سيراتو أو النترا

[PORSCHE-Z]

السلام عليكم و رحمة الله و بركاته

استكمالا لموضوعي السابق اللي طلبت في ترشحولي عربية أنا لما اتفرجت عالعربيات و سألت ملاكهم أكتر اتنين عجبوني هم اليراتو و الالنترا و دلوقتي قدامي 3 حاجات و عايز أختار بينهم بسرعة علشان هانزل أحجزها الأسبوع ده بإذن الله
cerato ex f/o وكيل ب 162 ألف


سيراتو خليجي فيها الكماليات دي ب 162 ألف برضو : باور ستيرنج - تكيف -4 زجاج كهرباء-دركسيون متعدد الوضعيات تلسكوبى - اكصدام و مرايات لون السياره شبكه اماميه نيكل -مقابض داخليه نيكل-حامل اكواب -مرايات شماسات- فتح الشنطه و التنك من داخل السياره -مساند راس- جراب نظاره-6 سماعات- مسند يد امامى- كرسى السائق متغير الارتفاع-كمبيوتر رحلات-Immobilizer- جنوط سبور 16 -بلوتوث-مثبت سرعه-فوج لايت-مرايات كهرباء-1 ايرباج-مالتى فانكشنز-حساس خلفى-سنترلوك بالريموت-جهاز انذار-زجاج عازل-راديو CD+USB+AUX MP3 عازل كبوت -تحكم ارتفاع كشافات اماميه من الداخل -ABS و Ebd و فتحة سقف

النترا هاي لاين ب 162 ألف تقريبا ما أعرفش السعر اتغير ولا لأ : فيها فتحة سقف و ايرباجاية يتيمة و abs

لو سمحتو عايز حد يرد عليا سريعا مع ذكر سبب تفضيله لأي سيارة فيهم

[D.Ahmed Ismail]

سيراتو خليجي

[PORSCHE-Z]

على فكرة الخليجي 2015 الوكيل ما اعرفش 14 و لا 15 و الالنترا 14

[tito32]

على فكره الاتنين واحد مفيش فرق نفس الشركه خد الشكل اللى يريحك
الالنترا شكلها روعه وماسكه سعر

[rafikesmat]

سيراتو شكل جديد و بصراحة روعة و كفاية انك تبعد عن غبور جة لوحدة مشكلة كبيرة

[PORSCHE-Z]

أنا اللي مخليني قلقان من الالنترا ان سمعت انها بتعوم عالسرعات العالية و انا السيراتو بصراحة مش مقتنع ب ال ex f/o
يعني لو جبتها هيبقى خليجي لكن برضو هشوف نصايحكم يمكن تصححولي حاجة خطأ في معلوماتي عن العربيات دي

[rafikesmat]

طب اية بظبت الى مش عجبك فى ex fol

[PORSCHE-Z]

كمالياتها أقل من الخليجي .. لكن فيها ميزة الوكيل و بضراحة أنا نفسي في عربية بفتحة سقف و نفسي حد يقنعني انها اوبشن عادي مش رهيب علشان ابطل ابص للعربيات اللي بفتحة سقف و اسيب الباقي :d xd

[rafikesmat]

بص يا باشا انا جايب الخليجى و بعمل الصيانة عادى فى التوكيل و فعلا امكانيات الخليجى اعلى بكتير وارخص

[PORSCHE-Z]

تمام يعني اتوكل على الله في الخليجي و لا ايه و لو الكروز دخلت في الحسابات ممكن الكلام يتغير؟

[D.Ahmed Ismail]

توكل علي الله و هات السيراتو
ويا سلام لو off white

[PORSCHE-Z]

توكلنا على الله

[MaZaGAngeE]

أنا اللي مخليني قلقان من الالنترا ان سمعت انها بتعوم عالسرعات العالية و انا السيراتو بصراحة مش مقتنع ب ال ex f/o
يعني لو جبتها هيبقى خليجي لكن برضو هشوف نصايحكم يمكن تصححولي حاجة خطأ في معلوماتي عن العربيات دي

النترا 2013 بتاعة واحد صاحبي و كانت عامل 20الف كيلو و مسافرين بيها المنيا على طريق الجيش و انا كنت سايق و لحد 160 الدنيا حلوة لكن بعد كده كنت حاسس ان الشنطة بتلعب ... لحد 180 لقيتها خطر ....

لو انت مش بتجري مش هتحس بقلق لكن لو من هواة السرعه بلاش النترا او شوف حل للتعويم ده

[MaZaGAngeE]

سيراتوا انا شايفها اشيك ... معرفش هل ثابتة اكتر و لا نفس الثبات ...

[PORSCHE-Z]

أنا مش هوصل أبدا لل 160 بس عايز أعرف الجنط اللي في السيراتو مقاسه كام؟