فانتازيا 2013 اول فئه ولا سيراتو 2015 اعلي فئه

[mohameddawoud]

هي سيراتو في الحالة دي مغرية جدا ههههه
بس الفانتازيا فانتازيا
ممكن تشوف واحدة 2010 هاي لاين وعيش
واكشف عليها وهتوفر فلوس لانها بتلعب في رينج
160::::؛170

تفتكر كده حبقي وفرت ؟
حتبقي ماشيه كتير ( فتره) وبره الضمان وعلي الاقل حتروح تعمل صيانه كامله للجيروبوكس (زيت وفلتر) وحتغير زيت موتور وكاوتش حتوصل لنفس المبلغ
معلش انا مش بقفلها بس والله بتناقش معاكم زي اخواتي لاني حتجنن لوحدي

[superdry90]

الاسترا حتغير موديل ٢٠١٦ و علي ما تيجي هنا مش قبل سنتين و نص او ٣ و دي الهاتشباك . السيدان بتغير شكل بعدها بفترة يعني بينزلوا السيدان الجديدة بعدها بسنتين . السيدان الموجودة دلوقتي نزلت رسمي في نوفمبر ٢٠١٢ عالميا فا لسه قدامها فترة حتي لو الهاتشباك غيرت متقلقش

[superdry90]

دول حتي منزلين الكاسكادا الجديدة بنفس دواخل و تابلوه الاسترا الحالية فا شكلها لسه مطولة

[mohameddawoud]

الاسترا حتغير موديل ٢٠١٦ و علي ما تيجي هنا مش قبل سنتين و نص او ٣ و دي الهاتشباك . السيدان بتغير شكل بعدها بفترة يعني بينزلوا السيدان الجديدة بعدها بسنتين . السيدان الموجودة دلوقتي نزلت رسمي في نوفمبر ٢٠١٢ عالميا فا لسه قدامها فترة حتي لو الهاتشباك غيرت متقلقش

طيب اعاده البيع

[superdry90]

طيب اعاده البيع

اعادة البيع في الاسترا دي أفضل من اي اوبل سابقة و ده بسبب الانتشار لان العربية انتشارها بقا كبير آوي و اكتر من اي موديل سابق حتي حتلاقيهم معروضة في المعارض كلها عكس عربيات فولكس مثلا او فورد . ده محسن اعادة البيع بشكل كبير جدا اعرف ناس اشترتها ب ١٦٠ في ٢٠١٣ و باعوها ب ١٦٥ السنة دي. العربية اعادة بيعها معقولة و غير الاسترا الي قبلها خالص بس طبعا مش زي الكورولا او الاوكتافيا العادية . الاوكتافيا التربو اعادة بيعها سيئة . اعرف واحد باعها عاملة ٢٦٠٠ كم ٢٠١٤ ب ١٩٨٠٠٠ و هو كان جايبها ب ٢٢٦٠٠٠

[shiko85]

بص يا سيدي الاوبل استرا جميله جدا بس مشكلتها معايا ان اعاده البيع بتاعها وحش جدا وانا حاطط كل اللي معايا في العربيه والباقي تقسيط فلازم تعمل حساب انك لما تحتاج فلوس متخسرش جديد
ثانيا الاسترا حتغير شكل خلال شهور لان الشكل ده طول
حتقولي يعني الفنتازيا مغيرتش حقولك بس انا مش جايب زيرو يعني عامل فرق انما اشتري عربيه وبعدها بشهرين تلاته يحرقو دمي
اما ال bmw فتقدر تعتبر ان ده حلم من احلامي من صغري بس مين اللي يصرف عليها يا صديقي
وممكن اكون غلط في تفكيري بس انا بخاف شويه

تمام
مش غلط ولا خوف كل و احد عارف ظروفه و هو بس اللى يقدر يحدد

طيب اعاده البيع

اعتقد سعر اعاده البيع مش هيكون بالسوء بتاع زمان لان معظم العربيات اللى كانت تعتبر فئه متوسطه (فئه 100 - 120 الف زيرو) و صلت لـ 150 - 180 الف و المستعمل كمان سعره زاد فالأسترا تعتبر بديل للعربيات دى و بشوف سعرها مستعمل مش قليل
اللى اقصده ان زمان كان فيه ناس كتير بتبعد عن عربيات زى اوبل فيكترا او استرا و الفرنساوى (الاوروبى عموما) علشان سعرها زيرو غالى - قطع الغيار غاليه - سعر اعاده البيع اقل من الكورى مثلا - وجود بديل كورى او يابانى لكن الكورى حاليا بقى سعره قريب جدا من العربيات دى و كمان قطع الغيار مش رخيصه (فالتوكيل) الى جانب عدم وجود عوامل امان مقارنه بالأوروبى و اليابانى بقى مش بالجوده بتاعت زمان غير انه مصنع فمصانع خارج اليابان و ظهر عيوب فبعض الموديلات زى كورولا و طبعا الصنى الأخيره و هكذا
عموما أصبح فيه اتجاه لشراء عربيات غير الكورى و ده اللى حصل لو حضرتك تلاحظ مع اول نزول للسيراتو الشكل الجديد مبيعات استرا زادت بشكل ملحوظ انا اعرف 3 اشتروها و ده محصلش قبل كده لان كان تفكرهم او تفكير 2 منهم فالتويوتا (الشكل القديم) او النترا و بمجرد ما شافوا الفرق بين الأسترا و التويوتا و الألنترا و السيراتو فالخامات و الفخامه و الفرق فالكماليات اشتروا الأسترا
لو كان حد سألنى عن الأسترا زمان كنت هنصح بالبعد عنها لكن فظروف السوق دى و ان العربيات سعرها زاد جدا بالشكل ده يبقى ايه اللى يمنع انى اركب عربيه محترمه حتى لو هخسر فيها شويه بعد 5 او 6 سنين

[shiko85]

اعادة البيع في الاسترا دي أفضل من اي اوبل سابقة و ده بسبب الانتشار لان العربية انتشارها بقا كبير آوي و اكتر من اي موديل سابق

[Sameh samy]

بص لو مشاويرك في البلد يبقي سيراتو هاتوفر بنزين وتسارع وتكييف احلي لو مشويرك كلها سفر يبقي فانتازيا ثبات اعلي وكل واحد بيجيب حسب احتياجاتة لكن خد بالك في الفانتازيا حاول تجيب الفتيس القديم لانك ممكن تضطر تغيرو والعربية هاتبقي صفقة خسرانة ساعتها

[Mohamed.Hany]

و اليابانى بقى مش بالجوده بتاعت زمان غير انه مصنع فمصانع خارج اليابان و ظهر عيوب فبعض الموديلات زى كورولا

الجودة واحدة سواء داخل اليابان او خارجها ,
و بالمناسبة الاسترا متصنعة في بولندا مش في المانيا معني كدة انها مش بالجودة بتاعة زمان ؟
و بعدين ايه العيوب اللي ظهرت في الكورولا ؟؟

الي صاحب الموضوع انا افضل دايما الزيرو حتي لو اقل و رأي تبص بصة علي الاسترا و الفلوانس و الكورولا بس لو انت هامك اعادة البيع قوي يبقي كورولا او سيراتو بدون تردد.

تحياتي للجميع

[omaranes77]

تفتكر كده حبقي وفرت ؟
حتبقي ماشيه كتير ( فتره) وبره الضمان وعلي الاقل حتروح تعمل صيانه كامله للجيروبوكس (زيت وفلتر) وحتغير زيت موتور وكاوتش حتوصل لنفس المبلغ
معلش انا مش بقفلها بس والله بتناقش معاكم زي اخواتي لاني حتجنن لوحدي

اية يا باشا الخيال الكبير دة
ممكن تجيب واحدة كيلو متر قليل
حضرتك لو صرفت عليها صيانة 60 الف

هيبقي معاك احلي عربية والعربية مش هتحذلك في اي حاجة

[shiko85]

الجودة واحدة سواء داخل اليابان او خارجها
انا شايف ان الجوده مش واحده
من اللى بشوفه بعض الماركات زى النيسان و الكورولا مثلا بتقلل الجوده لتقليل السعر (فالعربيات اللى خارج اليابان)
و بالمناسبة الاسترا متصنعة في بولندا مش في المانيا معني كدة انها مش بالجودة بتاعة زمان ؟
جوده ممتازه زى زمان و ممكن احسن كمان زى

طيب هقارن مع حضرتك بين عربيتين الصنى القديم موديل 2001 و باقى الموديلات وصولا للصنى الموجوده حاليا
بعيدا عن الموتور هل الخامات الداخليه بنفس الجوده ؟؟؟
انا كان معايا صنى 2001 و فضلت متابع الموديلات اللى بعدها بس فكل مره بحس بان الجوده بتقل سواء جوده الخامات او جوده التقفيل كل موديل بيقل عن اللى قبله
انا ركبت كورولا هاى لاين موديل 2011 او 2012 و بجد زعلت على العربيه انا كنت بركب 2003 و شايف ان الخامات اقل جوده و نفس الكلام فالفورتشنر لو حضرتك ركبتها هتعرف انا اقصد ايه بان الجوده قلت جدا
و بعدين ايه العيوب اللي ظهرت في الكورولا ؟؟
عيوب الكورولا الجنوب افريقى و مشاكل الفتيس مثلا و حضرتك هتلاقى فيه ناس عايزه تشترى الموديل ده بس عندها تخوف منه

[Mohamed.Hany]

انا شايف ان الجوده مش واحده
من اللى بشوفه بعض الماركات زى النيسان و الكورولا مثلا بتقلل الجوده لتقليل السعر (فالعربيات اللى خارج اليابان)
و بالمناسبة الاسترا متصنعة في بولندا مش في المانيا معني كدة انها مش بالجودة بتاعة زمان ؟
جوده ممتازه زى زمان و ممكن احسن كمان زى

طيب هقارن مع حضرتك بين عربيتين الصنى القديم موديل 2001 و باقى الموديلات وصولا للصنى الموجوده حاليا
بعيدا عن الموتور هل الخامات الداخليه بنفس الجوده ؟؟؟
انا كان معايا صنى 2001 و فضلت متابع الموديلات اللى بعدها بس فكل مره بحس بان الجوده بتقل سواء جوده الخامات او جوده التقفيل كل موديل بيقل عن اللى قبله
انا ركبت كورولا هاى لاين موديل 2011 او 2012 و بجد زعلت على العربيه انا كنت بركب 2003 و شايف ان الخامات اقل جوده و نفس الكلام فالفورتشنر لو حضرتك ركبتها هتعرف انا اقصد ايه بان الجوده قلت جدا
و بعدين ايه العيوب اللي ظهرت في الكورولا ؟؟
عيوب الكورولا الجنوب افريقى و مشاكل الفتيس مثلا و حضرتك هتلاقى فيه ناس عايزه تشترى الموديل ده بس عندها تخوف منه

الكلام كله علي عربيات موديل السنة 2015 و دي الفئة السعرية اللي صاحب الموضوع بيسأل فيها ايه علاقة ده بالجونب افريقي او كورولا 2011 و 2012 .

طيب حضرتك منين بتقول ان الجودة خارج اليابان بتقل لكن الجودة خارج المانيا بتزيد !!

عموما اتمني حضرتك تنزل تشوف جودة و تفقيل كورولا 2015 و قارن بالقديم و حضرتك هتشوف الفرق بوضوح ليكون الكلام علي ارض الواقع.

تحياتي لشخصك الكريم

[shiko85]

تحياتي لشخصك الكريم

تحياتى لحضرتك

[mohameddawoud]

طيب فانتازيا هاي لاين 2013 تعمل كام

[J A G U A R]

طيب فانتازيا هاي لاين 2013 تعمل كام

من 180 ل 195 حسب الحاله