لو سمحتو ممكن المساعدة في اختار عربية :b04:

[darsh321]

اول حاجة معلش انا جديد هنا و معرفش انهي قسم اكتب فية موضوعي دة بس ياريت المشرفين ينقلوة انا كتبتو ع العام لان انا معرفش فا انا اسف :)
تاني حاجة انا ناوي اشتري عربية انشاء الله بس انا محتار في انوااااع كتير جدا و انا معايا من 20 و اقصي حاجة 30
فا انا سمعت بالفليشيا 98 و هي ادامي بس ناس كتير قلقتني من الحرارة و في حاجات كتير و انا في العربيااات مش بفهم خالص بصراحة فلو سمحتو ممكن حد يقولي اية العربة المناسبة بالسعر دة ولو الفليشيا كويسة اية العيوب و كدة و لو في مودلات من شركات تاني في نفس السعر ابقا مشكووور جدا و للعلم انا كنت عاوز الشكل و كدة عشان شبابية و غير ان انا ناوي اظبطها و كدة
و شكرااا جدا لحضراتك :)

[mahmoud869]

ممكن كورسا او سويفت

[msa142]

ابيزا وش

[midooo_119]

ابيزا او مازدا 323

[darsh321]

الف الف شكر لحضراتكم ع الاهتمام بس انا مش عارف ادور ع مودل كام في الشركات دي و بلنسبة للفلشيا هي وحشة و العربيات الي حضراتكم كاتبينها احسن ولا اية وارجو الرد ع موضوع الحرارة دة و الف الف شكر ليكم :)

[Mido Casper]

ربنا معاك وتلاقي اللي يعجبك ان شاء الله ^_^
بص الكورسا كويسه جدا بس قطع غيارها حرااااااااااااااااااااااقه و مش هي العربيه اللي هتبسطك
انا انصحك بالجيوليت والاكسنت او اضعف الايمان تجيب اكسيل دول انا مجربهم بصراحه تحفه والاكسيل ناعمه ع الارض وسحبها كويس والثبات مش بطال بس اهم حاجة تكون فاهم جدا فيهم وانت بتشتري وتكشف عليهم كويس جدا جدا ولو احتجت حاجة ابعتلي ع الخاص

[msa142]

ابيزا موديل تسعينات 95 ل 99 وهتنفع معاك فى التظبيط ويتسقطلها مكنه اكبر فى بالهبل بس اهم حاجه تنقى عربيه مش متهانه وهتبقى عروسه
الفيليشيا مشكلتها الحراره والميكانيكيه بيعملولها افتكاسه كدا وبتتظبط بعدها بس ركوبه محترمه هتكون موديل تسعينات برضه
السويفت هتكون موديل تسعينات بس خد بالك من البارومه
الكورسا معنديش معلومات عنها

تحياتى

[msa142]

وفى بولو 95 ل 99 بس هتزود شويه عن 30 نفس الابيزا وقطع غيارها ومواتيرها بس عربيه المانى من الاخر

[darsh321]

ربنا معاك وتلاقي اللي يعجبك ان شاء الله ^_^
بص الكورسا كويسه جدا بس قطع غيارها حرااااااااااااااااااااااقه و مش هي العربيه اللي هتبسطك
انا انصحك بالجيوليت والاكسنت او اضعف الايمان تجيب اكسيل دول انا مجربهم بصراحه تحفه والاكسيل ناعمه ع الارض وسحبها كويس والثبات مش بطال بس اهم حاجة تكون فاهم جدا فيهم وانت بتشتري وتكشف عليهم كويس جدا جدا ولو احتجت حاجة ابعتلي ع الخاص

معلش بس كنت عاوز اسال حضرتك ع حاجة :)
حضرتك قولتلي الجيوليت والاكسنت اكسيل معلش اية اكسل دي و اكسنت مودل كام و ياريت لو حضرتك تقولي اسعار و العيوب عشان انا مش بفهم فيهم خااالص عشان انا مش مش عاوز عربية اقعد بيها عند الميكانيكي معلش هاتعبك معايا :) :)

[msa142]

معلش بس كنت عاوز اسال حضرتك ع حاجة :)
حضرتك قولتلي الجيوليت والاكسنت اكسيل معلش اية اكسل دي و اكسنت مودل كام و ياريت لو حضرتك تقولي اسعار و العيوب عشان انا مش بفهم فيهم خااالص عشان انا مش مش عاوز عربية اقعد بيها عند الميكانيكي معلش هاتعبك معايا :) :)

اكسنت وجولييت ايه الى ب 30 .. الاشعار ضربت فى العالى دلوقت
الجولييت اقلها 40 والاكسنت 38 ولو حاله نضيفه تبقى 40

[7oda.mohamed]

طيب انت اية نظامك في قطع الغيار علشان البولو و الابيزا و الكورسا هتلاقي قطع غيارهم غاليه شويتين
الاكسل كويسة
وممكن تشوف اونو من 94 و انت طالع

[Mido Casper]

معلش بس كنت عاوز اسال حضرتك ع حاجة :)
حضرتك قولتلي الجيوليت والاكسنت اكسيل معلش اية اكسل دي و اكسنت مودل كام و ياريت لو حضرتك تقولي اسعار و العيوب عشان انا مش بفهم فيهم خااالص عشان انا مش مش عاوز عربية اقعد بيها عند الميكانيكي معلش هاتعبك معايا :) :)

الاكسيل دي هيونداي واكيد تعرفها لانها مشهورة ف شوارعنا المصرية :d :d ..
الاكسنت حاول تجيب على قد ما تقدر من الجديد متبعدش عن 95
الاسعار بتكون علي حسب حاله العربيه ف مقدرش اقولك سعر ويكون العربيه تستاهل اكتر او اقولك سعر وتكون العربيه طالع عينها وتستاهل اقل :d ..

العيوب انا شايف ف الاكسيل والاكسنت مميزات هي ان قطع غيارها موجوده ف كل حته ومتوفرة ورخيصه عكس عربيات كتير بتلاقيها غاليه وكده و عربيه معروفه يعني اي ميكانيكي عارف اللي فيها ويصلحلك اي حاجة فيها لاقدر الله
وتعرف حاله العربيه انك ترفعها ف اي بنزينه و تكشف عليها وتعرف اللي فيها

[darsh321]

الف الف شكر لحضراتكم بس انا كنت حابب الفليشيا عشان سمعت انها شدييدة و كدة وبصراحة هي مع واحد معرفة و ب 28 الف وومن اني افاصل و كدة و هي موديل 98 و بيقول حالتها كويسة بس عشان كدة الي مقلقني موضوع الحرارة بس مش اكتر فلو حد يقولي هو دة ممكن يوسع مني و تفتح بوقها ولا بتتحل و اسف هاتعبكم معايا :)

[kokowasfy]

ابيزا تنفع فى التظبيط و الشقلبة و مش حراقة كمان

[Mido Casper]

الف الف شكر لحضراتكم بس انا كنت حابب الفليشيا عشان سمعت انها شدييدة و كدة وبصراحة هي مع واحد معرفة و ب 28 الف وومن اني افاصل و كدة و هي موديل 98 و بيقول حالتها كويسة بس عشان كدة الي مقلقني موضوع الحرارة بس مش اكتر فلو حد يقولي هو دة ممكن يوسع مني و تفتح بوقها ولا بتتحل و اسف هاتعبكم معايا :)

الفيليشيا كانت مع قريبي تكيف و بدي وكله تمام جدا وكويسه جدا جدا .. بس جت فجاة سخنت منهم ع الطريق وجابت جوان ... دا اللي ممكن تفتح فيه بس علي حسب خبرتي ..