مقارنة بين byd L3 و رينو لوجان 2014

[Mohamed.Ramah]

السلام عليكم ورحمة الله

استفسار لمن جرب السيارتين تنصحونى بأى منهم خاصة قريبى ناوى يشترى اتوماتيك ومش عارف ينتظر اللوجان الاكيد مش حتقل عن 110.000 وممكن أكثر مقابل أنة بيفكر فى byd l3 لمتوفرة حالياً وبسعر أقل 97 تقريبأ وعجبة الأوبشن الفيها وشكلها المقبول نسبياً بس متخوف بالنسبة للموتور والفتيس والسيارة بشكل عام كتقفيل وصيانة ! ارجو الأفادة وكل سنة وحضراتكم طيبين ..

[ayman salem]

سيدي الفاضل .
النيو لوجان وال بي واي دي l3 مفيش فيهم اتوماتيك
L3 لسه منتشرتش فمحدش فاهمها ولكن اختها الصغيره زي الفل ومحدش اشتكي منها
النيو لوجان جميله وبرده محدش اشتكي منها ..
البي واي دي اوسع موتور 1500 . 107 حصان وعربيه شكلها فخم و فيها دلع من جوه
اللوجان الجديده بقت افضل بكتير من قبل كده بموتور 1600 . 90 حصان
الفرق الفلوس حوالي 5000 لصالح البي واي دي

[ENG.MaRk]

البي واي دي متوقع هتبقي أغلي من اللوجان و هي بصراحة عربية روعة لا تقل جودة و فخامة عن أختها الصغيرة f3 و أنا شايف إنها هتحقق مبيعات حلوة قوي بعكس اللوجان اللي واخدة صيت علي الفاضي

[Mohamed.Ramah]

سيدي الفاضل .
النيو لوجان وال بي واي دي l3 مفيش فيهم اتوماتيك
L3 لسه منتشرتش فمحدش فاهمها ولكن اختها الصغيره زي الفل ومحدش اشتكي منها
النيو لوجان جميله وبرده محدش اشتكي منها ..
البي واي دي اوسع موتور 1500 . 107 حصان وعربيه شكلها فخم و فيها دلع من جوه
اللوجان الجديده بقت افضل بكتير من قبل كده بموتور 1600 . 90 حصان
الفرق الفلوس حوالي 5000 لصالح البي واي دي

أولاً شكراً على مشاركتك بالنسبة لنقطة الأتوماتيك ال byd L3 متوفر منها الاتوماتيك بسعر 97 فى التوكيل واللوجان متوقع نزول الاتوماتيك منها فى الربع الأول من 2015 السنة القادمة

أنا محتاج أعرف الفروق مش بس فى الكماليات أنا عاوز اعرف فروق التقفيل والموتور والجيربوكس لمن قام بتجربة السيارتين

[the lawyer]

ارشحلك النيو لوجان طبعا بخصوص الموتور هيا غالباً حتنزل بموتور الميجان 2 1600 سي سي 110 حصان 2 كامة وبفتيس ستيب ترونيك زي اللوجان القديمة بالظبط والإتنين اثبتوا اعتمادية كبيرة جداً ومحدش اشتكى من الفتيس أو الموتور وخصوصاً ان الإتنين فرنساوي

[waelfarid]

البي واي دي اطول ب37 سم دي مشكلة بالنسبة للركن فتح الشنطة byd من الداخل اللوجان ضروري تنزل تفتح الاتنين تقدر تقول عاليين عن الارض الافضل خد بي واي دي اوتو 1500سي سي الشكل الجديد l3 وحضرتك صاحب القرار ميفرقش معاك مانيوال من اوتو هات المانيوال بتدور علي قطع الغيار الخارجية خد بي واي دي الشكل القديم بالموتور الجديد الكاتينة جنزير بينما ال1600 بي واي دي او لوجان سير التوقيت كاوتش لكليهما

[scientist9508]

على الرغم من إن الميكانيكى الذى أتعامل معه يشكر فى البى واى دى إلا إن وجهة نظرى، اللوجان أفضل . . إعتماديه أكبر . . عمر أطول . . فخامه . . أناقه . . وكيل حسن السمعه . . السياره أثبتت وجودها . . ثابته على السرعات العاليه . . إقتصاديه فى الوقود

[Mohamed.Ramah]

شكراً لمشاركتكم جميعاُ هو بالرغم من أقتناعة باللوجان وسؤالنا فى فرع مصر الجديدة كان الرد أن الاتوماتيك منها مش قبل سنة ونص ومش حتنزل حتى فى معرض اتوماك القادم ودة حيبقى مشكلة السيارة التانية متوقع توفرها معاد اقصاة شهر 1 القادم بالسعر المعلن وطبعاُ بالشكل دة اللوجان هتزيد لو حتنزل بعد التفرة الكبيرة دة وبقينا فى حيرة خاصة هو عاوز اتوماتيك رأيكم اية ؟!

[abokoko]

مفيش ماركات تفيد ان احد الاعضاﺀ في المنتدي معاه ال ال 3
وبالتالي صعب الاجابه حاليا
بس عن نفسي اميل للبي واي دي لان قطع ممكن تتوافق مع الكرولا في التعليق والهوندا في الموتور

[J A G U A R]

l3 لو هاتبقى ناجحه فى السوق زى f3 هاتبقى صفقه رابحه وافضل من اللوجان

[S O P H O S]

مش هحكم علي البي واي دي لانها جديدة
بس اللوجان بصراحة عربية كويسة
بس حسيت بضعف الصاج الامامي والحوض ضيق شوية