محتار اشتري فولكس جيتا 2006 ولا سيفيك 2007 2008

[ahmad MB AMG]

السلام عليكم
وكل عام وحضراتكم بخير
عايز اشتري عربية مستعملة ومحتار مابين فولكس جيتا و باسات من بعد 2006وهوندا سيفيك 2007 2008
عايز حضراتكم تساعدوني من حيث مين الافضل من ناحية السعر عند البيع مرة اخرة Resale value
و تكلفة اصلاح والصيانة running cost والأعطال
والاهم من كده رنج الاسعار وانا بشتري في حدود كام
عشان بالنسبة للهوندا سيفيك الناس بتدي اسعار متفاوتة جدا ل 2008 و 2007

[Mamoud salah H]

بصراحة الاتنين تحفة وجامدين جدا واعتقد الي يحسم المقارنة دي انك تركب العربيتين وتشوف مرتاح فين اكتر

[ahmad MB AMG]

والله يا أستاذ خالد الأتنين فعلا عاجبني
بس اللي معرفوش هو مين فيهم صيانتها واصلاحها ارخص؟
ومين اللي قطع غيارها متوافرة اكتر ؟
و مين اللي بتحتفظ بسعرها أكثر عند البيع؟
ده غير بقي رنج الاسعار مش قادر افهمه خالص !!
واحد يقول سعر والتاني يزود 20 علي السعر
محتاج اعرف الاسعار كام

[foxhonda2008]

انا كنت زيك كده و انا بشتري محتار بين الاختيارين دول بس ربنا كرمني و خلصت في هوندا 2008
عشان كده هقولك على الفرق بصورة بسيطه
الهوندا
موتور قوي . واسعه من الداخل. شكل جميل
مصاربف صيانه مش عاليه قوي
عيبها الوحيد واطيه و قله الامكانيات من الداخل
الجيتا
نفس مميزات الهوندا بس مصاريف صيانتها اعلى من الهوندا
ضيقه جدا من الداخل
وخلى بالك صعب تلاقي حاجه 2006 حالتها حلوة
لكن الهوندا في منها حلو كتير
و حاجه اخيرة
الهونداويه رجاله بمعني الكلمه
دا يا راجل و انا بعمل صيانه 100000
لقيت ناس اعرفهم من المنتدي بس
و الله فضلوا واقفين معايا و لا يوجد سابق معرفه
وده يظبطلي الموتور و اخ تاني يركبلي مسمار ناقص وده مش هتلاقييه مع اي حد غير الهونداويه

[ahmad MB AMG]

شكرا foxhonda
كفاية انك اكتد ليا ان حيرتي عن حق :)
دلوقتي عايز اعرف السعر كام المفروض
واشتريها منين
واخد بالي من ايه وانا بدور

[foxhonda2008]

السعرمن 100 الي 110
اهم حاجه طبعا الاساسيات ولو رشه حاجه من برة نظافه ما فيش مشاكل
طبعا حاله الموتور وكبسه
الفتيس
اهم حاجه تشوف كذا عربيه وبعد كده تستقر على احسن واحده و لازم تحجز في التوكيل قبل الكشف بأسبوع
و ده تكلفته 400
و ممكن تكشف عند محمد على في الحرفين
و بالتوفيق

[ahmad MB AMG]

السعر اللي حضرتك بتقول عليه ده للسيفيك 2007 ولا 2008 ؟
ومين الافضل فيهم من ناحية التكلفة
وثبات السعر عند اعادة البيع
والمشاكل اقل

[foxhonda2008]

لل2008

[SaberMan]

نقطه مهمه جدا في الجو ده و الزحمه التكييف ايه اخباره في الجيتا

[ahmad MB AMG]

حلو السؤال ده :)

[pioneerahmed]

الفولكس فيها مشاكل في الفتيس و التكييف ابعد عنها احسن

[foxhonda2008]

سفيك 2008 افضل اختيار

[ahmad MB AMG]

هو صحيح ان الهوندا 2008
مشاكلها أقل من 2007

[S O P H O S]

فرأي السيفيك
وان كنت افضل موديل احدث