ارجو المساعدة جزاكم الله خير

[MoCa-Cairo]

بسم الله الرحمن الرحيم

انا ياشباب عندي مشكلة في اختيار عربية ومعايه 150 الف
المشكلة اني كنت عايش بره واتعودت علي الالماني ولكن مش عارف اقرر ايه الافضل بالنسبة للسوق المصري من ناحيت قطع الغيار والشوارع وكده وبصراحة مع العلم اني نازل استقر في مصر ومش عاوز في الوقت الحالي اتصدم في عربية اني افضل اصرف عليها لاني لسه ولا اشتغلت ولا فكرت هعمل ايه اصلا في مصر وانا بشرح ده عشان الناس اللي هتفدني تبقا فاهمها اني معندش دخل في الوقت الحالي لحد ما ربنا ييسر واستقر اشوف هعمل ايه

وبصراحة قبل المقارنة انا ركبت الكواري وحسيت اني قاعد علي الاسفلت مع احترامي ولكن خايف من الالماني اني اعيش قصة ميكانيكيه وتضيع فلوس

والمقارنة بين :

BMW او Mercedes ومش محدد الموديل لاني مش عارف الي 150 يجيبو ايه في الالماني طبعاالالماني هيكون مستعمل بالنسبة للمبلغ اللي معايه

او كوري هيوانداي او اي كوري وده ممكن يكون جديد

ارجو المساعدة في ترشيح سيارة تكون كويسه وعلي قد الفلوس وارجو النظار لموضوع اني مش هيكون عندي دخل علي الاقل اول 6 شهور

واسف طولت عليكم وارجو الافادة

[J A G U A R]

150 الف هايجيبو بى ام ومرسيدس بس موديل قديم شويه
رأيي بقي تشوف كروز وتلحق العرض

[MoCa-Cairo]

شكرا j a g u a r

يعني لو الالماني قديم شوية هيعمل مشاكل ولا ايه بردو حاسس ان ركوبت ال bmw مثلا هتكون غير ولا انته شايف ايه
والله حيره

[J A G U A R]

شكرا j a g u a r

يعني لو الالماني قديم شوية هيعمل مشاكل ولا ايه بردو حاسس ان ركوبت ال bmw مثلا هتكون غير ولا انته شايف ايه
والله حيره

لو العربيه متحافظ عليها وحالتها كويسه ان شاء الله مش هايكون فى مشاكل وطبعا البى ام عربيه ركوبه محترمه مفيش كلام بس بردو فى عربيات كويسه جدا واعتقد كركوبه مش هاتفرق كتير عن البى ام لو الموديل قديم شويه .. وشوف بردو رأي الاعضاء .

[shiko85]

بسم الله الرحمن الرحيم

انا ياشباب عندي مشكلة في اختيار عربية ومعايه 150 الف
المشكلة اني كنت عايش بره واتعودت علي الالماني ولكن مش عارف اقرر ايه الافضل بالنسبة للسوق المصري من ناحيت قطع الغيار والشوارع وكده وبصراحة مع العلم اني نازل استقر في مصر
ومش عاوز في الوقت الحالي اتصدم في عربية اني افضل اصرف عليها لاني لسه ولا اشتغلت ولا فكرت هعمل ايه اصلا في مصر وانا بشرح ده عشان الناس اللي هتفدني تبقا فاهمها اني معندش دخل في الوقت الحالي لحد ما ربنا ييسر واستقر اشوف هعمل ايه
يبقى الأفضل ان حضرتك تبعد عن العربيات المستعمله خصوصا الألمانى
وبصراحة قبل المقارنة انا ركبت الكواري وحسيت اني قاعد علي الاسفلت مع احترامي ولكن خايف من الالماني اني اعيش قصة ميكانيكيه وتضيع فلوس
الكورى مش سئ بالدرجه دى و الألمانى او اى عربيه مستعمله بتكون على حسب حاله العربيه بس الفرق ان الألمانى قطع غياره اغلى
والمقارنة بين :

BMW او Mercedes ومش محدد الموديل لاني مش عارف الي 150 يجيبو ايه في الالماني طبعاالالماني هيكون مستعمل بالنسبة للمبلغ اللي معايه
كنت بشوف موديلات 2006 بالسعر ده
او كوري هيوانداي او اي كوري وده ممكن يكون جديد
النترا او سيراتو او ممكن تشوف ريو او اكسنت rb هاى لاين لو عايز عربيه فيها عوامل امان
ارجو المساعدة في ترشيح سيارة تكون كويسه وعلي قد الفلوس وارجو النظار لموضوع اني مش هيكون عندي دخل علي الاقل اول 6 شهور
علشان النقطه دى تحديدا يبقى بلاش مستعمل خالص لان سوق المستعمل فمصر فيه نصب كتير و لو عربيه مستعمله حالتها كويسه هتلاقى مطلوب فيها مبلغ كبير
يبقى ان شاء الله لما تيجى تنزل تشترى عربيه زيرو و لما ربنا يكرمك ان شاء الله و ييسرلك الحال فمصر اشترى عربيه المانى جديده
واسف طولت عليكم وارجو الافادة

[Mahmoud_Yassin]

رايى الكروز هى شاسية وموتور الاوبل استرا وفية معارض بتعمل تيست درايف ممكن الاخوة فى المنتدى يفيدوك عن المعارض دى فين

[reda elgohary]

موفق ف الشراء ان شاء الله .

[reda elgohary]

فيه ألمانى كتير غير النوعين دول ،، فيه اوبل وفورد .
و ربنا ييسر لك .

[K.Ossama]

أنا كمان اضم صوتى مع الكروز
زى ما الزملاء قالوا

[S O P H O S]

فعلا قدامك الكروز والاسترا زيرو

[K.Ossama]

فعلا قدامك الكروز والاسترا زيرو

الراجل بيقول 150 ألف
الأسترا بعيدة تماماً ;-)

[MoCa-Cairo]

شكرا ياشباب وجزاكم الله خير ورمضان كريم

انا حبيت اسال سوال اخير الله يبارك فيكم لو حبيت انزل جيتا 2011 من الخليج تعمل كام جمرك سعرها بالريال 80 الف لاني حسبتها لقيت انها هي هي ويمكن يكون افضل لانها عربيتي وانا مستخدمها بدل ما ابعها هنا لو حد عنده الاجابة يبقا شكرا وجزاكم الله خير

[max13]

بالسعر ده ممكن حضرتك تركب بولو او لانسر شارك او سيتى واخيرا سيراتو

[MoCa-Cairo]

ارجو الرد ياشباب اذا امكن علي موضوع تكلفة جمرك جيتا 2011