التو 2015 الشكل الجديد ولا جيلى باندينو

[ibrahimahmed]

السلام عليكم
افيدونى افادكم الله
ان شاء الله نويت اشترى عربية من اتنين ....سوزوكى التو او جيلى باندينو .... وطبعا الاتنين دول بالذات لانهم متقاربين جدا فى السعر
الالتو 61000 و الباندينو 63000
بالنسبة للسوزوكى 800 سى سى مافيهاش غير تكييف بس شكلها من برة اتحدث وبقت شبه ال i10 جدا
اما الباندينو 1500 سى سى كاملة مانيوال بس صينى
طبعا المغريات فى كماليات الجيلى كتير بس بردو صينى وانا مش ضامنها
اما الالتو تكييف بس ... بس ماسمعتش حد اشتكى منها غير انها ضيقة وانا اسرتى عبارة عنى انا والمدام فقط .... يعنى المساحة مش مشكلة اوى
محتار وياريت افادة بالراى من مالكى العربيتين لانى هاجيبها قسط وهادفع قسط عالى شوية فمش حمل مشاكل الصينى

[S O P H O S]

بصراحة
حرام ثمن العربيات دي بالشكل ده عليها بالاضافة للقسط
حاول تشوف بدائل تانية
كلامي رأي شخصي فقط ..

[Mido Casper]

بص لو مقدمكش حل تاني يبقي الالتو اكيد وابعد كل البعد عن الصيني
..
انما انا لو مكانك مش هجيب دي ولا دي هات عربيه تستحمل وتكون معاك افضل وشوف بدايل حتي لو الفرق ممكن يكون زياده بس كله هيتوفرلك بعد كدده

[mohamedsamir13]

يعني حضرتكم تقترحوا عليه يجيب ايه في نفس الرينج ده او اعلي قليلا لاني برضة محتار
عايز عربية تكون مش كبيرة وتستحمل المشواير كل يوم من المعادي لشبرا وبعض المشواير البسيطة وموفرة في البنزين وقطع غيارة متوفرة ياريت تدلوني انا عايز اجيبها جديدة وبالتقسيط

[mostafa mahmod]

مهو طالما حضرتك عايز زيرو و قسط ... فمتهيالى للاسف مفيش غير الكلام ده فى رينج الفلوس
رايي الشخصي
عربيه اعلى شويه حتى لو كسر زيرو .. لانزس او فيرنا (( طبعا ده لو كاش ))

[ibrahimahmed]

ماهى المشكلة ان انا هاجيبها قسط مش كاش ... ومفيش غير دول قدامى لان القسط هايبقى فى حدود الف وانا فى الوقت الحالى ماينفعش ازود عن كده فى القسط

[Abo_Mazen]

مع إحترامي لكل الساده الأعضاء اللي ردوا وتقديري ليهم ..إنتوا محيرين الراجل ليه ..الراجل بيقول معاهوش غير المبلغ ده وكمان هيقسط..يبقى مفيش داعي نحير الراجل ونقوله أعلى شويه ..بلاش قسط ..هو الراجل عارف ظروفه..وبيتكم في حدود إمكانياته ..وده مع إحترامي لأراء الساده الأعضاء

أما عن رأيي الشخصي ..فأنا أرشح السوزوكي ..أولا توكيل معروف وإن كان مش عشره على عشره ..لإن مفيش توكيل عدل في مصر ..ثانيا ..أي حاجه مش صيني وخلاص ..أنا معايا ألتو 2008 ..والعربية ما شاء الله عليها مزعلنتيش في حاجه ..غير إنها عايزه ميكانيكي فاهمها ..وبما إن حضرتك بتتكلم عن عربية زيرو وفي الضمان كمان فيهبقى شغلك كله مع التوكيل ..

[J A G U A R]

التو هاتستحمل اكتر

[Omar Mahmoud]

سوزوكي التو

[ibrahimahmed]

شكرا لكل الاعضاء اللى ابدو رايهم وان شاء الله هاتبقى التو

[3mar1111]

التو عربية زى الفل وارشحلك كمان اسبرانزا a113 فى نفس الفئة السعرية وكماليتها كتيييييير

[Mido Casper]

الف مبروك وربنا يديك خيرها ان شاء الله ويبعد عنك شرها :)

[هيثم نبيل]

انا ايضا عندى نفس الحيره بين هذين السيارتين ولكن ارجو ان يكون احد قد ساق العربيتين ويقدر يحكم ما بينهم وانا عن نفسى شوفت العربيتين ولاقيت الباندينو كصاج اقوى ولكن يعيبها انها قريبه من الارض

[kholyou]

شوف انا مش عارف اجيب انهى فيهم الباندينو صاج ممتاز وفول اوبشن وكمان توكيل غبور
والالتو شكل خارجى ممتاز وطبعا يابانى ومش صينى بس فاضية من غير اى كماليات بخلاف التكييف
فعلا حيران جدا ياريت حد يفيدنى بالخلاصة

[dead_silence_2014]

السوزوكي تكسب .. بس برده شوف شانجان بيني ميني .. هتلاقي تقرير مفصل والمقارنه بين الباندينو والالتو والشانجان في قسم الصيني وهيساعدك كتير في الاختيار