مقارنه بين الاسترا و النوبيرا 2004

[mrexpert]

السلام عليكم ورحمه الله و بركاته
بعد كثير من البحث استقريت علي عربيتين بس مش عارف اختار انهو واحده
العربيتين هما اوبل استرا بس مش عارف ايه احسن اتوماتيك ولا مانيوال و التانيه دايو نوبيرا مانيوال
انا معايا فى حدود 55 الف اقصي حاجه و دا يجيب نوبيرا مستريح بس مش عارف ايه اسعار الاسترا بالظبط ياريت اللى يجاوب يقول الاسباب و لو فيه اقتراحات عربيه تانيه ماشي وشكرا

[mrexpert]

و فيه بردو هوندا سيتي و سوبارو امبريزا 2004 مش عارف ايه نظامهم

[midooo_119]

الاوبل اوبشن اعلى و هتجيبها اتوماتيك وانت مطمن و قطع غيار غاليه و رى سيل اضعف .. النوبيرا قطع غيار ارخص و اعطالها قليله عفشه مشكلتها جلب المقصات لكن اى حد يشتغل فيها و ماتجيبهاش اتوماتيك و رى سيل سهل فاى وقت

[hugan]

نوبيرا

[mrexpert]

طب انا مش فارق معايا اعاده البيع لان العربيه هتعمر معايا مده طويله و حتكون شغاله طول اليوم من 8 الصبح لحد 1 بليل و ممكن انقل فيها حاجات خفيفه فا لازم تكون بتستحمل و بتوفر بنزين انا سمعت ان الاوبيل موفره اكتر من النوبيرا بس مش عارف الاوبل فى حدود كام يعني اللي معايا يجيبو حاله حلوه ولا لا وشكرا على الرد

[Ahmed.Essam]

النوبيرا عفشة وحشة وضعيفة جدا
والاسترا ممتازة
في رأيي هات الاسترا افضل بمراحل
والنوبيرا قدمت ومينفعش نقول بيعها افضل لانها خلاص راحت عليها ده في ناس بتفضل بعض انواع العربيات الصيني على النوبيرا
وممكن تجرب تركب الاتنين حتى لو جنب السواق وهتحس بالفرق

[mrexpert]

طيب خلاص انا استقريت علي الاوبل ان شاء الله يا ريت اعرف رينج سعرها فى حدود كام عشان انا بشوف اسعار متفاوته جدا

[Ahmed.Essam]

على حد علمي الاسترا موديل 2001 و2002 رينجها 45 الف
مع العلم ان النوبيرا نفس الموديل بقول عليها اقدم لانها اتركبت كتير بخلاف الاسترا او الاوبل اللي مش اي حد هيبيعها بسهولة

[mrexpert]

انا بتكلم على الاوبل 2003 -2004 الشكل الجديد

[Sameh samy]

ياباشا النوبيرا صيانة اسهل وقطع غيار ارخص ولو هاتجيب قديم ابعد عن الالماني خالص

[mrexpert]

ليه بس ابعد عن الالماني وبعدين النوبيرا مليانه عيوب و ناقصه كماليات موجوده في الاوبل

[S O P H O S]

راي تشوفلك كورولا عيون

[J A G U A R]

السعر يجيب نوبيرا 2008 ورأيي هيا الافضل