جيتا مستعملة 2009 فتيس قديم ماشية 200000

[abo mo3ez]

اعزائي زوار المنتدي اكرام
أولا حابب اتوجه بالشكر لكل لأعضاء المنتدي الكرام أللي حبيبوني في العربيات واتعلمت واستفدت من خبرتهم كتير
ثانيا انا محتار بقالي فترة كبيرة ومحتاج حد يفيدني قدامي عربية جيتا 2009 فتيس قديم فئه تانية خليجي فبريكا كلها وصالونها ممتاز يعتبر جديد بس عاملة 200000 كيلو بس كلهم سفر بتاعت واحد زميل بيسافر كتير ومهتم بصيانتها بس برة التوكيل مطلوب فيها 125 الف جنيه أخلص فيها ولا اشتري زيرو accent rb , nissan sunny , بيجو 301 ارجوكم مستني ردودكم

[Amr_tika88]

اعتقد لو السعر من ١٠٥ الف الي ١١٠ الف بالكتير اوي هيكون كويس عليها

[abo mo3ez]

في انتظار مشاركة اكتر من الأعضاء الكرام

[S O P H O S]

لا فرأي تشتري زيرو افضل
العربية الشباب بردوا مختلفة

[ahmzd]

رأيي خليك ف الزيرو .. العربية الجيتا دي ماشية كتير قوي .. والله أعلم.

[samoreception]

200 الف فى عربية زى الجيتا ولا حاجة وخصوصا انهم سفر وبعدين صاحبك ده ممكن ينزل العداد ويبعها باغلى من كده فانت احكم على حالة العربية واكشف عليها كويس وعلى الفتيس وهل تغير الزيت فى مواعيده ولا لاء
وصدقنى سيبك من موضوع العداد ده لانى معظم عربيات مصر ملعوب فى عدادها ده اللى اكتشفته بعد اللف الكتير

[skoda1996]

الزيرو افضل من وجهة نظري

[eng.m7md.ali]

سعرها عالي شوية

حاول تنزل معاه في السعر شوية

وطبعاً مفيش مقارنة بينها وبين الصني او ال rb