسقين
                ومن غير ما نتقابل انا مش بحب يكون في خصومة بيني وبين اي حد من الأعضاء عموماً

                بعتذرلك مرة اخري
                وحقك عليا
                [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                [CENTER]
                [COLOR=DarkRed]صفحة القسم علي الفيس بوك[/COLOR]
                [/CENTER]
                [CENTER][URL]http://www.facebook.com/SeatNileMotors[/URL]

                [COLOR=Navy]صفحتي الشخصية
                [url]https://www.facebook.com/ITNetworksWay[/url]
                [/COLOR] [/CENTER]

                Comment


                • #68
                  متابع :)
                  اللهم بارك لنا فيما رزقتنا

                  [SIGPIC][/SIGPIC]

                  Comment


                  • #69
                    طالما الاخوه من قسم سيات عايزين يقارنو بين التوليدو و الكورولا

                    يبقي نجيب تاريخ العربيتين من الاول زي ما الاستاذ سيد شرح الاجيال كلها من وجهة نظري المتواضعه تحتمل الصواب او الخطأ مش قرآن يعني......

                    اول توليدو الواحد يفتكرها هيا موديل اواحر التسعينات اول سنه 2000


                    ودي الصورتها



                    وكانت ايامها فعلاً ممتازه كتصميم و فئه علي شويه من الكورولا وكانت فعلاً شبه البورا و الاوكتافيا A4 بس محدش يقولي اودي A3 ولا جولف لان دي فئه ودي فئه تانيه

                    بعد كده مش فاهم ايه اللي حصل دخلوها فئه تانيه خالص MPV زي الكيا الكارينز و الماتريكس و مرسيدس B مع ان كان عندهم التيا العاديه و XL وكانت ممتازه



                    هوبا رجعو تاني رجعوها فئه السيدان عندنا اللي هيا في الاصل بيعتبروها بره هاتش باك عشان الازاز بيفتح مع الشنطه مكان من الاول ليه بس الشقلبه دي


                    بس للاسف اول ما شوفت العربيه حسيت انها نازله سيدان صغيره يعني تقارن بالبولو السيدان و الاسكودا الرابيد



                    نيجي بقي للكورولا في نفس الفتره تقريباً
                    كانت كده

                    وبعدين كده

                    وبعدين كده

                    واخيراً


                    طبعاً الشركه ماشيه في طريق تطوير للعربيه مبني علي نفس الفئه المستهدفه... عارفه طريقها مش زي سيات

                    نيجي دلوقتي للشركتين
                    تويوتا الشركه الاولي علي العالم في المبيعات
                    فولكس فاجن التالت علي العالم بعد جينرال موتورز

                    في ناس كتير مش فهمه يعني ايه الاولي علي العالم دي و في عربيات كتير احسن منها في العالم سواء اوروبي او امريكي او حتي اسيوي

                    الاولي علي العالم في حجم المبيعات السنوي لمجموع العربيات للشركات المالكه لها

                    تويوتا جروب
                    1- تويوتا
                    2- ليكزيس
                    3- ديهاتسو
                    4- هينو
                    5- جزء من سوبارو


                    فولكس فاجن جروب
                    1-فولكس فاجن
                    2- اودي
                    3- سيات
                    4- سكودا
                    5- بورش
                    6- بنتلي
                    7- بوجاتي
                    8- لامبورجيني
                    9- فولكس فاجن للشواحن التجاريه
                    10- سكانيا
                    11- مان
                    12- دوكاتي

                    ودي المبيعات في 2012

                    Group Units
                    Toyota 10,104,424
                    G.M. 9,285,425
                    Volkswagen 9,254,742
                    Top 3 automakers 2012 by global volume, based on OICA data.

                    طبعاً يعني فولكس فاجن جروب اكيد المفروض انه اقوي بكتيييييييييير من جروب تويوتا بس ليه بقي تويوتا الاولي عالمياً اكيد مش كوسه ولا عشان العشره مليون وكسور اللي بيشترو عربيتها كل سنه هبل ولا مش فارقه معهام الفلوس بس كل الحكايه ان العربيه فعلاً اعلي عربيه اعتماديه علي مستوي العالم ودي بالارقام فياريت يا شباب نبقي حياديين ومحدش يقول ان العربيه مش اعتماديه او سيات اكثر اعتماديه منها

                    نرجع بقي للتصميمات
                    اكيد اكيد سيات تصميمتها احلي من تويوتا داخلياً وخارجياً وحتي الخامات اعلي وده لا غبار عليها لانها هيا هيا تصميمات فولكس و سكودا و اودي مع اختلافات قليله

                    الموتور و الفتيس
                    موتور تويوتا 1600 DUAL VVTI و الفتيس ال CVT اكيد اكيد احلي من موتور فولكس 1600 MPI و الفتيس التيب ترونيك

                    نيجي بقي للتوكيل سواء SMG او المصريه اوتوموتيف حدث ولا حرج

                    وللعلم SMG كان احسن مع عدم انتشاره

                    نيجي بقي لنقطه التكييف
                    انا ممكن اصدق ان تصميم تويوتا مايعجبكش او ان الخامات مش احلي حاجه في الدنيا بس في حاجات في اليباني عموماً مش التويوتا بس.... بدون تحيز مهما تقول محدش هيقتنع
                    1- التكييف
                    2- استهلاك البنزين
                    3- الاعتماديه

                    نرجع بقي للابيزا انا حاسس انها بترجع لورا مش بتطلع لقدام
                    يعني ابيزا 92 احلي ابيزا في الدنيا وكانت منافسه للجولف ايامها دلوقتي بقت تنافس البولو
                    وده راجع ان الشركه الام عندها Icons مش عايزها تجيب حاجه جمبها تاثر علي شعبيتها زي الجولف

                    نرجع بقي لمشكله الكورولا و السيول و العزل..... من الصور و معلومات حضرتك انك في السعوديه
                    ودي سيول السعوديه يعني ربنا يعفي الجميع... واكيد انت تعرف ناس تانيه حصلهم اكتر من كده مليون مره



                    عشان بس ميحصلش لبس ان شويه مياه من المطر عندنا هتعمل كده

                    وفي الاخر تقبلو تحياتي
                    الحمد لله
                    [SIGPIC][/SIGPIC]

                    Comment


                    • #70
                      المشاركة الأصلية كتبت بواسطة تامر.محمد مشاهدة المشاركة
                      انا عايز انبه الاخوة لنقطة مهمة
                      اغلب الاخوة اللي حكوا انطباعاتهم عن الكورولا كانا تجربتهم مع كورولا 2013 ، في حين ان كورولا 2014 مختلفة شكلا و مضمونا

                      sent from my gt-n7000 using forum runner
                      ماهو دة مربط الفرس يا أ/ تامر
                      العربية موديل 2014 - ليه الكلام علي الأعتمادية ؟؟ اي عربية موديل السنة اكيد اعتمادية ومش هيظهر منها اعطال
                      احنا كلامنا كله علي القديم
                      مش هنكر ان تويوتا من اكثر السيارات اعتمادية مقابل الأوروبي
                      لكن دة لأنها قعدت لفترة طويلة جداً كاربراتير بتكنولوجيا بسيطة جداً وبالتالي اعطال قليلة جداً
                      لأن معروف ان كل ما زاد التعقيد الألكتروني زادت المشاكل والأعطال
                      زي الأيفون والسامسونج
                      الأيفون بيهنج اقل واسرع من السامسونج لأن السامسونج حساساته كتير ومتقل اوي علي البروسيسور بكماليات كتير وعامل كالتشينج بين نظام التشغيل وبين الهارد ووير وشوية تعقيدات لا مجال للحديث عنها هنا

                      قصد كلامي
                      ان الثقافة المتوارثة عن اعتمادية الياباني عموماً والكوري اصلها في موديلات الثمانينيات والتسعينيات واوائل الألفية الثانية لبساطة السيارة وقلة التعقيد
                      لكن الأوروبي كان واخد خطوة جريئة ومنزل تكنولوجيا جديدة وللأسف كأي تكنولوجيا جديدة وارد يكون ليها مشاكل في البداية
                      وللأسف شربها الأوروبي ونفد منها الكوري والياباني ونزلها بعد ماخلاص اتظبطت واتعرف حلولها فين وازاي نتفاداها
                      والنتيجة
                      الأوروبي كثير الأعطال
                      الأسيوي اعتمادي

                      تحياتي
                      [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                      [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                      [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                      [CENTER]
                      [COLOR=DarkRed]صفحة القسم علي الفيس بوك[/COLOR]
                      [/CENTER]
                      [CENTER][URL]http://www.facebook.com/SeatNileMotors[/URL]

                      [COLOR=Navy]صفحتي الشخصية
                      [url]https://www.facebook.com/ITNetworksWay[/url]
                      [/COLOR] [/CENTER]

                      Comment


                      • #71
                        المشاركة الأصلية كتبت بواسطة iUsef مشاهدة المشاركة
                        طالما الاخوه من قسم سيات عايزين يقارنو بين التوليدو و الكورولا
                        يبقي نجيب تاريخ العربيتين من الاول زي ما الاستاذ سيد شرح الاجيال كلها من وجهة نظري المتواضعه تحتمل الصواب او الخطأ مش قرآن يعني......
                        تمام
                        بس ان شاء الله تحتمل الصواب في جزئية التوليدو
                        لأني حافظ تاريخها عن ظهر قلب بالأضافة إلي انه تاريخ وليس تقييم شخصي فأكيد ان شاء الله صواب

                        اول توليدو الواحد يفتكرها هيا موديل اواحر التسعينات اول سنه 2000
                        للأمانة كان في موديل قبلها بس كان لسة في أول سيات مع فولكس وفيما بعد أتاخد واتعمل منه نسخة صيني (شيري A11)
                        أنا ذاكر الكلام دة كله في رأس الموضوع


                        ودي الصورتها



                        وكانت ايامها فعلاً ممتازه كتصميم و فئه علي شويه من الكورولا وكانت فعلاً شبه البورا و الاوكتافيا A4 بس محدش يقولي اودي A3 ولا جولف لان دي فئه ودي فئه تانيه
                        يا فندم
                        يا استاذي
                        يا سيدي الفاضل
                        احنا مش بنقول كلام مرسل
                        في أسس بنتكلم من خلالها وليس اي كلام
                        التوليدو مبنية علي منصة Platform A4
                        الجولف مبنية علي منصة Platform A4
                        البورا مبنية علي منصة Platform A4
                        الأوكتافيا مبنية علي منصة Platform A4
                        الأودي مبنية علي منصة Platform A4
                        A4 (PQ34)
                        نظرة عن كثب: كل ما تريد معرفته عن منصات مجموعة فولكسفاجن

                        طب يعني ايه منصة ؟؟؟؟ او بلاتفورم Platform
                        المنصة هي مجموعة اجزاء ومكونات للسيارة تشمل الشاسيه ووضعية تركيب المحرك وآلات الجر ونظم التعليق والفرامل وبيت المحرك (الحوض) والهيكل العام للسيارة

                        عارف يعني ايه منصة ؟؟؟
                        يعني لو فكيت المحرك من العربية دي تركبه في العربية دي علي نفس القواعد بدون تعديل
                        يعني تفك الكرسي وتركبه في عربية من نفس المنصة
                        يعن تفك باب وتركبه في عربية تانية من نفس المنصة
                        يعني تفك تابلوه

                        يعني من الأخر كل العربيات المبنية علي نفس المنصة هي عربيات متطابقة وليست حتي متشابهة
                        جميع قطع غيار جولف 4 سواء في المحرك او الفرامل او العفشة تركب دون ادني مشكلة في التوليدو Mk2 والأوكتافيا A4 والأودي A3 والعكس بالعكس في جميع السيارات المذكورة

                        طب ليه فولكس عملت كدة ؟؟؟
                        اولا فولكس صارفة كتير علي التصميم والتطوير
                        لما تعمم نفس المنصة (المصروف عليها كتير) علي عدد كبير من السيارات يبقي كأنها قسطت التكلفة علي عدد كبير من العربيات وماحملتوش كله عربية واحدة (وليكن الجولف 4) وبالتالي
                        هتلاقي انتاج ضخم (وفيه تنوع ما بين أودي وسيات وسكودا وفولكس) قصاده مبيعات ضخمة قصاده سعر منافس لأني ماحملتش مصاريف تصميم وتطوير علي سيارة واحدة
                        ثانياً تضمن انتشار وتوافر قطع غيار

                        فاكر فيلم احمد حلمي بتاع كل نفسك قبل ما حد يجي ياكلك Eat your Self
                        دة مبدأ تسويقي مهم جداً وهو الأستحواذ علي حصة سوقية كبيرة وفي النهاية كل المشاركين في السوق تحت مظلتك وبيصبوا العائد عندك
                        يعني انا عملت مقارنة بين توليدو ورابيد
                        ناس حبت التوليدو وناس حبت الرابيد وفي الأخر الأتنين واحد والأتنين عند فولكس سواء
                        تشتري رابيد تشتري توليدو الأثنين بتوعي والأثنين هيشتروا قطع الغيار بتاعتي اللي عليها علامة فولكس


                        بعد كده مش فاهم ايه اللي حصل دخلوها فئه تانيه خالص MPV زي الكيا الكارينز و الماتريكس و مرسيدس B مع ان كان عندهم التيا العاديه و XL وكانت ممتازه
                        انا كمان والله مستغرب نفس استغرابك
                        بس عموماً هي من وجهة نظري كان ليها هدف
                        اولا معروف ان النسخة الهاتشباك من التوليدو تطرح في الأسواق تحت اسم ليون - زي بالظبط الi30 الهاتشباك بتاعة الألنترا
                        اعتقد انه كان تمهيد للأستقلال بالليون كمنتج وحيد لا علاقة له بالتوليدو
                        لأن هتكتشف ان الليون من نفس الجيل دة كانت انجح ليون وتشبه التوليدو جداً حتي في المظهر الخارجي كسيارتين هاتشباك


                        هوبا رجعو تاني رجعوها فئه السيدان عندنا اللي هيا في الاصل بيعتبروها بره هاتش باك عشان الازاز بيفتح مع الشنطه مكان من الاول ليه بس الشقلبه دي
                        لا
                        هنا اسمحلي اعدل علي كلام حضرتك
                        توليدو لما رجعت مارجعتش مكانها الطبيعي اللي كانت فيه
                        للأسف الشديد سيات كان عندها موديل اسمه قرطبة ودة كان النسخة السيدان من الأبيزا
                        لسبب ما لا اعرفه توقف هذا الموديل منذ 2009 وسبب فراغ في فئة السيدان الصغيرة او الsubcompact - فلما رجعت التوليدو رجعت عشان تسد هذا الفراغ ونزلت التوليدو من فئة الcompact إلي فئة الsubcompact
                        وفي المقابل اكتفت شركة سيات بتقديم الليون هاتشباك والليون استيشن واجن كبدائل في فئة الكومباكت compact
                        وعموماً التوليدو والرابيد والاوكتافيا بيعتبروا ليفت باك وليس هاتشباك لكونهم يجمعوا بين الشكلين شكل الهاتشباك والزجاج الخلفي بيرتفع مع باب الشنطة وشكل السديان في كون ليها شنطة حتي لو صغيرة.

                        بس للاسف اول ما شوفت العربيه حسيت انها نازله سيدان صغيره يعني تقارن بالبولو السيدان و الاسكودا الرابيد
                        دي حقيقة كما ذكرت سالفاً
                        فعلا التوليدو فئة الرابيد بالظبط وحتي مبنية معاها علي نفس المنصة
                        وفئة البولو السيدان (النسخة السيدان من البولو الهاتشباك) وكما ذكرنا فهي تحل محل القرطبة اللي كانت النسخة السيدان من الأبيزا



                        نيجي بقي للكورولا في نفس الفتره تقريباً
                        كانت كده

                        وبعدين كده

                        وبعدين كده

                        واخيراً


                        طبعاً الشركه ماشيه في طريق تطوير للعربيه مبني علي نفس الفئه المستهدفه... عارفه طريقها مش زي سيات
                        هي ماشية في طريقها دي صح
                        لكن مالها سيات ؟؟؟
                        بتقدم سيارات في كل فئة من اول الميني والسيتي كار لحد اكبر شريحة والفارهة
                        بس للأسف الشديد مش بتنزل مصر

                        نيجي دلوقتي للشركتين
                        تويوتا الشركه الاولي علي العالم في المبيعات
                        فولكس فاجن التالت علي العالم بعد جينرال موتورز

                        في ناس كتير مش فهمه يعني ايه الاولي علي العالم دي و في عربيات كتير احسن منها في العالم سواء اوروبي او امريكي او حتي اسيوي

                        الاولي علي العالم في حجم المبيعات السنوي لمجموع العربيات للشركات المالكه لها

                        تويوتا جروب
                        1- تويوتا
                        2- ليكزيس
                        3- ديهاتسو
                        4- هينو
                        5- جزء من سوبارو


                        فولكس فاجن جروب
                        1-فولكس فاجن
                        2- اودي
                        3- سيات
                        4- سكودا
                        5- بورش
                        6- بنتلي
                        7- بوجاتي
                        8- لامبورجيني
                        9- فولكس فاجن للشواحن التجاريه
                        10- سكانيا
                        11- مان
                        12- دوكاتي

                        ودي المبيعات في 2012

                        Group Units
                        Toyota 10,104,424
                        G.M. 9,285,425
                        Volkswagen 9,254,742
                        Top 3 automakers 2012 by global volume, based on OICA data.

                        طبعاً يعني فولكس فاجن جروب اكيد المفروض انه اقوي بكتيييييييييير من جروب تويوتا بس ليه بقي تويوتا الاولي عالمياً اكيد مش كوسه ولا عشان العشره مليون وكسور اللي بيشترو عربيتها كل سنه هبل ولا مش فارقه معهام الفلوس بس كل الحكايه ان العربيه فعلاً اعلي عربيه اعتماديه علي مستوي العالم ودي بالارقام فياريت يا شباب نبقي حياديين ومحدش يقول ان العربيه مش اعتماديه او سيات اكثر اعتماديه منها
                        طبعاً الأرقام دي صحيحة لأنها اكيد منقولة
                        وانا مش بشكك فيها
                        بس يا باشا المبيعات مش هي مربط الفرس
                        لو بتتكلم في مبيعات يبقي تقارن الكورولا بالفيرنا
                        لو المبيعات القليلة ليها سبب خفي زي المبيعات الكبيرة ماليها سبب خفي (كا اوضحته حضرتك يكمن في الأعتمادية)
                        يبقي اكيد الفولفو مخبيين علينا حاجة احنا مانعرفهاش - او عربياتهم معيوبة وعشان كدة مبيعاتها قليلة
                        ارقام المبيعات مؤشر والجودة مؤشر تاني خالص - الأتنين لا علاقة لهم ببعض تماماً
                        كأنك بتتكلم في المقارنة بين الوزن والسرعة دة معيار يتقارن بيه ودة معيار اخر للمقارنة
                        هتقارن مبيعات تويوتا يبقي نقارنها بمبيعات فولكس
                        هتقارن جودة تويوتا واعتماديتها نقارنها بجودة واعتمادية فولكس
                        لكن تويوتا احسن عشان مبيعات - يبقي فولفو اسوء عشان مبيعات 1+1=2

                        نرجع بقي للتصميمات
                        اكيد اكيد سيات تصميمتها احلي من تويوتا داخلياً وخارجياً وحتي الخامات اعلي وده لا غبار عليها لانها هيا هيا تصميمات فولكس و سكودا و اودي مع اختلافات قليله
                        كل شركة من شركات المجموعة بتصنع حاجتها لنفسها فيما عدا ما يخص المنصة كما ذكرت من قبل
                        يعني مثلا الصاج والخوارج من تصميم كل شركة لنفسها
                        التصميم الداخلي ممكن كل شركة تصنع لنفسها او ممكن احد الشركات تصمم حاجة وتديها لباقي الشركات في المجموعة
                        يعني وارد جداً تلاقي قطعة في الجولف وعليها علامة سيات بدل علامة فولكس وبالتالي نفس القطعة في سكودا هتلاقي عليها علامة سيات وكذلك في أودي
                        والقطعة اللي بتتركب في كل الموديلات بتلاقي عليها علامات المجموعة كلها
                        الخلاصة انك ممكن تلاقي علامة فولكس وعلامات المجموعة ودي هتلاقيها Made in Germany وممكن تلاقي علامة سيات والعلامات ودي هتلاقيها Made in Spain

                        الموتور و الفتيس
                        موتور تويوتا 1600 DUAL VVTI و الفتيس ال CVT اكيد اكيد احلي من موتور فولكس 1600 MPI و الفتيس التيب ترونيك
                        لا معلش
                        مفيش حاجة اسمها اكيد
                        قولي طب حتي ارقام وبعدها قولي اكيد
                        دة الراجل لسة كان مشير فيديو لتسارع الكورولا وتسارع الأوكتافيا (نفس المحرك اللي في التوليدو)
                        يبقي ماتقوليش اكيد
                        اه انا معاك ان تكنولوجيا Dual vvti حلوة مفيش كلام - بس علي فكرة فولكس كانت نزلتها مرة في الجولف بس كانت من غير dual كانت vvt
                        بس ماهي عملت ايه بالdual vvti؟؟ بردو مطلعة ارقام تقترب جداً جداً جداً من محرك التوليدو الMPI ال8 صباب SOHC
                        يعني تويوتا ماعملتش حاجة بال16 ولا بالdual vvti ومحرك سينجل 8 صباب متعدد النقاط جاب نفس ارقامه تقريباً وهتلاقيه اخف وبيوفر اكتر كمان

                        بلاش الله يخليك تتكلم بجد في الحاجات اللي المانيا متميزة بيها
                        المحركات والماكينات والكلام دة
                        سيب الشحم والزيت لأصحابه
                        كلمني في كاسيت صوته عالي - كلمني في تكييف - كلمني في اي حاجة اليابان تقدر تلعب او تنافس فيها وبلاش المحركات عشان دي لعبة الألمان

                        نيجي بقي للتوكيل سواء SMG او المصريه اوتوموتيف حدث ولا حرج

                        وللعلم SMG كان احسن مع عدم انتشاره
                        نيجي بقي لنقطه التكييف
                        انا ممكن اصدق ان تصميم تويوتا مايعجبكش او ان الخامات مش احلي حاجه في الدنيا بس في حاجات في اليباني عموماً مش التويوتا بس.... بدون تحيز مهما تقول محدش هيقتنع
                        1- التكييف
                        2- استهلاك البنزين
                        3- الاعتماديه
                        بص يا باشا
                        معروف دائماً ان هناك حاجة اسمها صناعات مغذية
                        يعني تويوتا تويوتا مش هي اللي مصنعة مكونات التكييف
                        احنا عندنا في فولكس بنجيب كباسات ساندن الياباني - مش عارف تويوتا بتجيب انهي كباسات
                        والثلاجة وخلافه هتلاقيها اما فاليو او vdo دة طبعا بالنسبة لفولكس
                        مش عارف تويوتا ايه نظامها او بتتعامل مع مين
                        في النهاية قصة التكييف دي بتعتمد علي الشركات المغذية وبالأضافة إلي انها بتختلف من نطاق جغرافي لأخر يعني التكييف الحلو في مصر اكيد ضعيف في السعودية واللي حلو في اوروبا اكيد سئ في مصر والخليج لأنك تعرف تماما ان قوة التكييف تعتمد في الأساس علي المناخ الخارجي

                        نرجع بقي للابيزا انا حاسس انها بترجع لورا مش بتطلع لقدام
                        يعني ابيزا 92 احلي ابيزا في الدنيا وكانت منافسه للجولف ايامها دلوقتي بقت تنافس البولو
                        وده راجع ان الشركه الام عندها Icons مش عايزها تجيب حاجه جمبها تاثر علي شعبيتها زي الجولف
                        معلش انا أسف
                        جبت الكلام دة منين ؟؟؟؟؟؟
                        دة رأي شخصي ؟؟؟
                        ازاي الأبيزا بترجع لورا ؟؟؟ ازاي احلي ابيزا موديل 92 ؟؟؟؟ ازاي الأبيزا كانت بتنافس جولف ؟؟؟
                        للأسف الشديد المعلومات دي كلها مش سليمة
                        اولاً الأبيزا جيل بعد جيل بتطور وكمان بتطور جوة نفس الجيل
                        الأبيزا 92 كانت قبل الشراكة مع فولكس وكانت تعتمد علي تصميم ايطالي وتقترب جداً جداً جداً من الأونو (فيات) وكانت تتميز بعزل صدأ لا مثيل له
                        ولكنها كانت بالظبط زي الفيات وبتفتح شاسيه لو حد عطس وهو قاعد جواها

                        اما ان الأبيزا بتنافس جولف
                        فدي معلومة أثبتنا خطأها بكل الأدلة والبراهين المدعومة بالأرقام والقياسات والتجارب وانا شخصياً رفعت المقاسات من علي اكثر من سيارة سيات سواء سيارتي او سيارات الأعضاء في القسم وكريم تفضل مشكوراً برفع المقاسات من علي الجولف والبولو بجانب طبعاً قياسات بعض الثوابت في السيارة زي الدنجل واجزاء العفشة والقنطرة وما إلي ذلك
                        بالأضافة إلي البحث الدقيق والتحري عبر الأنترنت
                        فلا نجد اي تطابق بين الأبيزا والجولف
                        والأبيزا فئة والجولف فئة اخري
                        الليون هي التي تنافس الجولف
                        الأبيزا تنافس بولو

                        نرجع بقي لمشكله الكورولا و السيول و العزل..... من الصور و معلومات حضرتك انك في السعوديه
                        ودي سيول السعوديه يعني ربنا يعفي الجميع... واكيد انت تعرف ناس تانيه حصلهم اكتر من كده مليون مره



                        عشان بس ميحصلش لبس ان شويه مياه من المطر عندنا هتعمل كده
                        لا دي مش مشكلتي وماليش فيها

                        وفي الاخر تقبلو تحياتي

                        يا فندم احنا اتشرفنا جداً بالنقاش معاك
                        نورت الموضوع وشكراً بجد علي الأضافات وعلي رد حضرتك

                        تحياتي
                        [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                        [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                        [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                        [CENTER]
                        [COLOR=DarkRed]صفحة القسم علي الفيس بوك[/COLOR]
                        [/CENTER]
                        [CENTER][URL]http://www.facebook.com/SeatNileMotors[/URL]

                        [COLOR=Navy]صفحتي الشخصية
                        [url]https://www.facebook.com/ITNetworksWay[/url]
                        [/COLOR] [/CENTER]

                        Comment


                        • #72
                          المشاركة الأصلية كتبت بواسطة syd مشاهدة المشاركة

                          قصد كلامي
                          ان الثقافة المتوارثة عن اعتمادية الياباني عموماً والكوري اصلها في موديلات الثمانينيات والتسعينيات واوائل الألفية الثانية لبساطة السيارة وقلة التعقيد
                          لكن الأوروبي كان واخد خطوة جريئة ومنزل تكنولوجيا جديدة وللأسف كأي تكنولوجيا جديدة وارد يكون ليها مشاكل في البداية
                          وللأسف شربها الأوروبي ونفد منها الكوري والياباني ونزلها بعد ماخلاص اتظبطت واتعرف حلولها فين وازاي نتفاداها
                          والنتيجة
                          الأوروبي كثير الأعطال
                          الأسيوي اعتمادي

                          تحياتي
                          انا اعتقد ان معظم النقاط ممكن يبقى فيها هات و خد .. انما فعلا عند الحديث عند الاعتمادية و خصوصا بين تويوتا و فولكس فاجن .. فالموضوع محسوم لصالح تويوتا

                          ومش موديلات الثمانينات و التسعينات و أوائل الألفية بس .. لأ لحد دلوقتي .. و بقارق كبير لصالح تويوتا

                          حتى في المستقبل .. ما اعتقدش الموضوع هيختلف كتير .. لأن ده هو اللي بيأكل تويوتا عيش .. خد عربية دور و اركب و انسى .. خصوصا في الموديلات الصغيرة .. بردو على عكس فولكس فاجن .. ادعى ربك ان الفتيس ما يضربش لحد ما توصل 30 الف كم
                          [CENTER]"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"[/CENTER]
                          [CENTER][SIGPIC][/SIGPIC][/CENTER]

                          Comment


                          • #73
                            مجهود رائع و مقارنه قويه و معلومات جديده بالنسبه لى فى التوليدو . الاوروبى فعلا ضاغط الفتره الللى فاتت متمثل فى فولكس و اوبل و رينو و بيجو بعد ما كان لهم السبق فى اكتشاف التكنولوجيات و الاوبشنز الجديده و اخد المخاطره على عاتقهم و نالت من سمعتهم لفتره و اتذكر هنا الميجان بتكنولجياتها اول ما نزلت و ما نالها مقابل المجازفه التكنولوجيه وقتها فى 2004 و اتخدت من طرف الاسيويين على الجاهز الان و لكن زى ما بيقولوا الدهن فى العتاقى . دى حقيقه

                            تحياتى لكل القائمين على المقارنه و المعلقين عليها
                            اللهم بارك لنا فيما رزقتنا

                            [SIGPIC][/SIGPIC]

                            Comment


                            • #74
                              المشاركة الأصلية كتبت بواسطة hunting_eagle مشاهدة المشاركة
                              انا اعتقد ان معظم النقاط ممكن يبقى فيها هات و خد .. انما فعلا عند الحديث عند الاعتمادية و خصوصا بين تويوتا و فولكس فاجن .. فالموضوع محسوم لصالح تويوتا

                              ومش موديلات الثمانينات و التسعينات و أوائل الألفية بس .. لأ لحد دلوقتي .. و بقارق كبير لصالح تويوتا

                              حتى في المستقبل .. ما اعتقدش الموضوع هيختلف كتير .. لأن ده هو اللي بيأكل تويوتا عيش .. خد عربية دور و اركب و انسى .. خصوصا في الموديلات الصغيرة .. بردو على عكس فولكس فاجن .. ادعى ربك ان الفتيس ما يضربش لحد ما توصل 30 الف كم
                              محدش علق علي اعتمادية تويوتا او شككنا فيها
                              انا بتكلم علي اعتمادية الأوروبي
                              بتكلم علي سابق خبرة مع عربيتي الأبيزا والجولف لأحد أصدقائي
                              حقيقي والله العربيات دي حتي لو فيها ايه - بتمشي وتوصلك لحد بيتك معزز مكرم
                              اتذكر أحد الأعضاء في قسم سيات جي بعربيته بطرمبة مية مكسورة من الريست علي طريق اسكندرية القاهرة الصحراوي وروح بعربيته لحد الهرم
                              صلح الطرمبة والعربية ماشية زي الفل وحتي ماضربتش جوان
                              انا شخصياً خالع اسطوانة دبرياج من عربيتي فيها سوستة مكسورة وناطرة من مكانها والعربية كانت ماشية زي الفل وبتعض بس معايا في اول وريفيرس
                              الأوروبي مشكلته الحقيقية في صياناته الكتيرة المتقاربة للأمانة
                              ماينفعش تفوت مواعيد الصيانات
                              لي تجربة سيئة مع عربية اخي فيكترا 96 محرك 2000 ايكوتك وفتيس اوتوماتيك
                              العربية زي الفل لا غبار عليها بس الفتيس عمل معاه اكتر من مشكلة ولكن اخي قيادته عنيفة لأكتر مما تتخيل - وهو نفسه حارق 3 فتايس اوتوماتيك في دايو ليجانزا 2000 ايكوتك
                              وبالتالي اشك في اعتمادية الأوبل لأن يبدو القاسم مشترك بينهم وهو اسلوب القيادة التي لا يتحمله اي ناقل حركة علي الأطلاق

                              عدم اعتمادية الأوربي تأتي في الصيانات بشكل غير سليم او بقطع غيار غير اصلية
                              لكن لو عملت الصيانات المطلوبة في أوقاتها وبقطع غيار اصلية ستستمتع بسيارة لا مثيل لها في متعة القيادة

                              تحياتي لشخصكم الكريم
                              [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                              [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                              [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                              [CENTER]
                              [COLOR=DarkRed]صفحة القسم علي الفيس بوك[/COLOR]
                              [/CENTER]
                              [CENTER][URL]http://www.facebook.com/SeatNileMotors[/URL]

                              [COLOR=Navy]صفحتي الشخصية
                              [url]https://www.facebook.com/ITNetworksWay[/url]
                              [/COLOR] [/CENTER]

                              Comment


                              • #75
                                المشاركة الأصلية كتبت بواسطة yasser100 مشاهدة المشاركة
                                مجهود رائع و مقارنه قويه و معلومات جديده بالنسبه لى فى التوليدو . الاوروبى فعلا ضاغط الفتره الللى فاتت متمثل فى فولكس و اوبل و رينو و بيجو بعد ما كان لهم السبق فى اكتشاف التكنولوجيات و الاوبشنز الجديده و اخد المخاطره على عاتقهم و نالت من سمعتهم لفتره و اتذكر هنا الميجان بتكنولجياتها اول ما نزلت و ما نالها مقابل المجازفه التكنولوجيه وقتها فى 2004 و اتخدت من طرف الاسيويين على الجاهز الان و لكن زى ما بيقولوا الدهن فى العتاقى . دى حقيقه

                                تحياتى لكل القائمين على المقارنه و المعلقين عليها
                                الف شكر علي متابعتك وتقديرك المجهود

                                بالظبط دة اللي انا بتكلم فيه
                                الأوروبي له السبق في كل التكنولوجيات الحالية وطبيعي اي تكنولوجيا جديدة لازم يظهر لها عيوب مع الأستخدام
                                مش معني كدة ان الأوروبي بيجرب في عملائه - بالعكس
                                الأوروبي بيختبر كويس اوي
                                ولكن في النهاية التجربة الحقيقية مع الملاك هي الفيصل

                                علي سبيل المثال
                                في السوفت ويير
                                وليكن مايكروسوفت ويندوز
                                بعد لما مايكروسوفت بتعمل اصدار جديد للويندوز بيدخل حاجة اسمها Microsoft Quality Labs - المبرمجين والتيسترز Testers بيختبروا نظام التشغيل الجديد - بيفرموه بمعني ادق
                                وبعد كدة بينزلوا نسخة بيتا وتنزل الأسواق مجاني عن طريق الداونلود من علي موقع الشركة او بتبعت نسخ للبارتنرز Partners بتوعها
                                بتظهر عيوب
                                بيعدلوها وينزلوا نسخة تانية وثالثة كمان بيتا
                                وفي الأخر يستقر بيهم المطاف إلي نسخة RC Release Candidate يقوموا يطلقوا عليها اسم تجاري وتنزل Final Release في الأسواق
                                المتوقع طبعا انها تخلو من المشاكل لأنها اتجربت مرة في معامل مايكروسوفت و3 مرات ينزلها نسخ بيتا وتتعدل
                                ومع ذلك تظهر مشاكل اخري
                                سواء مشاكل عدم توافقية او سيكيوريتي او اي نوع من انواع الباجز Bugs المشهورة
                                يقوموا يفضلوا يدعموا Support نظام التشغيل بشوية Updates وباتشز Batches وهوت فيكس Hot fix وينزلوا سيرفيس باك 2 و 3

                                أنا اسف علي التطويل في المثال

                                بس دة الواقع اللي بيحصل مع اي نيو تكنولوجي
                                xp كانت اعتمادية جداً بس مرت بنفس المراحل اللي ذكرتها سابقاً لأن دة Behavior لازم يمر بيه اي نظام تشغيل واي نيو تكنولوجي

                                رينو عملت كدة مع ميجان
                                وعلي حد علمي من أ/ تامر محمد ان ابتداء من موديل 2008 نزل سوفت ويير جديد للكنتورولر ظبط الأداء وقلل جداً المشاكل

                                وهتفضل طول العمر هي دي المشكلة الأبدية
                                في تطوير وتحديث وتكنولوجيا جديدة = في مشاكل وتحسينات وتعديلات واعطال

                                ومشكلة الأوروبي انه مابيهمدش - اول لما يحل مشاكل التكنولوجيا الحالية - ينزل بتكنولوجيا جديدة بمشاكل جديدة

                                عايز تستمتع بالتكنولوجيا الجديدة - تحمل المخاطر والأعطال الجديدة علي الصنايعية والتوكيل نفسه
                                خايف من الأعطال وعايز اعتمادية - اركب موديل قديم في الأوروبي او عربية مش بتطور بسرعة موديل حديث وليكن اسيوي

                                تحياتي لحضرتك
                                [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                                [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                                [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                                [CENTER]
                                [COLOR=DarkRed]صفحة القسم علي الفيس بوك[/COLOR]
                                [/CENTER]
                                [CENTER][URL]http://www.facebook.com/SeatNileMotors[/URL]

                                [COLOR=Navy]صفحتي الشخصية
                                [url]https://www.facebook.com/ITNetworksWay[/url]
                                [/COLOR] [/CENTER]

                                Comment

                                Working...
                                X