جيتا ولا سيفيك ... الاتنين 2009 اوتوماتيك

[red_4_blood]

هاي ايا جماعة ........ انا محتار جدا بين العربيتين دول

Civic 2009 w Jetta 2009

el 2 Automatic

انا اصلا كنت مقرر اني اجيب سيفيك

بس لاقيت والدي بيقولممكن نكمل و نجيب الجيتا

بس انا بصراحة محتار ...

هل فعلا في فرق واضح في المواصفات يستاهل اني ادفع ال 20 الف الزيادة و اجيب الجيتا

و ايه هي مواصفات الجيتا 2009 و هل المستوى الاقل فيها اللي بحوالي 170.000 فيه مثبت سرعة

و هل سيفيك 2009 هتنزل بالتابلوه الجديد بتاع الكاسيت و كمان تحكم السرعة في الدركسيون

و امتى هتنزل السيفيك 2009 و امتى هتنزل الجيتا 2009

و ايه فرق المواصفات بينهم اللي يخليني ادفع اكتر و اجيب جيتا غير طبعا ان الجيتا الماني و السيفيك ياباني

[red_4_blood]

محدش رد يا جماعة

وكمان هي الجيتا فيها مثبت سرعة ولا لا

[blazer]

سعر السيفيك الجديده 2009 لسه متحددش
بس هما عربيتين حلوين
بس السيفيك اداء رياضى وماتور اقوى بكتير عن الجيتا
الاتنين واسعين و يرستيج وثباتهم قوى
السيفيك اقل اوبشن والجيتا اعلى بكتير من السيفيك
لو عاوز اداء رياضى يبقى سيفيك
تهمك الكماليات اكتر يبقى الاوكتافيا
وانا رأى سيفيك

[ouba2]

هات جيتا و اتوكل علي الله

[sa3dawy]

انا اتنين صحابى جابو العربيتين (جيتا خليجيى 2009 ب169000) (سيفيك ب143000) من حوالى اسبوع حاولو يقارنو بينهم ... فى الاخر صاحب السيفيك اعترف ان الجيتا افضل:d:d

[Bassel]

انا سقت الاتنين وشايف ان السيفيك احسن وحسيت انها متطورة اكتر
خصوصا ان الجيتا مبنية علي تكنولوجيا الجولف الي نزلت من 2003
وطالما هتدفع 170000 يبقي مفيش فرق في الكماليات شاسع
وده رأيي الشخصي

[Rsarabia]

انا جربت الاتنين و الاتنين حلوين جدا جدا جدا بس انا رأيى هات جيتا احسن الالمانى المانى بردو

[AHMED12345678]

على فكرة الجيتا تجميع برازيلى

[Kamal-1]

السيفيك الجديدة هتنزل بالكاسيت الجديد والزراير الاضافيه بتاعت التحكم في الكاسيت واعتقد فرق السعر مش هيبقى كتير لان التوقعات كلها بتقول انها هتعدي 160 الف وانا بقول يارب تفضل زي ماهي او تغلى الفيت تلاتة بس

نصيحة مني بصراحة انا شايف ان العربيتين جامدين جدا انصحك تركبهم الاتنين وتقررر بنفسك انما في المواتير فالهوندا افضل

على فكرة الجيتا تجميع برازيلى

مكسيكي على حسب ما اسمع انما برازيلي دي جديدة ممكن تكون في البرازيل بس الله اعلم

[AHMED12345678]

برازيلى او مكسيكى اهو كلو لاتينى

[ooso28]

مش مشكلة الماني او برازيلي او حتي صيني المهم انها فولكس فاجن اكيد الشركة تحرص اكتر مني ومنك عل اسمها وتاريخها ولن تسمح بانتاج هذه الدول الا بمواصفات معينة هي نفس مواصفاتها الامانية وسعرها دليل علي ذلك

[pharonicking]

الالمانى يكسب

الجيتا طبعا وفكر فى البى ام ""

[red_4_blood]

يا جماعة ايه الفرق بين الجيتا الخليجي و العادي

و هل الجيتا فيها مثبت سرعة

[red_4_blood]

يا جماعة ايه الفرق بين الجيتا الخليجي و العادي

و هل الجيتا فيها مثبت سرعة

7ad yerod ya gama3a

[ooso28]

اكيد فيها طبعا الاتنين فيهم