مقارنة مبيعات صنى , بيجو 301 , ريو , أكسنت

[sadek9]

السلام عليكم

مقارنة بين مبيعات صنى , بيجو 301 , ريو , أكسنت فى اول 4 شهور لسنة 2014 و اللى ممكن يدى فكرة عن مدى الاقبال على كل نوع و الانتشار المتوقع ليه فى المستقبل.

1- نيسان صنى 5608 سيارة
2- بيجو 301 1755 سيارة
3- كيا ريو 1199 سيارة
4- هيونداى اكسنت 902 سيارة

مصدر المعلومات موقع alborsanews

شكرا

[osamaos20022]

عمر ما كانت المبيعات مقياس نجاح
شوف الفيررنا

[monamize4]

عمر ما كانت المبيعات مقياس نجاح
شوف الفيررنا

اختلف معاك يا باشا ,,
المبيعات الكتيره معناها نجاح العربية ف السوق
و عادى ممكن العربية تكون ناجحة ف السوق المصرى و مش ناجحة ف اسواق تانية

اصل النجاح مش مرتبط فقط بكفاءة العربية
الفيرنا مثلا من انجح العربيات ف تاريخ اللى ف السوق المصرى
رغم ان عوامل الامان فيها ناقصه الا ان صيانتها سهلة و قطع غيارها متوافرة و رخيصة

[ALshahba]

فعلا عمر ماكانت كثرة المبيعات دليل علي الكفائه ............ ابدا

كده حنقول ان 128 اكفأ من الجاجوار

اما بالنسبة للارقام اللي تكرم بيها صاحب الموضوع ......... فهي بتقل لغلو السعر فقط لاغير وليس الكفائه

فى امان الله

[J A G U A R]

ورغم مشاكل النيو صنى بس مكتسحه

[eng.m7md.ali]

اختلف معاك يا باشا ,,
المبيعات الكتيره معناها نجاح العربية ف السوق
و عادى ممكن العربية تكون ناجحة ف السوق المصرى و مش ناجحة ف اسواق تانية

اصل النجاح مش مرتبط فقط بكفاءة العربية
الفيرنا مثلا من انجح العربيات ف تاريخ اللى ف السوق المصرى
رغم ان عوامل الامان فيها ناقصه الا ان صيانتها سهلة و قطع غيارها متوافرة و رخيصة

احنا عندنا الناس بتمشي ورا الاسم فقط .. بيشوف اللي ماشي في السوق ويروحله بالرغم من ان السعر عالي والعربيات مليانة عيوب

يعني لو بصينا لعربيتين في نفس السعر ونفس الفئة زي الفولفو s60 والفولكس فاجن باسات .. بالرغم من مشاكل الفتيس في الباسات الا انها مكتسحة الفولفو مع ان الفولفو ماركة لا غبار عليها

هيا ثقافة شعب وسوق

[abohend]

المبيعات نجاح

المبيعات تدل في جميع الأحوال على نجاح خطة التسويق
و في معظم الأحيان على مناسبة المنتج للسوق
و في بعض الأحيان على كفاءة المنتج

[Ahmed.Essam]

عندك عوامل كتير بتحدد مبيعات العربية غير الكفاءة وعوامل الامان
عندك سعر العربية
وصيانتها
اعادة بيعها
واستخدامها ( عائلي .. فردي لشاب مثلا ) وهكذا

رغم ان الصني اسوأ عربية في المذكورين دول الا انها اعلى مبيعات
ده مش مقياس

[abohend]

دعاية و تسويق

احنا عندنا الناس بتمشي ورا الاسم فقط .. بيشوف اللي ماشي في السوق ويروحله بالرغم من ان السعر عالي والعربيات مليانة عيوب

يعني لو بصينا لعربيتين في نفس السعر ونفس الفئة زي الفولفو s60 والفولكس فاجن باسات .. بالرغم من مشاكل الفتيس في الباسات الا انها مكتسحة الفولفو مع ان الفولفو ماركة لا غبار عليها

هيا ثقافة شعب وسوق

بس الدعاية و خطط التسويق هي اللي بتبني ثقافة السوق
يعني في ليبيا مثلا هات كارتة و حط عليها علامة تويوتا هيشتروها
العميل هناك عنده ثقة غير عادية في العلامة
المنتج كويس...أكيد
بس ده مش كفاية بدليل وجود منتجات أفضل في بعض الفئات لكن العميل معندوش ثقة فيها لسبب أو لأخر
يبقى الموروث الثقافي و خطة التسويق و الدعاية هي اللي فرضت نفسها

وأدينا شفنا الكوري فرض نفسه إزاي رغم عدم وجوده على الخريطة من 10 سنين مثلا

[eng.m7md.ali]

بس الدعاية و خطط التسويق هي اللي بتبني ثقافة السوق
يعني في ليبيا مثلا هات كارتة و حط عليها علامة تويوتا هيشتروها
العميل هناك عنده ثقة غير عادية في العلامة
المنتج كويس...أكيد
بس ده مش كفاية بدليل وجود منتجات أفضل في بعض الفئات لكن العميل معندوش ثقة فيها لسبب أو لأخر
يبقى الموروث الثقافي و خطة التسويق و الدعاية هي اللي فرضت نفسها

وأدينا شفنا الكوري فرض نفسه إزاي رغم عدم وجوده على الخريطة من 10 سنين مثلا

بالظبط كدة

كمان دلوقتي الصني عاملة 5000+ مبيعات في فترة صغيرة

اي حد بيفكر يشتري عربية دلوقتي هيبصلها عشان اعتقاده انها ناجحة لما يشوف ال 5000+ عربية مبيعات في فترة صغيرة .. اوتوماتيك هيشتريها .. وكمان متنساش ان دي نيسان ياباني يعني الناس بتثق في اسمها زي ماحضرتك قولت حتى لو براويطة :)

[monamize4]

احنا عندنا الناس بتمشي ورا الاسم فقط .. بيشوف اللي ماشي في السوق ويروحله بالرغم من ان السعر عالي والعربيات مليانة عيوب

يعني لو بصينا لعربيتين في نفس السعر ونفس الفئة زي الفولفو s60 والفولكس فاجن باسات .. بالرغم من مشاكل الفتيس في الباسات الا انها مكتسحة الفولفو مع ان الفولفو ماركة لا غبار عليها

هيا ثقافة شعب وسوق

عندك حق يا باشا ,,
و بجد انا نفسى اعرف مين اللى اقنع المصرييين ان الفولكس عربيات درجة اولى زى المرسيدس و الفولفو و البى ام

[skoda1996]

السلعة الناجحة هي الاكثر ملائمة لمتطلبات العملاء
لو معايا 10 مليون جنيه ميزانية للعربية ... يبقي هدور علي أحسن اداء من كل الوجوه بعض النظر عن الماديات
معظم الفئات اللي بتشتري عربيات بتبقي عربيات compact car
اساسا انت لو سألت مبيعات جاجوار او اللي زييها من الماركات دي مش هيهتم انه يبيع كتير .. هو بيعمل تسويق ليها علي اساس انها عربية الصفوة
الفيرنا و اللانوس عربيتين بيبيعوا كتير جدا جدا ... العربية دي ممكن تعمل 200 الف كيلو متر بتكاليف صيانة اقل من مصاريف جاجوار في 20الف كيلو
الطرق بتاعتنا بقي تستحمل عربية سرعتها القصوي 260 كيلو/ساعه و لا استهلاكها للبنزين عالي؟
الخلاصه ان المبيعات الكتير دليل علي نجاح المنتج و ارضاؤه للعميل

[م أحمد]

عندك حق يا باشا ,,
و بجد انا نفسى اعرف مين اللى اقنع المصرييين ان الفولكس عربيات درجة اولى زى المرسيدس و الفولفو و البى ام

يا راجل دا هما نفسهم بيقولو على نفسهم كدا

فولكس فاجن = السيارة الشعبية -(الترجمة العربية للفظ)

[eng.m7md.ali]

عندك حق يا باشا ,,
و بجد انا نفسى اعرف مين اللى اقنع المصرييين ان الفولكس عربيات درجة اولى زى المرسيدس و الفولفو و البى ام

ان جيت للحق ياباشا هيا عربيات حلوة وبتنافس .. دي شركة عالمية فعلاً .. بس لو بصينا للفولفو هنلاقيها في نفس المستوى او احسن

[monamize4]

يا راجل دا هما نفسهم بيقولو على نفسهم كدا

فولكس فاجن = السيارة الشعبية -(الترجمة العربية للفظ)

الله ينور عليك

ان جيت للحق ياباشا هيا عربيات حلوة وبتنافس .. دي شركة عالمية فعلاً .. بس لو بصينا للفولفو هنلاقيها في نفس المستوى او احسن

لا يا باشا ,, انا اقصد علامة فولكس زى الباسات و الجيتا (باستثناء ال Phaeton و الفئات
العالية من الجولف) مش مجموعة فولكس VAG

الباسات مثلا عربية مش خرافية و منتهى الفخامة زى ما بعض الناس فاكرين
و ماينفعش تتقارن كعربية بال C او الفئة التالته

انما مجموعة VAG ,, طبعا مجموعة محترمة جدا و ادائها ف صعود متواصل و afaik
انها حاليا التالته على مستوى العالم من حيث المبيعات بعد تويوتا و جنرال موتورز على طول

بخصوص فولفو ,,
عربياتها لاتقارن بعربيات فولكس ,, يعنى ماينفعش ابدا نقارن الباسات كعربية بال s60 مثلا
فولفو %$#@ العالم ف الامان ,, كفاية ان ال v40 حققت اعلى نتائج ف تاريخ ال euro ncap