استرا كوزمو او فوكس سبورت

[a7m8n]

اخوانى اعضاء المنتدى ان بشترى عربيه اليومين دول وعملت شويه مقارنات لحد ماوصلت ل حاجتين
1-اوبل استرا
2- فورد فوكس
انا محتار جدا وقولت اعرض الموضوع واشوف الناس بتفكر فى ايه علما بانى عرفت الاتى
1- الاوبل اوسع شويه من الفوكس بس مش كتير
2- الفورد ماتورها اقوى شويه من الاسترا
3- اللاسترا فيها esp بس الفوكس مفيهاش الا فى اعلى فئه التيتانيوم ودى مش حقدر على سعرها
4-عبد اللطيف جميل عامل عروض على الفوكس وكمان عامل اسعار حلوه لقطع الغيار وصيانات الفوكس
5-محدش شكرلى فى توكيل منصور بتاع الاوبل

ياريت ياجماعه اللى عنده رأى ميبخلش عليه بيه

[Ahmad Bayomi]

الفوكس

[eng.m7md.ali]

مقارنة محيرة جداً وال2 من احسن العربيات اللي في السوق

بس انا بحب التميز وهختار الفوكس عشان مش موجودة كتير في الشارع زي الاوبل .. ولو معاك فلوس الكسر زيرو الهاي لاين بتاعها يبقى تمام اوي وهتبقى كسبان

[denjouan83]

ايه اسعرهم دلوقتي بعد العرض ؟؟

[ashouhdy]

بس الفورد سوقها واقع

[mdm309]

انا عندي الفورد فوكس وعربيه ممتازه جدا جدا ما شاء الله وأفضل من الاسترا في رأيي وحتلاقيها كسبانه الاسترا في كل مقارنات توب جير ووات كار واشهر مواقع السيارات

[Mohamed.Hany]

للتصحيح فقط ان جميع فئات الفورد الجديدة بقي فيها esp

[Mohyeldin1974]

اعتقد الشارع ليه رأى مختلف وتواجد الاسترا اكبر بكتير
الاسترا تحفه بكل المقاييس ومنصور مش سئ اوى زيه زى غيره والناس محترمه وبتجتهد كل ما هنالك ان العربيات تطورت جدا واحنا كشعب وكتعليم وكثقافه معندناش كوادر مؤهله عشان تواكب التطور ده والناس المحترفه ليها سعرها
وياريت تتأكد من ملاك الفوكس فيما يخص الفتيس وتوافر قطع الغيار انما هى عربيه محترمه طبعا

[superdry90]

استرا عشان الانتشار و اعادة البيع .. الخامات الداخلية أنضف بكتير في الاسترا

[ahmzd]

أنا برضه رأيي الأسترا .. منصور بيجتهد وبيتحسن فعلا ..وهي أكثر انتشارا من الفورد بصحيح .. والله أعلم .

[mdm309]

الفوكس افضل كخامات خارجيه وتقفيل الماني الاوبل مش الماني بولندي والفوكس اقوي كمحرك ١٢٥ حصان الاسترا ١١٥ كصاج الاتنين قريبين من بعض كثبات وهندلنج الفوكس تتفوق برضه عن الاوبل كفتيس الاوبل اوتو عادي وكان فيه مشكله رعشه وبيتعمله سوفت وير في التوكيل اما فتيس الفوكاس فهو دويل كلاتش ممتع جدا وتجميعه اسرع كان في ناس بتشتكي من تردده في النقلات في الزحمه لكن اتغير في ٢٠١٣ وبقي ممتاز جدا واحسن من بتاع فولكس واعتمادي اكتر وبيتصنع في المانيا مش الصين زي dsg لفولكس وموفر في البنزين جدا جدا وانا بتكلم عن تجربه عشان العربيه معايا وركبت الاستر الفوكاس من يوم ما نزلت وهي بتحقق اعلي مبيعات في العالم في فئة السي وخاصه في الانجلترا واكترا من تويوتا كورولا كمان اللي هي محققه تكبر مبيعات في تاريخ الفئه دي في العالم بس الفوكس ازاحتها من علي عرشها واتأكد من المعلومات دي من الويكبيديا واكبر مواقع السيارات في العالم زي توب جير ووات كار وادموند كار وده مش معناه الاسترا وحشه بس الفوكاس تتفوق عليها في المقارنه

[a7m8n]

الفوكس افضل كخامات خارجيه وتقفيل الماني الاوبل مش الماني بولندي والفوكس اقوي كمحرك ١٢٥ حصان الاسترا ١١٥ كصاج الاتنين قريبين من بعض كثبات وهندلنج الفوكس تتفوق برضه عن الاوبل كفتيس الاوبل اوتو عادي وكان فيه مشكله رعشه وبيتعمله سوفت وير في التوكيل اما فتيس الفوكاس فهو دويل كلاتش ممتع جدا وتجميعه اسرع كان في ناس بتشتكي من تردده في النقلات في الزحمه لكن اتغير في ٢٠١٣ وبقي ممتاز جدا واحسن من بتاع فولكس واعتمادي اكتر وبيتصنع في المانيا مش الصين زي dsg لفولكس وموفر في البنزين جدا جدا وانا بتكلم عن تجربه عشان العربيه معايا وركبت الاستر الفوكاس من يوم ما نزلت وهي بتحقق اعلي مبيعات في العالم في فئة السي وخاصه في الانجلترا واكترا من تويوتا كورولا كمان اللي هي محققه تكبر مبيعات في تاريخ الفئه دي في العالم بس الفوكس ازاحتها من علي عرشها واتأكد من المعلومات دي من الويكبيديا واكبر مواقع السيارات في العالم زي توب جير ووات كار وادموند كار وده مش معناه الاسترا وحشه بس الفوكاس تتفوق عليها في المقارنه

ياباشا انا بشكرك على المعلومات دى بس فيه مشكله ان الاسترا فيها esp والفوكس مفيهاش غير فى اعلى فئه واللى سعرها معدى فلوسى حاليا انا شايف ان ال esp حاجه مهمه حضرتك رأيك ايه ؟؟

[Mohamed.Hany]

ياباشا انا بشكرك على المعلومات دى بس فيه مشكله ان الاسترا فيها esp والفوكس مفيهاش غير فى اعلى فئه واللى سعرها معدى فلوسى حاليا انا شايف ان ال esp حاجه مهمه حضرتك رأيك ايه ؟؟

الفوكاس فيها esp في جميع الفئات و مشكلة الاسترا التوكيل بتاعها كفاية ان صيانة ال ٤٠ الف كم ب ٦٠٠٠ جنيه !

[a7m8n]

الفوكاس فيها esp في جميع الفئات و مشكلة الاسترا التوكيل بتاعها كفاية ان صيانة ال ٤٠ الف كم ب ٦٠٠٠ جنيه !

والله يابشا انا سألت فى الموضوع ده كتير وبعت على ميل وعلى صفحه فوكس على الفيس بووك وكان الرد ان الesp موجود بس فى اعلى فئه للاسف

[S O P H O S]

الاسترا