يا تلحقووووونى يا متلحقونيش

[alsfah0]

السلام عليكم ... من فضلكم يا رجالة محتاج نصيحة وسريعة جدا انا معاية برليانس frv2012 وفى واحد جبلى عربية سكودا فابيا 2005 اوتوماتيك ماشية 120 الف وعاوز يعمل بدل بعربيتى للعلم انا العربيتى ماشية 20000 الف كيلو فقط . وانا عربيتى تمنها 70000 الف من فضلكم عاوز اعرف سعر الاسكودا تكون كام وهى مفهاش اى رش ورئكم فى العربية من حيث الاعتمادية واسعار قطع الغيار وهل هى تقيلة فى البيع ولا لا والف شكر يا رجالة واسف على الاطالة

[J A G U A R]

يا راجل حرام عليك ..

عاوز تبدل عربيتك بعربيه اقدم 7 سنين وماشيه 100,000 زياده

راجع نفسك بعد اذنك .

[cojak72]

مفيش وجه للمقارنة يا راجل ده غير ان شكل عربينك من الزيرو حرام عليك فعلا وبعدين البافارية وكيل محترم

[أسامه الحسيني]

2005 بدل 2012
120 الف كم بدل 20 الف كم
عربيه استعمال الغير ما تعرفش ايه الى فيها بدل عربيه من الزيرو
مقارنه يسهل الاختيار فيها
حرام عليك خليك فى 2012

[K.Ossama]

ده كلام برضو......!!!
خليك فى عربيتك طبعاً

[max13]

انت اكيد بتهزر . عربيتك طبعا

[skoda1996]

خليك في عربيتك اكيد
و كده نبقي لحقناك من عربية ماشية 100الف اكتر من عربيتك

[shiko85]

وعليكم السلام ورحمة الله وبركاته
عربيه 2005 ماشيه 120 الف كم استعمال الغير و عربيه 2012 ماشيه 20 الف كم و عارف عنها كل حاجه
اعتقد الموضوع مش محتاج تفكير اصلا
لو عايز عربيه اتوماتيك بيع عربيتك و اشترى عربيه اوتوماتيك جديده بالتقسيط او مستعمل موديل حديث مش عربيه بقالها 9 سنين

[Omar Mahmoud]

حرام عليك تبدل عربيتك بعربية اقدم و ماشية اكتر بكتيير

[alsfah0]

الف شكر ليكم جميعا وانا والله مش بشكتى من عربيتى بس كل المشكلة ان ملهاش اى قطع غيار فى الصعيد ولو حصلت اى حاجة فى العربية مش بيبقى قدامى غير انى اسافر القاهرة ودا كان سبب انى عارض عربيتى للبيع وجية صاحب الاسكودا عاوز يعمل بدل ويدفع فرق

[S O P H O S]

الخطوة الي بتقول عليها دي خطأ فرأي بصراحة

[midooo_119]

طب الحمد لله ان احنا لحقناك ... انسى الفكرة ديه خالص

[eleanor]

ومين قال ان قطع غيار الفابيا متوفره فى الصعيد

[elfiki_13]

انا مع رأي عدم التغيير

[Moratoz]

ألفبائيا أصلا قطع غيارها ليست متوفرة بالقاهره فما بالك بالصعيد خليك في عربيتك احسن