فيات بونتو ودايو ماتيز

[M.A]

السلام عليكم ورحمة الله وبركاته
لو سمحتم عاوزة مساعدتكم ضروري لأن دماغي هينفجر خلاص بقالي شهور بفكر وبقارن وبستعين بالمنتدى بتاعكم عشان أقرر أول عربية هشتريها
وبما إنها الأولى ففي ناس نصحوني بماروتي او 127 بناء على الاعتبار الشهير بتاع نكسر فيها لحد ما نتعلم مع إن الواحد أصلا بيتعلم على عربية ف مدرسة سواقة وبيلف بها ف الشوارع قبل ما يركب ويسوق لوحده
المهم أنا مش بالعة الاتنين وعاوزة أجيب فيات بونتو موديل 2000 وساعات بفكر ف موضوع الخبطات ده فبقول أبدأ بحاجة وسط بين البونتو والماروتي وهي دايو ماتيز
ساعدوني بئا عشان أنا هتجنن وياريت ال جرب البونتو أو الماتيز 2000 أو 2001 يفيدني ويرشحلي الأفضل
جزاكم الله خيرا :)

[speranz]

البونتو عربية كويسة
ماتورها 1300 سي سي اقوي من الماتيز الي هو 850 سي سي
صحيح ماتور الماتيز اوفر في البنزين بس التكيف مهم بردو وعايز ماتور قوي
وصالونها واسع وحجمها مناسب وشكلها حلو وبناتي
انا معايا فيات سيينا اخت البونتو بس سيدان
والعربية كويسة وحمالة اسية
دوري كويس علي عربية تكون حالتها نضيفة اوي عشان متتعبكيش في الصيانة

[M.A]

البونتو عربية كويسة
ماتورها 1300 سي سي اقوي من الماتيز الي هو 850 سي سي
صحيح ماتور الماتيز اوفر في البنزين بس التكيف مهم بردو وعايز ماتور قوي
وصالونها واسع وحجمها مناسب وشكلها حلو وبناتي
انا معايا فيات سيينا اخت البونتو بس سيدان
والعربية كويسة وحمالة اسية
دوري كويس علي عربية تكون حالتها نضيفة اوي عشان متتعبكيش في الصيانة

.
.
شكرا لردك واهتمامك جزاك الله خيرا
أنا فعلا ميالة جدا للبونتو بس فرق السعر بين الاتنين حوالي 10000 فكنت محتاجة حد يساعدني الرأي خاصة اني مركبتش البونتو بس أنا بحس إن عائلة الفيات كموتور وصاج محترمة ويشهدلها ال 27 وال 28 بعمرهم وصاجهم بصراحة
بس ركبت ال ماتيز مع صديقة كانت بتسافر بها محافظات وفي الطبيعي بتمشي بها على 120 ومشاوير محترمة كل يوم بس فعلا تكييفها مروحة وعشان يوصل للي ف الكنبة ال ورا لازم يقعدله ف نص الكنبة

[J A G U A R]

البونتو افضل فى كل حاجه ما عدا قطع الغيار والصيانه

[abdoumahros]

البونتو

البونتو افضل من كل المقاييس
اوسع في الصالون - الشنطه واسعه مع ان العربيه هاتشباك - استهلاك رائع في البنزين - تكييف تلاجه - قطع الغيار موجوده وثمنها معقول

[M.A]

البونتو افضل فى كل حاجه ما عدا قطع الغيار والصيانه

.
.
شكرا لردك
يعني صيانة الماتيز وقطع غيارها أرخص؟
أنا كنت معتقدة العكس !

[M.A]

البونتو افضل من كل المقاييس
اوسع في الصالون - الشنطه واسعه مع ان العربيه هاتشباك - استهلاك رائع في البنزين - تكييف تلاجه - قطع الغيار موجوده وثمنها معقول

.
.
شكرا لرد حضرتك..جزاك الله خيرا
بس فعلا التكييف بتاعها كويس؟
يعني حضرتك جربته؟

[M.A]

طيب ممكن تقولولي سعر البونتو 2000 كم
ولو حد فيكم عند عربية الموديل ده حالتها كويسة أو قدامه واحدة واثق إنها كويسة يبلغني :)

[J A G U A R]

.
.
شكرا لردك
يعني صيانة الماتيز وقطع غيارها أرخص؟
أنا كنت معتقدة العكس !

هما الاتنين صيانتهم مش سهله

الفيات توكيلها اسوأ توكيل فى مصر والميكانيكا مش اى حد بيشتغل فى الفيات الحديث

والماتيز بردو رغم انها دايو بس قطع غيارها مش فى كل مكان وفى ميكانيكيا مبيحبوش يشتغلو فيها

[speranz]

موديل 2000 تعملها 35 الف
لو حالة نضيفة مش هتحتاجي تعمليلها صيانة
عن تجربة مع عربيتي الفيات بقالها معايا سنتين
ومغيرتش غير السيور وتيل الفرامل حاجات تافهة يعني
لو كانت تنفع معاكي السيدان كنت ادتهالك متغلاش عليكي
دوري عند حد من معارفك واصحابك وافحصي قبل ماتشتري
ومتقلقيش من موضوع التخبيط
كل مالعربية كانت غالية في نظرك هتحافظي عليها بالسواقة الهادية
وهتريحك كتير لان ال 128 هتكرهك في السواقة بجد

[abdoumahros]

عن تجربه

.
.
شكرا لرد حضرتك..جزاك الله خيرا
بس فعلا التكييف بتاعها كويس؟
يعني حضرتك جربته؟

ايوه كلامي عن تجربه
اختي معاها بونتو كلاسيك 2009 مانيوال التكييف ماشاء الله تلاجه بمعني الكلمه
ولما سالت قالوا في التوكيل انهم بيستخدموا في البونتو تكييف ياباني
المهم ياباني ولا ايطالي التكييف رائع

[M.A]

موديل 2000 تعملها 35 الف
لو حالة نضيفة مش هتحتاجي تعمليلها صيانة
عن تجربة مع عربيتي الفيات بقالها معايا سنتين
ومغيرتش غير السيور وتيل الفرامل حاجات تافهة يعني
لو كانت تنفع معاكي السيدان كنت ادتهالك متغلاش عليكي
دوري عند حد من معارفك واصحابك وافحصي قبل ماتشتري
ومتقلقيش من موضوع التخبيط
كل مالعربية كانت غالية في نظرك هتحافظي عليها بالسواقة الهادية
وهتريحك كتير لان ال 128 هتكرهك في السواقة بجد

.
.
أنت هتقول لي على 128 فعلا كرهتني ف السواقة ده أنا كنت عاوزة أجيب مرشدير من تقل الفتيس جبت الرابع والعربية طارت قدام وأنا باصة ورا ههههههههههههههههه
دي عربية مش مؤدبة عاوزة حد يبلطج عليها مش يسوقها :d
بس بالنسبة للسعر ال انت قولته أنا مش بلاقي منه غير 95 و 94 إنما ال 2000 بتبدأ في المعظم من 38

[M.A]

ايوه كلامي عن تجربه
اختي معاها بونتو كلاسيك 2009 مانيوال التكييف ماشاء الله تلاجه بمعني الكلمه
ولما سالت قالوا في التوكيل انهم بيستخدموا في البونتو تكييف ياباني
المهم ياباني ولا ايطالي التكييف رائع

.
.
وبردو 1300 cc زي موديل 2000 والاتنين نفس نوعية التكييف ولا معنكش فكرة؟
معلش صدعتك

[abdoumahros]

ايوه

.
.
وبردو 1300 cc زي موديل 2000 والاتنين نفس نوعية التكييف ولا معنكش فكرة؟
معلش صدعتك

ايوه بونتو كلاسيك 2009 موتورها 1300
بخصوص نوعيه التكييف بصراحه معرفش
بس ممكن حضرتك تشوفي قسم فيات اكيد ها يقولولك
اما بخصوص الصداع ولا يهمك كده كده الصيام عامل عمايلو

[M.A]

ايوه بونتو كلاسيك 2009 موتورها 1300
بخصوص نوعيه التكييف بصراحه معرفش
بس ممكن حضرتك تشوفي قسم فيات اكيد ها يقولولك
اما بخصوص الصداع ولا يهمك كده كده الصيام عامل عمايلو

جزاك الله خيرا
وبالنسبة للصيام تقبل الله وإن شاء الله الثواب على قد التعب وأكثر