صني ٩٥ vs مازدا فاميليا ٩٧ اوتوماتيك

[Abomalk link]

السلام عليكم ورحمة الله وبركاته
أنا عايز اعرف افضل واحدة فيهم من حيث

الثبات على الارض على السرعات العالية

قلة الأعطال

ارتفاع السيارة عن الارض وهل هتحك في المطبات ولا لأ

الصالون الأوسع

العربية هتمشي تقريبا ٤٥٠ كيلو كل كام يوم فاي واحدة فيهم هتستحمل السفر ده

أداء التكييف

واجيب اوتوماتيك ولا مانيول افضل

أنا ميال ناحية المازدا شويتين
يا ريت محدش يبخل عليا بمعلومة
وشكرا ليكو وجزاكم الله خيرا

[Abomalk link]

إيه رجالة
هو الموضوع صعب ولا إيه

[Abomalk link]

يا ناس حرام عليكو
أنا رايح اجيب العربية يوم الجمعة حد يفيدني
ولا اصرخ هنا والم عليكو الناس
الحقوووووووووناااااااااااااااااااااااااااااااااااا اااااااااااااااااااااااااا
يا لهوتيييييييييييييييييييييييييييييي

[J A G U A R]

ههههههههههههههههههههههههههههههههه هدى نفسك يا برنس انا اتفصلت من الضحك :)

يا ريت تحدد الميزانيه ..
واشمعنا النوعين دول اللى اختارتهم ..

[Abomalk link]

انت بتضحك وانا صوتي راح من كتر الصريخ ماشي :)
بص بقى يا كبير من غير ضحك ولا حاجة
يا عم بطل ضحك بقى علشان اعرف أتكلم
أنا ساكت اهو لغاية لما تخلص ضحك
خلصت خلاص
يا باشا أبوس على ايدك اسمع أنا هقولك إيه
أيوة كدة سوفت الهدوء حلو ازاي
الميزانية في حدود ٤٥ الف مش تزيد ولا جندي
النوعين دول اخترتهم لانهم يباني وفي نفس الوقت في حدود الميزانية بتعتي
انت إيه رأيك بقى وبسرعة أصل والله هصرخ تاني وأفضحكو

[J A G U A R]

خلاص خلاص انا بطلت ضحك من زمان
انت اللى مش راضى تسكت
ركز بقى معايا
ايوه كده
هدوء بقى لو سمحت

انا رأيي بلاش العربيتين خالص .. ليه بقى

اولا الموديلات قديمه واعطالهم هاتبقى كتيره لو الحاله مش كويسه والاوتوماتيك فى القديم مش كويس
يعنى ممكن تشوف بالمبلغ ده نوبيرا 2000 او 2001 وهتلاقى فيها متطلباتك وثابته ثبات رهيب وواسعه وتكييفها كويس بس مش عاليه اوى لو هاتحمل .

[Omar Mahmoud]

45000 جنيه
لانوس
نوبيرا
فيكترا
استرا

[mr_sese]

صنى طبعا