عاوز عربيه فى حدود 80 الف

[iMohamedOsama]

السلام عليكم

دلوقتى انا محتاار اجيب عربيه ايه انا عاوز عربية تنفع ل عيلة و تستحمل انا هسافر بيها مرتين فى السنه او 3 بالكتير

عاوزها اوتوماتيك و يكون مفهاش مشاكل كتير و ياريت تكون زيرو ممكن اجيب حاجة مستعملة بس لو هتفرق معايا جامد

اللى بفكر فيه حاليا البيكانتو و الساجا
ولو فكرت اجيب مانيوال هجيب اللوجان
و لو هجيب حاجة مستعملة هجيب جين 2
فياريت تقولولى رائيكم و لو حد عنده عربية تانية ياريت يرشحهالى

[shiko85]

وعليكم السلام ورحمة الله وبركاته
حضرتك عايز عربيه اوتوماتيك زيرو بـ 80 الف ؟؟؟ مفيش زيرو اوتوماتيك بالسعر ده
لو عربيه عائليه يبقى البيكانتو مش هتنفع و الساجا مش منتشره
اعتقد اوكتافيا a4 هتكون مناسبه جدا لحضرتك
او النترا - اوبترا - نيو اكسنت - لانسر

[Ahmed Saad]

عندك اوبترا اتوماتيك ونيسان صني الشكل القديم اتوماتيك الاتنين محترمين جدا وقطع غيارهم رخيصه

[iMohamedOsama]

لو اوكتافيا a4
هتكون موديل كام مثلا

وبالنسبة لو جبت لوجان مانيوال بـ82 احسن اوكتافيا مستعمل ؟

[shiko85]

لو اوكتافيا a4
هتكون موديل كام مثلا
2004 او 2005 لو اتوماتيك و ممكن توصل لـ 2007 لو مانيوال
وبالنسبة لو جبت لوجان مانيوال بـ82 احسن اوكتافيا مستعمل ؟
لوجان جديده ؟؟ هو الجديد احسن طبعا من المستعمل
لكن اللوجان مش زى الأوكتافيا دى فئه و دى فئه

[midooo_119]

نيسان الشكل القديم

[iMohamedOsama]

طيب انا شكلى كدة هجيب مستعمل ايه الاحسن فى الـ3 دول
اوبترا - نيسان صنى - جين تو

[S O P H O S]

قدامك صني او اوبترا او ياريس

[shiko85]

طيب انا شكلى كدة هجيب مستعمل ايه الاحسن فى الـ3 دول
اوبترا - نيسان صنى - جين تو

اوبترا - صنى متقاربين جدا فكل حاجه تقريبا
بلاش جين 2

[iMohamedOsama]

طيب تمام هدور على اوبترا او صنى بس موديلات كام تكون حالتها حلوة بـ75 - 80
انا مش عاوز ازود عن 80
والاحسن انى اجيب مستعمل من معارض ولا منين لانها اول عربية ومليش خبره خالص بصراحه وخايف اجيب حاجة يكون ملعوب فيها

[ahmed ahmed]

بصراحه الاوبترا تكسب في الثبات والوسع ولارتفاع وقطع الغيار المتوافرة ورخبصه والصالون الممتاز

[J A G U A R]

طيب تمام هدور على اوبترا او صنى بس موديلات كام تكون حالتها حلوة بـ75 - 80
انا مش عاوز ازود عن 80

صنى ex واوبترا موديلات 2009 و 2010

[hamo81]

انا رأيي قبل ما تشتري تنزل سوق السيارات في مدينة نصر تاخد لفة وتشوف الأنواع والأسعار وتقدر بعدها تقرر إيه المناسب ليك وصدقني نظرتك هتختلف شوية
ولو هتشتري من السوق انا معايا واحد زميلي مهندس ميكانيكا بس بيفرز العربية كويس ويقولك كل حاجة فيه ممكن يفيدك في الموضوع ده

[shiko85]

الاحسن انى اجيب مستعمل من معارض ولا منين لانها اول عربية ومليش خبره خالص بصراحه وخايف اجيب حاجة يكون ملعوب فيها

الأحسن تشترى من قريب او صديق علشان تبقى عارف العربيه كويسه و شبه مضمونه بس لازم تكشف عليها كويس
المعارض فيه منها اللى بيحافظ على اسمه و مش بيبيع غير العربيات المحترمه و فيه اللى كل عربياته ملعوب فيها فالازم الكشف كويس جدا عند حد امين نفس الكلام فالسوق و النت
المشكله ان سوق المستعمل فيه نصب و غش كتير جدا و صعب تلاقى حاجه كويسه بسهوله محتاج تدور و تتعب شويه و بلاش استعجال او يأس و الأفضل لو تعرف حد بتثق فيه يكون فاهم فالعربيات خليه يدور معاك لان مش معقوله كل عربيه تشوفها تروح تكشف عليها فالبنزينه او التوكيل
خلى بالك ان فيه حاجات بتكون ظاهره جدا فا مش صعب تعرف حاله العربيه بمجرد النظر يعنى حاله الصالون و الفرش مثلا لو متبهدلين و كل حاجه واضح عليها اثر الأستخدام و تلاقى العداد قليل يبقى اكيد ملعوب فيه او يقولك عربيه فابريكا و تلاقى اجزاء من الدهان ناعمه جدا و اجزاء خشنه و هكذا
لو تقدر تدفع الـ 80 مقدم و تقسط الباقى و تشترى عربيه زيرو يكون افضل طبعا غير كده يبقى خليك فالمستعمل و ربنا يكرمك ان شاء الله و تلاقى عربيه كويسه بس لتانى مره اهم حاجه بلاش استعجال او يأس

[shiko85]

انا رأيي قبل ما تشتري تنزل سوق السيارات في مدينة نصر تاخد لفة وتشوف الأنواع والأسعار وتقدر بعدها تقرر إيه المناسب ليك وصدقني نظرتك هتختلف شوية
او يدور فكونتاكت او دوبيزل و يشوف العربيات المتاحه بـ 80 الف