صني ولا نيو اكسنت

[a7mad mody]

كل عام و انتم بخير
بعد لف و تدوير كتيييييييييييير استقريت على عربيه من دول:
نيسان صني 2005 تقفيل ياباني
ولا هيونداي اكسنت 2010 تقفيل كوري
ناس بتقول دي احسن و ناس تقول دي احسن
بالنسبه لاستخدامي الاتنين ينفعوا
بس مين فيهم الاحسن عموما (شكل - استهلاك - ثبات - اعتماديه )
و ياريت كل واحد يوضح سبب اختياره :)

[Adnfalcon]

شكل .. دي اذواق
استهلاك .. لصالح الأكسنت طبعاا
ثبات .. أكسنت بفارق ملحوظ بس مش ثابته ثبات الياباني ولا الاوروبي بس اخويا جاب بيها 200 كم بس مع احساس بالخطر
اعتماديه .. الهيونداي تكتسح
بس الصني اوسع وشنطتها أكبر بس صاجها اضعف

[shiko85]

نيو اكسنت
موديل احدث - شكل شبابى اكتر داخلى و خارجى و احدث من الصنى اللى شكلها يعتبر ثابت من 2001 بتغييرات بسيطه خارجيه و بدون اى تغيير داخلى - cvvt يعنى توفير فالوقود

[S O P H O S]

الصني هتتفوق فالثبات
استهلاك البنزين الهيونداي وكذلك الشكل
الاعتمادية ده موديل قديم حسب الحالة
والاكسنت طالما استخدام كويس هتعيش
والله اعلم

[a7mad mody]

شكرا جزيلا و في انتظار رأي باقي الاعضاء :)

[J A G U A R]

شكل .. اذواق
استهلاك .. لصالح الاكسنت
ثبات .. صنى
الاعتماديه .. قريبين من بعض

[eng.m7md.ali]

الصني احسن .. عشان ياباني واعتمادية على ابوها مش زي الهلس بتاع دلوقتي والتقفيل المصري وكدة

[Adnfalcon]

الصني احسن .. عشان ياباني واعتمادية على ابوها مش زي الهلس بتاع دلوقتي والتقفيل المصري وكدة

!!!

[Mido Casper]

الصني ك ثبات افضل كتيير من الاكسنت و الالنترا كمان والغرز بيها علي سرعات عاليه ثابته ومتخوفش
والبدي بتاع الصني اكيد هيكون اشد بس الشكل . الاكسنت تكسب 100%
السرعه اعتقد الاكسنت برده لانها ماشاء الله بتجمع بسرعه .. البنزين الاكسنت توفر اقل واخف في الجري عن الصني كتير
بس اللي اقدر اقوله ليك الياباني ياباني والكوري كوري .. وده مش تققليل من النيو اكسنت بالعكس انا بعشقها بس انا بقولك ده و ده وانت ليك حريه الاختيار :)

[Omar Mahmoud]

نيسان صني لكن إستهلاك بنزين عالي

[a7mad mody]

Thnx all :)

[kar!m]

أنا رأيي نيو أكسنت
أولا: العربيات في مصر بتستهلك بسرعة .. كل ما العربية تكون أحدث تكون أفضل.
استهلاك البنزين: النيو أكسنت أفضل بكتير
الأداء: برضه النيو أكسنت أفضل
الاعتمادية: الاتنين كويسين .. و ان كان عمر قطع الغيار في الصني أفضل.
الصاج: الصني أفضل.
المساحة الداخلية: النيو أكسنت أوسع خصوصا من ورا
الكماليات: النيو أكسنت تحس انها أحدث شوية .. نور التابلوة أبيض في أزرق (موديلات 2010 فما فوق) .. كونسول أمامي .. مرايات في الشماسات .. كاسيت سي دي و يو اس بي.

[a7mad mody]

لما سألت على النيو اكسنت لقيت ناس بتقول ان العفشه ورا فيها مشاكل و بتنط و ناشفه
ايه رأيكم في الكلام ده ؟؟

[Adnfalcon]

لما سألت على النيو اكسنت لقيت ناس بتقول ان العفشه ورا فيها مشاكل و بتنط و ناشفه
ايه رأيكم في الكلام ده ؟؟

هي فيها مشكله عفشه ورا فعلا والحل بسيط .. تغيير مساعدين فالتوكيل بالنوع المعدل

[حماده المصري]

من تجربتي مدد طويله للاتنين

اوعى تجيب الاكسنت عفشه زفت وثبات زفنت الزفت

الصني كمان عفشتها ناشفه وبتبوز بسرعه بس لو غيرت مساعدين مونرو هتتحسن

الصني اضيق من الاكسنت

الجري الاكسنت تكسب بكتييير

الاعتماديه الصني افضل كتيييييير وخصوصا الفتييييس

الفخامه والخامات اكيييد الصني