إيه رأيكم .. دايهاتسو تريوس وللا شارك؟

[Dr Ahmed]

زى العنوان ..
أنا محتار ومستنى آراءكم
ولو حد شايف حاجة متميزة فى نفس الفئة السعرية أرجو ألا يبخل بالإدلاء بمعلوماته
وجزاكم الله خيرا

[Dr Ahmed]

بيجو 301 ممكن تتقارن بيهم .. لكن إيهأخبار قطع الغيار وإعادة البيع؟

[max13]

شارك طبعا

[S O P H O S]

الشارك افضل

[ahmedalaahosny]

والله شوف ياباشا لو عايز شد وجري وغرز يبقي الشارك (عفشة مالتي لينك يعني ثبات السنين ومكنة مايفك ١٦٠٠ سي سي يعني جري السنين ) بس توكيل دايموند محدش راح وقال فيه كلمه كويسة / لو سواقتك معقوله بص ع البيجو ٣٠١ كويسة وشكلها محترم ووكيل كويس وعربية نازله بسعر منافس وده اداها فرصة للانتشار بس يعيبها ان اسعار قطع غيارها غالية يعني اقل صيانة ف التوكيل مش هتقل عن الف ونص

[mahmoud_ali]

شارك

[J A G U A R]

شارك وممكن تبص ع الكروز

[Dr_Smart]

اعتقد ان حضرتك معاك لانسر بومه يبقى نصيحه ماتفكرش في ال٣٠١

الشارك محترمه وممكن تشوف التيدا الجديدة والكروز

[Dr Ahmed]

لو تكرمتم اللى يرجح سيارة على التانية يقول لى الأسباب مش مجرد الراحة فقط ، خاصة لو عنده سيارة منهما.
أنا حاليا ميال للدايهاتسو بسبب ارتفاعها عن الأرض
هل فعلا فيها مشكلة عدم ثبات على السرعات العالية؟

[J A G U A R]

ثباتها ضايع على السرعات وماتورها ضعيف وشكلها غبى ولا ترقى للمقارنه مع الشارك

[Yusefabouelnga]

التيريوس متتقرنش بشارك الشارك حلوه و ثباتها عالي لاكن يعيبها التوكيل و اعاده البيع و قطع الغيار و فييه الكرووز جميله موتور و فتيس الاسترا و شكلها من جوه و بره جميل جدا و ثبات و عزل حلو اوي لاكن توكيل منصور هو المشكله.

[Mohamed_89]

الشارك افضل كتير من التريوس عن تجربة و بالنسبة لقطع الغيار تقريبا الكل في نفس الحدود وعلي فكره السيراتو كمان ممكن اغلي في بعض الاجزاء يعني التيل مثلا بسبعميه او ازيد