مقارنه بين باسات 2008 وفانتازيا 2010

[طارق _عبد السلام]

السلام عليكم

طلب من الاخوه الكرام عايز مقارنه عن تجربه بين الفانتازيا 2010 هاى لاين
وبين الباسات 2008 توب لاين او هاى وبالذات الموديل ده لان فتيسه عادى مش بتاع مشاكل
بالنسبه للفانتازيا دى حبيبتى عارف كل صغيره وكبيره عنها وركبت اكتر من عربيه اوكتافياوبعشقها جدا وبفكر فى الباسات بجديه
فعايز الفرق فى بينهم والفرق فى سعرقطع الغيار والسحب وقله المشاكل
وايهما يستحق الاقتناء

تقديرى لحضراتكم

[ENG.MaRk]

الباسات فئة أعلي من الفانتازيا لأن الفانتازيا بتنافس الجيتا ... الباسات لو توب لاين هتبقي روعة لأن فيها مساج في الكرسي و نظام الأوتو بارك و مميزاتها الأخري المعروفة ... يمكن الفانتازيا تتفوق في الارتفاع عن الأرض

[طارق _عبد السلام]

اشكرك على التفاعل
هل قطع الغيار نفس الاسعار للاثنين
وهل الارتفاع شبيه كده بالكورولا الجديده اول مانزلت يعنى ارتفاعها كم بالسم

وفى انتظار تفاعل باقى الاخوه

[J A G U A R]

قطع غيار الباسات اغلى اكيد من الفانتازيا
السحب فى صالح الفانتازيا .. الباسات وزنها وحجمها تقيل على 1600
قله المشاكل فى صالح الفانتازيا رغم ان الموديل ده فى الباسات مسمعتش عنه مشاكل كتير
بالنسبه للارتفاع من وجهه نظرى الفانتازيا اعلى والله اعلم

الباسات عربيه ركوبه محترمه وفخمه وشكلها من الداخل والخارج تحفه وفئه اعلى من الفانتازيا .. الباسات عايزه واحد يقدر على مصاريفها علشان لو حصل اى شىء قدر الله .. الفانتازيا برضه محترمه وبنت حلال بس هيا اقل من الباسات كسياره .

[طارق _عبد السلام]

المشكله انى بفكر فى عربيه تقنعنى بعد الفانتازيا
البى ام واطيه جدا والفانتازيا مش لاقى حاله كويسه
فقلت الباسات اكيد هتفرق بس كنت متوقع تقارب اسعار قطع الغيار مع ان الفانتازيا قطع غيارها نار بردوا
تيل فرامل امامى وخلفى ب1000 كنت عامل صيانه 60 الف وصرفت كتير
ففكرت ان الموضوع قريب
وعرفت مشكله البنزين 92 مع الباسات بس هل العربيه بتسقف وتتخنق مع الشد

[J A G U A R]

الموضوع عايز تعب شويه فى التدوير على حاجه كويسه وحالتها حلوه

الباسات سمعت كلام انها مبتكونش مظبوطه غير على 95

[S O P H O S]

الباسات بعد الفانتازيا مش نقلة كبيرة
علي الاقل فرأي الي ممكن يكون غلط مش بفضلها بصراحة
حاول تشوف خيار تاني واتمني ليك ان شاء الله افضل عربية
علشان نستفيد دايما بمواضيعك عنها وتقيمك الجميل
ان شاء الله ربنا يوفق حضرتك لافضل اختيار
تحياتي ..

[Adnfalcon]

بالنسبه لطرق مصر أفضل الفانتازيا لأرتفاعها عن الأرض
والعربيتين تحفه أكيد .

[طارق _عبد السلام]

الموضوع عايز تعب شويه فى التدوير على حاجه كويسه وحالتها حلوه

الباسات سمعت كلام انها مبتكونش مظبوطه غير على 95

فعلا وموضوع البنزين ده مقلق جدا

اشكرك على المتابعه بارك الله فيك

[طارق _عبد السلام]

الباسات بعد الفانتازيا مش نقلة كبيرة
علي الاقل فرأي الي ممكن يكون غلط مش بفضلها بصراحة
حاول تشوف خيار تاني واتمني ليك ان شاء الله افضل عربية
علشان نستفيد دايما بمواضيعك عنها وتقيمك الجميل
ان شاء الله ربنا يوفق حضرتك لافضل اختيار
تحياتي ..

ربنا يبارك فيك واشكرك على اخلاقك العاليه

المشكله كل ما احاول استقر على حاجه بتبوظ منى

والكلام على الباسات كان واحد كلمنى على توب لاين وقال صاحبها بيبيع بس بعد العيد

فدخلتها فى الحسابات انا بتفرج على عربيات وللاسف نفسى الاقى حاله كل اللى شوفته عربيات مشغوله

[طارق _عبد السلام]

بالنسبه لطرق مصر أفضل الفانتازيا لأرتفاعها عن الأرض
والعربيتين تحفه أكيد .

الفانتازيا الوكيل مبتقلش لا ابدا كنت ببقى محلملها على الاخر بالشنطه واطلع اجدع مطب ولا الهوى

الفانتازيا مقنعه جدا وتمنها فيها بس فين الحاله ولو لقيت واحد لاعب فى عداد العربيه وعاملها 20 الف كيلو تلاقيه بيتكلم فى عبط رسمى فى السعر

[Adnfalcon]

الفانتازيا الوكيل مبتقلش لا ابدا كنت ببقى محلملها على الاخر بالشنطه واطلع اجدع مطب ولا الهوى

الفانتازيا مقنعه جدا وتمنها فيها بس فين الحاله ولو لقيت واحد لاعب فى عداد العربيه وعاملها 20 الف كيلو تلاقيه بيتكلم فى عبط رسمى فى السعر

معظم المستعمل ملعوب ف عداداته لكن سهل انك تكشف النصاب
المهم الحاله . و أرشحلك الفانتازيا هاي لاين فعلا تحفه فنيه بالجنوط و فتحه السقف و ياسلام لو تلاقي اللون النبيتي

[طارق _عبد السلام]

معظم المستعمل ملعوب ف عداداته لكن سهل انك تكشف النصاب
المهم الحاله . و أرشحلك الفانتازيا هاي لاين فعلا تحفه فنيه بالجنوط و فتحه السقف و ياسلام لو تلاقي اللون النبيتي

منا لسه بايع هاى لاين وكيل عربيه مفيهاش الهوى ربنا يبارك للمشترى وكنت عامل موضوع بيها هنا للبيع ولونها فيرانى
وعلى فكره انا من عشاق اللون الابيض

وبالنسبه للعب فى العداد ده بقى رسمى وطابع بوسته عند التجار وفيه عربيات من نضافتها مبتتعرفش الا لو لها سجل فى التوكيل منهم لله

[احمد فهمى]

كعربيه الباسات افضل شكلآ وموضوعآ لكن للأسف مشاكلها كتير فى الوضع الحالى ﻷنك هتشترى عربيه داخله على 8 سنين استخدام فى شوارعنا وجو بلدنا الجميل اكيد هتكون مجتاجه قطع غيار كتير وصيانات بخاصة انها عربيه معقدى الاسكودا هتكسب من ناحية قطع الغيار فى السعر واكثر استقرارآ وسوقها افضل بيع وشراء

[طارق _عبد السلام]

كعربيه الباسات افضل شكلآ وموضوعآ لكن للأسف مشاكلها كتير فى الوضع الحالى ﻷنك هتشترى عربيه داخله على 8 سنين استخدام فى شوارعنا وجو بلدنا الجميل اكيد هتكون مجتاجه قطع غيار كتير وصيانات بخاصة انها عربيه معقدى الاسكودا هتكسب من ناحية قطع الغيار فى السعر واكثر استقرارآ وسوقها افضل بيع وشراء

اشكرك أ / احمد . انا فكرت فى 2008 لابتعد عن مشاكل الفتيس وفعلا كلامك صحيح العربيه هتحتاج تغيير فى قطع الغيار ومصروفها هيكون عالى علشان تتلم صح ..
وممكن يكون تأثير بنزين 92 عليها كل الفتره دى بدأ يظهر كمان على الموتور

ربنا ييسر الامور ان شاء الله