ارجو المساعدة فى اختيار سيارة مناسبة...

[abbas mahmoud]

السلام عليكم ورحمة الله وكل عام وانتم بخير
ارجو منكم الافادة فانا فعلا محتار فى شراء سيارة جديدة
انا كان معايا اوبل فيكترا 95 وبعتها والحمد لله ودلوقتى بفكر اشترى عربية زيرو فى حدود 130 او 140 الف
مع العلم انى محتاج عربية تكون 1600 وبتوفر فى البنزين وبتستحمل الجرى والاوزان التقيلة يعنى صالونها واسع وتكون قطع غيارها مناسبة فى سعرها (اقل من سعر الاوبل ) ولما اجى ابيعها بعد 4 او 5 سنين ماخسرش كتير
فايهما افضل النيسان صنى كلاسيك ولا اللانسر بومة 2013 او 2014 ولا الاكسنت rb ولا الاوبترا ولا التيدا ؟
ولا فى حاجة افضل من دول فى حدود المبلغ اللى ذكرته
وعذرا على الاطالة

[shiko85]

وعليكم السلام ورحمة الله وبركاته
اكسنت rb او كيا ريو

[Sameh samy]

بومة اكتر واحدة تستحمل بس موش اكتر واحدة توفر بنزين وافضل ريسيل ومالهاش لحد دلوقتي اي عيوب وقطع غيارها مرطرطة برة التوكيل واي ميكانيكي يشتغل فيها وسيبك من كلام الشكل القديم هي اعلي كفاءة

[J A G U A R]

شارك فئه اولى او ريو

[mahmoud_ali]

اكسنت

[abbas mahmoud]

شكرا لردك بس هى ال rb صالونها واسع

[abbas mahmoud]

متشكر لردودكم جميعا
وبالمناسبة بقى حد عنده فكرة اسعار العربيات هتعلى ولا هترخص؟
فى ناس بتقول هتعلى عشان الضرايب
وفى ناس بتقول هترخص عشان البنزين ؟
الواحد قرب يتجنن من الحيرة

[J A G U A R]

شكرا لردك بس هى ال rb صالونها واسع

مش واسع اوى

[S O P H O S]

لانسر او ريو
الاهم وسائل الامان

[shiko85]

بالمناسبة بقى حد عنده فكرة اسعار العربيات هتعلى ولا هترخص؟
فى ناس بتقول هتعلى عشان الضرايب
وفى ناس بتقول هترخص عشان البنزين ؟
الواحد قرب يتجنن من الحيرة

مفيش حاجه بترخص
من زمان اسعار السيارات بتزيد و عمرها ما بتقل و كل مره لأسباب مختلفه فيه منها حقيقى بس اغلبها جشع و طمع التجار
اللى هيقل المستعمل اللى اكتر من الــ 1600 سى سى
اعتقد الحاله الوحيده اللى الأسعار هتقل فيها لما يبقى فيه بديل مناسب للعربيات و الناس تقدر تستغنى عن فكره الشراء او على الأقل تأجلها لوجود بدائل اوفر و مريحه اكتر غير كده اسعار العربيات كل يوم فزياده

[abbas mahmoud]

شكرا لتواصلكم وردودكم جميعا

[abbas mahmoud]

لانسر او ريو
الاهم وسائل الامان

معنى كلامك كده ان دول بس اللى فيهم وسائل الامان ؟
وايه هى وسائل الامان اللى فيهم