كورولا ام سيراتو ام النترا (2015)

[Sameh samy]

صباح الخير جميعا

انا عاوز اشتري عربية لزوجتي
وموش عارف اختار
واخياراتي هما 3 مافيش غيرهم بصراحة لان الريسيل بيهمني جدا

كورولا 2015 وعيبها الوحيد انها معايا بس موش شايف لها اي عيوب هو بس مبدا التغيير
النترا 2015 المرة اللس سوقتها فيها اتضايقت من الفرامل بس لانها بتزحف
سيراتو 2015 سوقتها وعجبتني بس معرفش عيوبها معرفهاش

[Mohamed.Hany]

صباح الخير جميعا

انا عاوز اشتري عربية لزوجتي
وموش عارف اختار
واخياراتي هما 3 مافيش غيرهم بصراحة لان الريسيل بيهمني جدا

كورولا 2015 وعيبها الوحيد انها معايا بس موش شايف لها اي عيوب هو بس مبدا التغيير
النترا 2015 المرة اللس سوقتها فيها اتضايقت من الفرامل بس لانها بتزحف
سيراتو 2015 سوقتها وعجبتني بس معرفش عيوبها معرفهاش

بالترتيب :
كورولا
سيراتو
النترا

بس من باب التغيير انصحك بالسيراتو و بص علي الفلوانس

[max13]

لو غيرت غير لهوندا او اوكتافيا او كورولا لو من اختياراتك

[Sameh samy]

لا فليوانس محبش الفرنساوي خالص الريسيل وحش ومشاكل الكهربا بتاعها صعبة استجابة الفتيس موش عاجباني في السواقة خالص

[Sameh samy]

كورولا عربية حلوة بس برضو احب اغير شوية اما الاوكتافيا خايف من الفتيس وانا بكرة العربية البطيئة في طلعاتها بصراحة جدا بالرغم من الثبات المعروف بس الاوكتافيا تخاف من الفتيس جدا بالاضافة الي تقل وزن العربية علي الموتور ولو جبت التربو هاتضطر تحط 95

الهوندا عربية جميلة بس اخاف من ارتفاعها عن الارض والري سيل وقكع غيارها باسعار فلكية

[Mohamed.Hany]

كورولا عربية حلوة بس برضو احب اغير شوية اما الاوكتافيا خايف من الفتيس وانا بكرة العربية البطيئة في طلعاتها بصراحة جدا بالرغم من الثبات المعروف بس الاوكتافيا تخاف من الفتيس جدا بالاضافة الي تقل وزن العربية علي الموتور ولو جبت التربو هاتضطر تحط 95

الهوندا عربية جميلة بس اخاف من ارتفاعها عن الارض والري سيل وقكع غيارها باسعار فلكية

الاوكتافيا فيتيسها دلوقتي بقا ستيب ترونك 6 سرعات مش ال dsg و مبقتش تربو بقت 1600 عادي بس لو هتتكلم علي الفئة الاولي اللي ب 190 الف بلاش عشان دي عربية منتفضة من الاوبشنز .

الهوندا ارتفاعها دلوقتي 16.6 سم يعني اعلي من الكورولا عندك حق في الريسيل و قطع الغيار و برضو الفئة اللي ب 190 الف فاضية.

افضل اختيار ليك السيراتو

[eslam.maghawry]

الفوكاس والايمبريزا
اكتر عربيتين مفضلتين عندي بس مشكلتهم في الريسيل

[Sameh samy]

الريسيل مهم يا جماعة العربية في مصر سمعة ومع احترامي للاكتافيا انا سقت الفانتازيا كتير وهقارن بين الالماني عموما والياباني

الثبات الماني
الصاج الماني
النعومية ياباني
السحب ياباني
استهلاك البنزين ياباني
التكييف ياباني
الريسيل ياباني
اسعار وتواجد قطع الغيار لصالح الياباني
الاداء في الاجواء الحارة وحرارة العربية عموما لصالح الياباني

[تامر.محمد]

بالترتيب :
كورولا
سيراتو
النترا

بس من باب التغيير انصحك بالسيراتو و بص علي الفلوانس

+1

[hugan]

كوروﻻ
سيراتو

[Sameh samy]

ملاحظ محدش ميال للالنترا

[mahmoud_ali]

مهو لو انت ياباشا همك الريسيل يبقى الكورولا اكتر عربيه هتفيدك لان الالنترا والسيراتو هيخسروا عن الكورولا. هقولك تجربة مع واحد صديق ليا اشترى الكورلا اللى اول منزلت كانت ب 185 الف وقعدت معاه 6 شهور وباعها ب 180 وكانت محكوكه من الجنب الشمال خلفى

[S O P H O S]

كورولا او سيراتو

[J A G U A R]

من باب التغيير يبقى سيراتو

[Yusefabouelnga]

متجبش الكورولا مدام العربيه عندك اصلا فهتجيب منها اتنين؟! احسن اختيار السيراتو ..