لانوس 1 ولا اسبيرنزا a516

[احمد شحاته]

السلام عليكم
انا معايا لانوس 1 2000 وهى معايا من الزيرو بس حالتها تعبت جدا العفشه تعبت لانى من هواة تسقيط العربيه وطبعا بتحك كتير والماتور تعب بردو لانها ماشيه 140 الف وبدأت تاكل زيت .
ادامى عربيه اسبيرنزا a516 موديل 2011 وانا ركبتها بنفسى حالتها جميله وفبريكه بالكامل
عاوز اخدها خصوصا ان سعرها مناسب ليا , اية رئيكو فى الموضوع دا ياريت حد خبير فى الاسبيرنزا يفهمنى الصح .

[A7medelfe2y]

ال516 عربيه جميله وشغاله تاكسي كويس جدا وهي مع مدير الشركه الي انا فيها من سنين ومشتكاش منها وفيها كماليات ورفاهيه اكتر من اللانوس بس انا كنت بجيب في نفس الفئه قبل ما اصرف الفلوس وفضلت اللانوس وبردوه اساتذتنا وملاكها يفيدوك اكتر

[OmarAdel98]

الa516 حلوة بس لو زيرو لكن صيني استعمال افضل تبعد

[hamo81]

بالنسبة للأسبرانزا 516 أنا شايف إنها ممتازة وجميلة في السفر وكانت معايا موديل 2008 كانت عاملة 72000 وبصراحة مبعتهاش غير لما كنت محتاج فلوس غير كده مكنتش فرط فيها
والعفشة بتاعتها كويسة وعالية عن الأرض مش بتحك في المطبات وأهم ميزة فيها إنها واسعة جدا وكمالياتها حلوة

[احمد شحاته]

طيب بالنسبه للاداء انا سامع ان الاسبيرنزا تقيله فى الحركه ... وكمان اكشف على موتورها ازاى

[S O P H O S]

طيب لو بعت عربيتك لوحدها تجيب كام

[mahmoud talaiy]

انا في نفس حيرتك قدامي اسبيرانزا 516 موديل 2007 مطلوب فيها 42000 جنيه
وحالتها فابريكا بره وجوه وعاملة 90 الف كيلو
بس فيه ناس كتير خوفتني منها وقالتلي العفشه وفي البيع هتخسر كتير
ومش عارف اعمل ايه ؟؟؟؟؟
يارب حد يفيدنا احنا الاتنين