انا عضوة جديدة وعندى سؤال مهم ممكن

[bero hasan]

السلام عليكم ورحمة الله وبركاته
يا جماعه انا عضوة جديدة ومحتاجه استشارة من فضلكم
انا عاوزة اشترى عربية اوتوماتيك مستعملة فى حدود 50 الى 55 وتكون طيبة وبنت حلال خصوصا انى اول مرة اسوق ومش عاوزة عربية تتعبنى ومحتارة بين اللانوس والنوبيرا والكيا والاراء من حولى كتير فقلت أسأل أهل الخبرة
أسفة عالإطالة وأتمنى تساعدونى

[احمد الصعيدي]

لانسر كريستاله

[bero hasan]

ايه يا جماعه ما حد بيرد ليه هو سؤالى صعب اوى كده

[bero hasan]

طيب وايه امكانياتها

[bero hasan]

ﻻنسر اغلى من السعر المتاح بالنسبة لى انا لسه اول مرة اسوق ومش عاوزة ابدأ بعربية غالية اوى عاوزة عربية اخد منها خبرة وبعدين اغيرها ان شاء الله بس اهم حاجه تكون غير متعبة وتتحمل

[rotanamasoud]

مفيش خبره بتكتسب مع عربيه اوتوماتك الخبره مع المانويل تسوقى اى حاجه لاكن لو ركبتى اوتو عمرك ما حتعرفى تسوقى مانويل

[a7medsh3rawi]

الكيا السيفيا كامله اتوماتيك تعمل من 40 ل 50
وشكلها حلو وقطع غيارها متوافره وثابته على الطريق
دا اعلان بيثبت كلامى وانا مش بعمل دعايه دى للتوضيح بس

كيــــــــــــــا سيفيـــــــا اتوماتيك حالة نادرة - سيارة كيا سيفيا مستعملة للبيع في القاهرة - مصر

[محمود سامح]

كيا برايد سيدان اتومانك جميع الكماليات وسيارة رائعة فى حدود 40 الف وقطع غيارها رخيصة جدااااااا

[bero hasan]

طيب والبيكانتوا ايه رأيكم
فيها بس مترددة منها علشان سعة الموتور 1100 سي سى يعنى مش قوى ياريت اللى معاه بيكانتو يفيدنى فى الموضوع ولكم جزيل الشكر

[bero hasan]

عندك حق يا روتانا بس انا مش حابه المانوال فى زحمة القاهرة

[احمد الصعيدي]

ﻻنسر اغلى من السعر المتاح بالنسبة لى انا لسه اول مرة اسوق ومش عاوزة ابدأ بعربية غالية اوى عاوزة عربية اخد منها خبرة وبعدين اغيرها ان شاء الله بس اهم حاجه تكون غير متعبة وتتحمل

المبلغ المكتوب يجيب كريستاله

[S O P H O S]

راي تزودي وتجيبي جيتز

[J A G U A R]

محددتيش ليه احتياجاتك من العربيه الاول علشان نقدر نساعدك ..

[bero hasan]

عاوزاها اوتوماتيك فول اوبشن وماتورها قوى اعطالها مش كتير فرامل قوية ثبات عالى عالطريق وخصوصا فى المنحنيات قطع غيار متوفرة انا شخصيا ميالة للكيا وعاجبنى شكل البيكانتو بس اللى مقلقنى منها سعة الموتور بتاعها 1100 سي سي يعنى موتور ضعيف مقارنة ب 1600 مثلا وفكرت فى اللانوس او النوبيرا لقيت الاراء متفاوتة بين مؤيد ومعارض فياريت اللى معاه عربية من دول يشاركنى برأيه ولكم جزيل الشكر

[J A G U A R]

عاوزاها اوتوماتيك فول اوبشن وماتورها قوى اعطالها مش كتير فرامل قوية ثبات عالى عالطريق وخصوصا فى المنحنيات قطع غيار متوفرة انا شخصيا ميالة للكيا وعاجبنى شكل البيكانتو بس اللى مقلقنى منها سعة الموتور بتاعها 1100 سي سي يعنى موتور ضعيف مقارنة ب 1600 مثلا وفكرت فى اللانوس او النوبيرا لقيت الاراء متفاوتة بين مؤيد ومعارض فياريت اللى معاه عربية من دول يشاركنى برأيه ولكم جزيل الشكر

حضرتك كده بتوصفى النوبيرا

السعر ده يجيب نوبيرا 2006 حاله نظيفه بس بلاش الاوتو فى عربيات موديلها قديم علشان الاعطال والمشاكل .. وعلى فكره مفيش مقارنه بين النوبيرا والبيكانتو لو الحالتين تمام .