اختبارات الأمان الأوروبية - افيو و لوجان

[Janor]

السلام عليكم

انا من كتر ما قرأت عن مشاكل الافيو في المنتدى وفي أماكن تانيةكرهتها و قررت أجيب لوجان أو سانديرو
بس الغريب أن على موقع اختبارات الأمان الأوروبية
HOME | Euro NCAP - For safer cars crash test safety rating
الافيو واخدة 5 نجوم و لوجان وخدة 3 نجوم

رجعت احتار تاني

[speranz]

الافيو الجديدة الى هى عندنا اسمها سونيك

هى دى الى واخدة 5 نجوم
اما الافيو القديمة بتاعتنا دى واخدة نجمة واحدة وسلملى على الامان
لوجان افضل واامن من غير ما تحتار

[أسامه الحسيني]

الافيو الجديدة الى هى عندنا اسمها سونيك

هى دى الى واخدة 5 نجوم
اما الافيو القديمة بتاعتنا دى واخدة نجمة واحدة وسلملى على الامان
لوجان افضل واامن من غير ما تحتار

معقوله الكلام دا
السياره نفس الموديل ليها اسم فى كل بلد

[speranz]

معقوله الكلام دا
السياره نفس الموديل ليها اسم فى كل بلد

عادى جدا خصوصا المصرين بيحبو يخترعو اسامي
عندك الاوبترا عندنا برا اسمها لاسيتي
الفيرنا عندنا برا اسمها اكسنت
اسبرانزا عندنا برا اسمها تشري
السيراتو عندنا برا اسمها فورتى
الافيو كان مفروض تنزل بنفس الاسم وتلغى القديمة لكن استخسروها فينا

[S O P H O S]

لوجان افضل فرأي

[Hosam_Optrawy]

الافيو الجديدة الى هى عندنا اسمها سونيك

هى دى الى واخدة 5 نجوم
اما الافيو القديمة بتاعتنا دى واخدة نجمة واحدة وسلملى على الامان
لوجان افضل واامن من غير ما تحتار

تمام

الأفيو الجديده المقصود بيها السونيك

اما الافيو اللى عندنا إتعملها إختبار في 2006 وخدت نجمه ونص

السانديرو او اللوجان الجديده أخدت السنه اللى فاتت 4 نجوم

الأهم من كدا ان الافيو مفيهاش اى عوامل امان أصلا لا ABS ولا AirBags

اللوجان فيها

[borio1704]

خلي بالك من حاجة كمان...

الاختبارات الأوروبية غالبا بتتعمل على عربيات فيها عوامل الأمان عالية لوجود إيرباجات أمامية وجانبية.. وده غالبا ما بينزلش مصر إلا في موديلات الهايلاين ..

لو ناوي تنزل عن الهايلاين ما تبصش للاختبارات دي لإنها مش مقياس

وخلي بالك من حاجة تانية.. الاختبارات دي كلها معمولة على سرعة 56 كيلومتر في الساعة... يعني السرعة العادية في شوارعنا داخل المدينة..

على الصحراوي انسى الكلام ده كله




...

[S O P H O S]

خلي بالك من حاجة كمان...

الاختبارات الأوروبية غالبا بتتعمل على عربيات فيها عوامل الأمان عالية لوجود إيرباجات أمامية وجانبية.. وده غالبا ما بينزلش مصر إلا في موديلات الهايلاين ..

لو ناوي تنزل عن الهايلاين ما تبصش للاختبارات دي لإنها مش مقياس

وخلي بالك من حاجة تانية.. الاختبارات دي كلها معمولة على سرعة 56 كيلومتر في الساعة... يعني السرعة العادية في شوارعنا داخل المدينة..

على الصحراوي انسى الكلام ده كله




...

ده الجواب الشافي بصراحة

[Janor]

خلي بالك من حاجة كمان...

الاختبارات الأوروبية غالبا بتتعمل على عربيات فيها عوامل الأمان عالية لوجود إيرباجات أمامية وجانبية.. وده غالبا ما بينزلش مصر إلا في موديلات الهايلاين ..

لو ناوي تنزل عن الهايلاين ما تبصش للاختبارات دي لإنها مش مقياس

وخلي بالك من حاجة تانية.. الاختبارات دي كلها معمولة على سرعة 56 كيلومتر في الساعة... يعني السرعة العادية في شوارعنا داخل المدينة..

على الصحراوي انسى الكلام ده كله




...

الموضوع مش ايرباج بس, في كمان قدرة السيارة علي المناورة والفرملة في حالات الخطر و سلامة المقصورة في حالة الارتطام

[borio1704]

الموضوع مش ايرباج بس, في كمان قدرة السيارة علي المناورة والفرملة في حالات الخطر و سلامة المقصورة في حالة الارتطام

لحد دلوقتي مفيش اختبار رسمي من الـEuroNCAP بيقيم قدرة السيارة على المناورة والفرملة.. إلا إذا كان قصدك على اختبارات مساعدات السلامة (Safety Assist) .. بس موضوع الـSafety Assist ده لسه نازل في تقييم 2011.

قبل كده كان التقييم على سلامة المقصورة وسلامة الركاب والأطفال .. بالإضافة إلى إن التقييم بيتعمل في كذا طريقة اصطدام

بس ما تنساش إن تقييم الإصابات بياخد أعلى نسبة من التقييم الكلي... وعلشان العربية تعدي فعلا وتاخد تقييم عالي لازم تكون مجهزة بوسائل أمان كافية لتقليل الإصابات على الركاب... وأهمها الإيرباج

راجع التقييم تاني على السيارات القديمة اللي في الموقع... وشوف العربيات اللي واخدة تقييم قليل فيها إيرباجات قد إيه.. أو مفيهاش خالص أحيانا.



...