إعـــــــلان

***walaa*** · 21-07-2014, 10:26 AM

اسفه نسيت اكمل كلامي و معرفتش اعدل الموضوع ...
بيتهيالي الرينج ده هيبقي موديلات من 2000 الي 2004
فا يا ريت اعرف من حضراتكم ايه هو الموديل الافضل لكل عربية من ال 3 اللي قولتهم (رينو كليو .. فيات سيينا .. فيات بونتو ) .. و تبقي مقارنه شاملة بينهم .. و اللي تناسبني و تناسب احتياجاتي و الاسعار لكل موديل و مميزاتهم و عيوبهم و اقلهم مشاكل

**J A G U A R** · 21-07-2014, 10:26 AM

البونتو مناسبه

**J A G U A R** · 21-07-2014, 11:24 AM

المشاركة الأصلية كتبت بواسطة *walaa* مشاهدة المشاركة

طيب ايه احسن موديل فيها يناسب الرينج بتاعي و كمان يا ريت توضحلي عيوبها و مميزاتها و هتستحمل العدد ده (5) و متحكش في المطبات ؟؟
يا ريت تقيملي العربية نفسها من وجهة نظرك معلش هتعبك معايا

الموديلات هاتبقى من 2000 ل 2003

مميزاتها ... اقتصاديه جدا فى البنزين .. شكلها حلو .. كويسه لداخل المدينه وقطع غيارها فى المتوسط وارتفاعها على الارض وصالونها معقولين بس معتقدش يركب 5 مرتاحين لو 4 يبقى كويس بس لو مطب رخم والعربيه محمله ممكن تحك ..

عيوبها .. ماتور ضعيف مش بتاع سفر وبيتأثر بالتكييف .. الدريكسيون بتاعها سيتى باور وتقيل شويه .. مش اى حد يفهم كويس فيها ..

رأيي فيها مش شايفها تستاهل سعرها خالص .. يعنى ممكن بدلها دايو جوليت او نوبيرا 1 او 2 او لانوس او شوما .

**shiko85** · 21-07-2014, 03:23 PM

المشاركة الأصلية كتبت بواسطة *walaa* مشاهدة المشاركة

السلام عليكم
وعليكم السلام ورحمة الله وبركاته
عايزة عربية مستعمله اقصي رنج 40 الف و لو امكن تكون اقل 2000

المطلوب من العربية تكون عالية عن الارض متحكش في المطبات و تستحمل شوارع مكسره و تكفي لركوب 5 افراد .. و قطع غيار معقوله خصوصا ان دي اول عربية ليا .. و صاج يتحمل .. طبعا الكماليات حلوة جدا و رفاهية بس مش لازم قوي لان العربية بالنسبه لينا حماية من بهدلة المواصلات بس ان وجدت كماليات يبقي خير و بركه طبعا اكيد مش هقول لا :d
للأسف شاهين او دوجان - لادا - اكسيل
انا عارف ان حضرتك قولتى اقصى حاجه 40 بس لو حضرتك تقدرى تزودى شويه اشترى 516 دى فعلا فيها كل اللى حضرتك عايزاه او لانوس
انا دورت ع النت مبدايا و عجبني دول و هم فيهم كماليات ( رينو كليو .. فيات سيينا .. فيات بونتو )
اعتقد ان الــ 3 مش مناسبين
لو في اقترحات تانيه يا ريت تقلوهالي :)
المشكله ان معظم العربيات المناسبه هتكون اعلى من الـ 40 بس مش بفرق كبير

***walaa*** · 21-07-2014, 05:30 PM

المشاركة الأصلية كتبت بواسطة عبدالله برعى مشاهدة المشاركة

اولا : ايه اللى حضرتك عايزو من العربية وايه ظروف التشغيل اللى حتمشى فيها سفر - داخل مدينة - تكييف

هل سهمك سعر قطع الغيار وهكذا

ثانيا انا راى الفرنا او اللانوس كفتهم ترجح اكتر وهما فى range دا

اتمنالك التةفيق

لا هي مش سفر خالص هنبقي داخل المدينه ان شاء الله .. و مشوار او اتنين بالكتير في الاسبوع في الشوارع المكسرة .... قطع الغيار لو رخيصه و متوفرة تبقي احسن طبعا بس لو مثلا غالية شوية بس معمرة مفيش مشاكل .. اللانوس انا و الفيرنا ناس قالتلي عليهم بس عرفت انهم قريبين من الارض عشان كده صرفت نظر .. ده غير حاجه غريبة قريتها عن الانوس و هي ان ابعادها غريبه و ان البنات الاحسن ليهم سواقة عربية صغيرة عشان افهم ابعادها بسرعه بس مش عارفه ده صح و لا غلط !!! انا شايفه ان اي عربية هتعود عليها مع الوقت خصوصا اني مجربتش اي عربية قبل كدا عشان استغرب اول عربية هركبها عشان فعليا انا مش هبقي عارفه عربية غيرها
و شكرا لاهتمامك
و لو لانوس او فيرنا يبقي موديل كام تبقي حالتة جيده بالمبلغ اللي معايا

**shiko85** · 21-07-2014, 06:34 PM

المشاركة الأصلية كتبت بواسطة *walaa* مشاهدة المشاركة

اللانوس و الفيرنا ناس قالتلي عليهم بس عرفت انهم قريبين من الارض عشان كده صرفت نظر ..
مش بالسوء ده - المشكله فالمطبات
ده غير حاجه غريبة قريتها عن الانوس و هي ان ابعادها غريبه و ان البنات الاحسن ليهم سواقة عربية صغيرة عشان افهم ابعادها بسرعه بس مش عارفه ده صح و لا غلط !!!
كلام سليم بس بالتعود مفيش مشكله غير ان حضرتك عايزه عربيه لــ 5 افراد وده مش هينفع فعربيه صغيره
انا شايفه ان اي عربية هتعود عليها مع الوقت خصوصا اني مجربتش اي عربية قبل كدا عشان استغرب اول عربية هركبها عشان فعليا انا مش هبقي عارفه عربية غيرها
بالظبط كده و لو حتى حضرتك بتسوقى من زمان و غيرتى العربيه هتحتاجى وقت علشان تعرفى ابعاد الجديده
و لو لانوس او فيرنا يبقي موديل كام تبقي حالتة جيده بالمبلغ اللي معايا
لانوس 99 - صعب فيرنا بالمبلغ ده

***walaa*** · 22-07-2014, 03:08 AM

طيب انا هخلي الدايو لانوس في حساباتي .. بس ياريت تقولي ايه عيوبها و مميزاتها .. و يا ريت تقولي رايك في( فولكس بولو ) و (اوبل كورسا موديلات من 94 ل 98 )
و بالنسبة للكليو و السينا ليه مش مناسبين عشان لو حضرتك استبعدتهم عشان مش مناسبين ليا في حاجه معينه و ممكن انا اتنازل عن الحاجه دي يبقي اعيد تفكير فيهم
و متشكرة لاهتمامك استاذ shiko85

**shiko85** · 22-07-2014, 03:07 PM

المشاركة الأصلية كتبت بواسطة *walaa* مشاهدة المشاركة

طيب انا هخلي الدايو لانوس في حساباتي ..
بس ياريت تقولي ايه عيوبها و مميزاتها ..
مميزات واسعه - قطع غيار رخيصه و منتشره - سهوله الصيانه - تكييف و باور
عيوب الفرامل ضعيفه شويه
يا ريت تقولي رايك في( فولكس بولو ) و (اوبل كورسا موديلات من 94 ل 98 )
اى هاتش بالك مش هتكون مناسبه لـ 5 افراد
و بالنسبة للكليو و السينا ليه مش مناسبين عشان لو حضرتك استبعدتهم عشان مش مناسبين ليا في حاجه معينه و ممكن انا اتنازل عن الحاجه دي يبقي اعيد تفكير فيهم
و متشكرة لاهتمامك استاذ shiko85
العفو - الشكر لله وحده

الكليو كانت مع واحد صاحبى و كان دائم الشكوى منها و ان مش اى ميكانيكى بيشتغل فيها
السيينا ماتور معقد و حوض الماتور ضيق و زى الكليو مش اى ميكانيكى بيشتغل فيها و رغم كده مطلوبه و بتتباع بسهوله
كل اللى مكتوب ده مجرد رأى شخصى من خلال تجارب اصدقاء ليا معاهم العربيات و ممكن اكون غلطان او اللى كان بيحصل مع الناس اللى اعرفهم من ملاك العربيات المذكوره هى حالات فرديه
احسن حاجه ان حضرتك تسألى عن كل عربيه فالقسم المخصص لها و ان شاء الله الأعضاء هتقدر تفيديك بمعلومات اكثر دقه
مؤقتا انا جمعت لحضرتك بعض المواضيع اللى ممكن تكون مفيده كبدايه لتحديد السياره المناسبه

نايل موتورز - NileMotors.net

http://www.nilemotors.net/Nile/71847-a.html

نايل موتورز - NileMotors.net

http://www.nilemotors.net/Nile/16549-5.html

نايل موتورز - NileMotors.net

http://www.nilemotors.net/Nile/24076-ii.html

نايل موتورز - NileMotors.net

http://www.nilemotors.net/Nile/21901-a.html

نايل موتورز - NileMotors.net

http://www.nilemotors.net/Nile/78266-2000-2003-a.html

نايل موتورز - NileMotors.net

http://www.nilemotors.net/Nile/6688-1993-2000-a.html