زيرو ولا مستعمل

[S P R ! N G]

السلام عليكم ورحمة الله وبركاته

بدايتا كل الشكر والتقدير لاعضاء هذا المنتدى الكرام


(ما رايك تشتري مستعمل ولا كورولا زيرو والمبلغ ده يجيب مستعمل ايه من بي ام او مرسيدس )

[omar101970]

موضوع زيرو او مستعمل دا بيرجع لطبيعه شخصيه حضرتك
لو انتا من النوع اللى عنده خبره وصبر فى التعامل مع الميكانيكيه والصناعيه يبقى ممكن تشترى مستعمل
لو انتا من النوع اللى ماعندكشى خبره معاهم او زهقت من التعامل معاهم ومن نصبهم وقرفهم يبقى طبعا زيرو
انا عن نفسى ارشحلك الزيرو طبعا
او على الأقل كسر زيرو

[speranz]

الكورولا لا تقارن بالبى ام والمرسيدس
دي عربية تويوتا الاقتصادية مش للرفاهية
لو مستعمل بحالة ممتازة يبقي مفيش مانع
وهتاخد خيرها زي الجديدة والجودة والجمال

[scientist9508]

زيرو بدون تفكير أو ثانيه تردد واحده

[ahmedalaahosny]

المرسيدس بعد غلو تمن البنزين اعتقد ان سعرها هينزل خاصة القديم مواتير ٢٠٠٠ سي سي فما فوق وبما ان إحنا داخلين علي ازمه بنزين يبقي الكورولا وش ماسكه سعر ف اعادة البيع وقمه توفير البنزين انا عارف ومجرب ركوبه المرسيدس حتي لو ثمانينات بس ظروف البلد بقي

[S O P H O S]

مش هتشري مستعمل الا لو غاوي بي ام واعرف اجيب عربية لقطة
غير كده زيرو طبعا وارتاح

[J A G U A R]

هيا الميزانيه كام ..

[M R. Z E C O]

هيا الميزانيه كام ..

تقريبا يقصد تمن الكورولا والله اعلم

[S P R ! N G]

اسف للتاخير لظروف خاصة

الميزانية 200 الف او اقل بشئ بسيط

[S P R ! N G]

زيرو بدون تفكير أو ثانيه تردد واحده

استاذنك ان تجيب بشئ من الاستفاضة يا اخي

وجزاك الله خيرا

[scientist9508]

بسم الله الرحمن الرحيم

الأخ الفاضل spring

الزيرو يفوق المستعمل فى النقاط الآتيه:
1 - فرحة الشراء
2 - الإعتماديه (السياره المستعمله مهما كان شكلها رائع فقد يكون بها مشاكل خفيه أو عيوب غير ظاهره)
3 - الإطمئنان (السيارة الجديده التى أنت أول مالك لها قطعآ ستكون مطمئن لها و أنت تسافر بها غير السياره التى لا تعلم أنت شىء عن تاريخها و ماذا حدث فيها)
4 - العمر الطويل (بشكل منطقى إن السياره الجديده ستبقى معك فتره أطول بدون مشاكل أو أعطال من السياره المستعمله)

و يزيد على ذلك بعض الأمور:
1 - أن ميزانيتك كبيره و تستطيع أن تحقق بها الكثير و تفتح أمامك مجال واسع من إختيارات عديده
2 - أنك لن توفر الكثير لو إشتريت مستعمل ولو كان هناك توفير فسيكون على حساب عمر السياره أو كفاءتها
3 - هناك من الناس من يفضل أن يقتنى سياره مستعمله هو لا يستطيع أن يشتريها جديده (لأسباب ماديه) و هناك أيضأ من يطمع دائمآ فى الأعل حتى ولو كان لوقت أقصر بمعنى أن هناك من يطمع فى إقتناء الألمانى و لو كان عمر السياره قصير أو كفاءتها أقل لأنه لن يستطيع أن يشتريها جديده و كل النماذج السابقه من الناس تستمع لوقت قصير (مقارنة بعمر السياره الجديده) ثم تدخل فى الصيانات المتكرره و المتقاربه و الأعطال الكثيره و المفاجأه و تنقلب السياره وبالآ عليه

و الآن أرشح لك السيارات التى ممكن أن تشتريها فى حدود ميزانيتك (مع مراعاة تغير الأسعار بالإتصال بالوكيل للسؤال عن السعر النهائى عند الشراء)

1 - سوبارو إمبريزا
2 - فولفو s60
3 - أوبل أسترا
4 - داستر دفع رباعى
5 - سيتروين c4
6 - فورد فوكس

هداك الله لأرشد أمرك

السلام عليكم و رحمة الله و بركاته

[Mostafa.Mahran]

خليك فى الزيرو اضمن

[S P R ! N G]

طبعا كل الشكر لمن شارك فالموضوع .....

الاوكتافيا انتشرت فهل تفوق الكورولا اقبالا وما الاسباب وابهما تنصحوني به ؟

[engherc]

انا بخالف الزملاء في الرأي في موضوع الزيرو و المستعمل لان مفيش ولا عربية زيرو تستاهل تمكنها جميع الأسعار مقارنة بالجودة و الإمكانات مبالغ فيها و خاصة الكورولا ده غير ان الزيرو بتخسر في قيمة العربية و معلش في فرق كبير قوي في الركوبة معلش الكورولا لو موديل ٢.١٦ مش ٢.١٤ هتفضل كورولا و المرسيدس او البي ام لو موديل ٩٠ و ده اللي هتحس بيه بعد شهر ولا ٢ لما تروح زهوة الزيرو