مقارنة بين اكسنت rb وكيا ريو خليجى

[dr.ahmed_wagih]

السلام عليكم ورحمة الله وبركاته
انا عضو جديد وحابب اشترى عربية جديده بس محتار ما بين الاكسنت 2014 و الريو خليجى الاتنين تقريبا نفس السعر يمكن الاكسنت تزيد حوالى 3 او 4 الاف جنيه مصرى

بس انا كشكل شايف الاكسنت شكلها قوى ومتواجده اكتر من الريو لكن من جوه تقريبا الريو تكسب
بس انا حاسس ان الاكسنت اوسع من جوه

من حيث المقارنة الاكسنت موتورها اقوى لكن الجنوط للريو افضل خصوصا للسفر
كماليات شايف كلام كتير ان الريو افضل

انا محتار جدا

عايز ردود تفيدنى من حيث الثبات على الطرق السريعه
من حيث اسعار قطع الغيار وتوافرها
من حيث الوكيل انهو افضل
من حيث الرفاهيه ايه اللى يميز دى عن دى
من حيث العربيه من جوه انهو اوسع
من حيث اى حاجه تانى لأصحاب العربيات اللى معاهم ريو او اكسنت

ومتشكر ليكم جدا

[exact]

الريو... ناشفة شوية... واعتقد ان الاتنين على نفس الشاسيه
انا مركبتش الاكسنت

[م/محمد صلاح]

الهيونداى تغور من وش غبور
الريو انا شايفها كشكل اقوى من الاكسنت
الاكسنت فى الاسماعيليه عندنا اتعملت تاكسي وانا عن نغسي دي حاجه تكرهنى فى العربيه

[john55]

خلي بالك الاكسنت 1600سي سي الريو 1400 هتبقي معاك زي البطه مع التكييف الانتشار للاكسنت فعلا الشكل الداخلي تكسب فيه الريو لكن فرق السي السي يكسب فيه الاكسنت

[drcobra]

الاتنين قريبين جدا
انا راكب اكسنت ار بى ومرتاح الحمد لله
الريو شايفها افضل شوية فى الخامات الداخلية والتوكيل
الاكسنت اوسع ماتور اكبر عائلية اكتر اعادة بيع افضل
الشكل الاتنين كويسين

[toty_305]

-الريو ككل هتكون أحسن...لو ال 1400 ممكن مش مشكلة بالنسبة لك و العربيات بالوزن ده 1400 كويس قوي عليها

[S O P H O S]

بميل للريو

[J A G U A R]

اختار ريو

[dr.ahmed_wagih]

انى متشكر ليكم جدا وشكرا لادارة المنتدى الاكثر من رائع
احتمال كبير جدا اجيب الاكسنت