أفضل عربية أوتوماتك فى حدود 170.000

[ahmedmedhat86]

أنا معايا هيونداى جيتز 2007 و الصراحة تتقال أنا عمري ما إشتكيت منها، بس نفسي أغير لحاجة زيرو تكون حلوة.
ماعنديش احتياجات معينة غير انها تكون مشاكلها قليلة و فيها فخامة شوية، و يفضل تكون فيها كماليات حلوة، آه و يا ريت برضه مايكونش تكييفها تعبان. فكرت في البيجو 301 أو الكروز أو السيراتو أو الياريس الجديدة، و فيه برضه البيجو 2008 بس خايف من انها مش متجربة كتير...
أنا عارف إن العربيات دي مالهاش علاقة ببعضها بس أنا فعلا ماعنديش تفضيل قوي.
أى نصيحة هاكون شاكر جدا ليكم.

تم تعديل العنوان ونقلة لقسم المقارنات .

12:59 pm
2014/6/28
2 ب

[Adnfalcon]

سيراتو وانت مغمض و هتدعيلي

[Eng_Moh.Dewair]

على حسب ميزانيتك لو لحد 160 الف فالكروز الجديده ممتازه و تتفوق على كل المنافسين فى الفئه دى ثبات و سحب و فخامه و شكل و اهم حاجه الامان .
لو معاك لحد 170 الف يبقى الرينو فلوانس الفئه التالته عربيه محترمه بردو موتور و فيتيس نيسان و هيكون فيها كماليات اكتر من اى منافس ليها فى الفئه دى . و لو معاك اكتر بص بصه على الكرولا الفئه قبل الاخيره
الاختيارات كتير انت كاتب عربيات فى رينج اسعار مختلف و كبير حدد انت متطلباتك ايه و انزل اركب العربيات فى المعرض و اللى ترتاح فى ركوبتها خلص فيها و مبروك مقدما

[Eng_Moh.Dewair]

سيراتو وانت مغمض و هتدعيلي

السيراتو مش هتكون كامله بالسعر ده و بسعر الكامله منها فى منافسين اقوى زى الكرولا و الفلوانس

[engahmed29]

الكروز حلوة اوى ، لسة معدى بيها 5000 كم ، الحمد لله مفيهاش عيب يذكر لحد دلوقتى

[kokowasfy]

على حسب انتا عاوز اية من العربية

[mac os]

راى زود حاجه بسيطه وهات الكورولا او لو مش هتقدر هات السيراتو او الفلوانس

[ahmedmedhat86]

على حسب ميزانيتك لو لحد 160 الف فالكروز الجديده ممتازه و تتفوق على كل المنافسين فى الفئه دى ثبات و سحب و فخامه و شكل و اهم حاجه الامان .
لو معاك لحد 170 الف يبقى الرينو فلوانس الفئه التالته عربيه محترمه بردو موتور و فيتيس نيسان و هيكون فيها كماليات اكتر من اى منافس ليها فى الفئه دى . و لو معاك اكتر بص بصه على الكرولا الفئه قبل الاخيره
الاختيارات كتير انت كاتب عربيات فى رينج اسعار مختلف و كبير حدد انت متطلباتك ايه و انزل اركب العربيات فى المعرض و اللى ترتاح فى ركوبتها خلص فيها و مبروك مقدما

ألف شكر على نصيحتك، لكن معلش ممكن أتعبك تقوللي إيه إمكانيات الفلوينس الفئة التالتة دي و بكام؟ و ما أظنش إني أقدر أوصل لسعر الكورولا خالص.

[ahmedmedhat86]

السيراتو مش هتكون كامله بالسعر ده و بسعر الكامله منها فى منافسين اقوى زى الكرولا و الفلوانس

موضوع إنها لحد 170 ألف و مش كاملة فعلا مضايقني و مخليني أستغلي سعرها...

[Mohyeldin1974]

ماتشوف استرا انجوى كسر زيرو

[M R. Z E C O]

مشاكل الفلوانس تخليها فالباي باي خليك فالسراتو حط بنزين وامشي وكماليات حلوة وسحب حلو عايزها ناشفه هات تويتا اول فئة اوتو فالرنج ده

[ahmedmedhat86]

مشاكل الفلوانس تخليها فالباي باي خليك فالسراتو حط بنزين وامشي وكماليات حلوة وسحب حلو عايزها ناشفه هات تويتا اول فئة اوتو فالرنج ده

طيب معلش والنبي يا جماعة أنا مش متابع خالص سوق العربيات ولا عارف المشاكل الشائعة، يعني أنا المرشح المثالي إني يتضحك عليا في عربية تعبانة! اعتبروا إنكم بتكلموا واحد جاهل... إيه هى مشاكل الفلوانس ولا مميزات الباقي؟

[M R. Z E C O]

رجه ومواتير بايظة وعواميد دركسيون وبلاوي زرقه خليك فالكورولا او السراتو احسن من الكروز

[a7medsh3rawi]

الاحسن تجيب عربيه مستعمله ب 60 ولا 70 تكون حالتها كويسه
وتتعلم فيها وتعرف السوق ولما تبيعها ما تخسرش فيها
انت شايف حال البلد ازاى ممكن تتسرق منك لا قدر الله
البلطجيه مش سايبين حد فى حاله وربنا يستر على الجميع

[Eng_Moh.Dewair]

ألف شكر على نصيحتك، لكن معلش ممكن أتعبك تقوللي إيه إمكانيات الفلوينس الفئة التالتة دي و بكام؟ و ما أظنش إني أقدر أوصل لسعر الكورولا خالص.

ادخل على قسم رينو هتﻻقى الشباب مش مقصرين و فى اكتر من تقرير و فى تقرير مفصل فى المواضيع المثبته انا علشان فاتح موبايل مش عارف اجيبلك اللينكات . لكن اهم الكماليات اللى انا فاكرها دلوقت : مرايات ضم و بلوتوث و تكييف اوتو و نظام سمعى 6 سماعات و نظام الدخول الذكى و زرار start stop و sensor parking و فرش نص جلد

Sent from my SM-N9005 using Forum Runner