عاوز اشتري سيارة ومحتار وعاوز نصيحتكم

[e.s.o]

السلام عليكم ورحمه الله وبركاتة

انا عاوز اشتري عربية في حدود متزدش عن 65,000 جنية تقل ياريييييت
عاوز عربية يكون شكلها شيك وجميل وامكانياتها جميله بردو
تستحمل المشاوير الكتير لان انا ساكن في اكتوبر فا اي مشوار هيكون كبير عشان كدا عاوز عربيه تستحمل مش تعطل عالمحور

انا في ناس بيقلولي جيب بريليانس هاتش باك Frv 2009
انا كان عاجبني جداً عربية هيونداي كوبية 2005
وعجبني بردو شكل الـ رينو ميجان 2005 الهاتش باك

انهي افضل في الثلاث سيارات + السيارة الموفره في البنزين + الي قطع غيارها تكون هادية مش مولعه والي شايف عيوب في اي عربية من دول يتفضل يذكرها والي عاوز يرشح عربية غير الموجودين يتفضل

وشكراً ليكم جميعاً وكل سنه وانتم طيبين

[Ayman_Amer]

Frv هي الافضل من حيث قلة الاعطال وتكلفة الصيانة

[mahmoud_ali]

لو تعرف تجيب الانتر 2006 تبقى برنس يا اما لانسر مانويل

[S O P H O S]

هاتلك جيتز

[ENG.MaRk]

الميجان قطع غيارها غالية نسبيا و رأيي لانسر مانيوال أو جيتز أو الانترا 2006 أو لو تعرف توصلهم 70000 و تشوف حاجة نيو أكسنت 2007 لأنها جامدة جدا

[shiko85]

السلام عليكم ورحمه الله وبركاتة
وعليكم السلام ورحمة الله وبركاته
انا عاوز اشتري عربية في حدود متزدش عن 65,000 جنية تقل ياريييييت عاوز عربية يكون شكلها شيك وجميل وامكانياتها جميله بردو و تستحمل المشاوير الكتير لان انا ساكن في اكتوبر فا اي مشوار هيكون كبير عشان كدا عاوز عربيه تستحمل مش تعطل عالمحور
الشكل اذواق طبعا
امكانياتها زى ايه ؟؟ تكييف - باور - زجاج كهرباء ولا abs - airbags ؟؟؟
مطلوب مانيوال ولا اوتوماتيك ؟؟
انا في ناس بيقلولي جيب بريليانس هاتش باك Frv 2009
انا كان عاجبني جداً عربية هيونداي كوبية 2005
وعجبني بردو شكل الـ رينو ميجان 2005 الهاتش باك
انهي افضل في الثلاث سيارات + السيارة الموفره في البنزين + الي قطع غيارها تكون هادية مش مولعه والي شايف عيوب في اي عربية من دول يتفضل يذكرها
بلاش الـ 3
frv و الكوبيه عربيات مش عمليه و هتلاقى فيهم لعب كبير خصوصا الكوبيه
الميجان عربيه ممتازه بس عيبها قطع الغيار غاليه و شكل الهاتش باك جميل بس مش منتشره زى السيدان و اعتقد السيدان افضل فالمستقبل
والي عاوز يرشح عربية غير الموجودين يتفضلوشكراً ليكم جميعاً وكل سنه وانتم طيبين
فيه عربيات ممتازه بالسعر ده بس المشكله فقطع الغيار انها هتكون غاليه نسبيا و الموديل هيكون قديم شويه
زى اوكتافيا a4 - اوبل فيكترا او استرا
المهم زى ما الأعضاء الأفاضل قالوا النترا الشكل الأقدم - فيرنا - نوبيرا - جيتز او i10 او بيكانتو لو عايز هاتش بالك فقط

[e.s.o]

frv هي الافضل من حيث قلة الاعطال وتكلفة الصيانة

انا شوفتها من ابن عمي بس مش عارف خايف ليه من الحاجه الصيني
وفي نفس الوقت سمعت ان قطع غيارها قليله في التوفيقيه وغاليه كمان ؟

[e.s.o]

لو تعرف تجيب الانتر 2006 تبقى برنس يا اما لانسر مانويل

اختيارك جميل والالنترا واللانسر حلوين بس مش عارف ليه انا مش ميال للشكل السيدان عاوز حاجه شكلها شبابي كدا ودلع

[e.s.o]

الميجان قطع غيارها غالية نسبيا و رأيي لانسر مانيوال أو جيتز أو الانترا 2006 أو لو تعرف توصلهم 70000 و تشوف حاجة نيو أكسنت 2007 لأنها جامدة جدا

والله يا بشمهندس الانواع الي حضرتك قولتها لا غبار عليها بس مش عارف ليه انا عاوز حاجه اميل ليها شكلاً وتبقي حلوه
يعني يهمني انها تكون شكلها حلو عشان كدا اخترت بين الكوبيه والميجان
دورت علي حجات كتير ومش داخله دماغي شكلها
انا حاسس اني بقيت معقد نفسياً

هاتلك جيتز

شكلها مش قد كدا

[e.s.o]

بص يا شيكو باشا
اكيد يبقي فيها تكيف وزجاج كهرباء والامور الاساسية الي في اي سياره حديثه
المطلوب مانيوال
مهو الكوبيه كلو عمالي يقولي مش عمليه وضيقه من ورا و واطية وكل الي بيجيبها شباب وبيطلعو عين العربيه وبعدين يبيعوها عشان قطع غيارها غاليه فا قفلوني منها
ما صدقت وانا بدور كدا لقيت الـ رينو ميجان 2005 لقيت شكلها شيك وشبابي كدا والهاتش باك مختلف عن باقي العربيات

انا كدا كدا لسه عريس فا مظنش اني هحتاج السيدان دلوقتي خالص يعني
ياتري الميجان قطع غيارها غاليه اوي للدرجه ؟؟

[J A G U A R]

على فكره الميجان لو مش سليمه هاتزهقك وخصوصا ان موديلها بقاله 9 سنين

[e.s.o]

على فكره الميجان لو مش سليمه هاتزهقك وخصوصا ان موديلها بقاله 9 سنين

طيب والديهاتسو ماتريا 2007 ؟
شكلها ابن ناس كدا وسعرها في المقبول

[J A G U A R]

طيب والديهاتسو ماتريا 2007 ؟
شكلها ابن ناس كدا وسعرها في المقبول

كويسه .. بس تقيله فى البيع وقطع الغيار مش فى كل مكان ومش اى حد يشتغل فيها

[e.s.o]

كويسه .. بس تقيله فى البيع وقطع الغيار مش فى كل مكان ومش اى حد يشتغل فيها

هههههههههههههه يانهاري ياناس
انا بقيت كدا اهو بالظبط مبقتش فاهم حاجه في اي حاجه
طيب وبعدين الواحد في مصر اكنه مجبور يشتري انواع محدده هي الي قطع غيارها متوفره والميكانيكيا فيها كتير انا كدا احترت

[J A G U A R]

هههههههههههههه يانهاري ياناس
انا بقيت كدا اهو بالظبط مبقتش فاهم حاجه في اي حاجه
طيب وبعدين الواحد في مصر اكنه مجبور يشتري انواع محدده هي الي قطع غيارها متوفره والميكانيكيا فيها كتير انا كدا احترت

اصل علشان تلاقى عربيه فيها كل حاجه ومفيهاش اى عيب استحاله هتلاقى .. لازم يطلعلك خازوق بمعنى اصح ههههههههههه وبعدين الكمال لله .