ايطالى ولا الماني

[zico_momo]

السلام عليكم

انا بقالى فتره عامل دوشه فى المنتدي بس عشان مش عارف استقر على عربيه كويسه

متحار بين اربع عربيات 2 منهم ايطالى و2 منهم المانى

بونتو ولا ابيزا 2002
سيينا ولا كوردوبا 2002

وبعدين ناس قالتلى طالما هاتجيب ابيزا هات كوردوبا احسن بشنطه واوسع من الابيزا
فا باقيت كمان بقارن بين الابيزا والكوردوبا

محتار كل حاجه ليها ميزه وليها عيب
انا عاوز حاجه مش ضيقه
تكون عمليه وقطع غيارها تكون متوفره ومش متعبه فى صيانتها
تكون ثابته وكويسه
وتكون شكلها خارجيا وداخليا كويس
تكييف وباور
يفضل يكون فيها امان ABS - EBD - Airbag
system encryption عشان مايبقاش سهل سرقه العربيه حد يدورها بسلكتين ويمشي
عربيه ماتكونش ضعيفه لا صاج ولا موتور

ياريت تساعدوني لانى حاسس انى من كتر المقارنات مش هاجيب عربيات فى الاخر :(

[waleed acc]

أظن في سيارات الركوب الالماني الافضل
بينما في سيارات السباق فالايطالي لها باع طويل
و شكرا

[pioneerahmed]

انا بستبعد السيينا طبعا
الابيزا منتشرة اكتر بكتير عن الكوردوبا
البونتو معرفش عنها حاجة

ابيزا

[zico_momo]

فى انتظار رأي باقى الشباب

[mr_sese]

الكورى ماله بس

[Ahmed Saad]

بص ياباشا وعن تجربه أي عربيه تبع فولكس فاجن جروب يعني فولكس - أودي - اسكودا - سيات اكتر عربيات ألمانيه متوفره ليها قطع غيار جديد واستيراد وبسعر رخيص مقارنه بعمرها الافتراضي الكبير يعني انا معايا باسات موديل 2000 وقطع غيارها والله أرخص من قطع غيار الياباني فنصيحتي خليك في السيات عندك الكوردوبا والتوليدو محترمين ورايي شوف التوليدو لأنها نسخه من البورا والاوكتافيا a4 وعندك الابيزا مشتركه في قطع الغيار مع البولو والجولف 4 بس لو فكرت في الفيات هتحتاس مع قطع غيارها لأنها مضروبة كتير وغاليه عن السيات ومش نفس جوده السيات وربنا يكرمك بحاجه محترمة

[zico_momo]

الكورى انا ركبت منه عربيات كتير مارتحتش فى سواقته عربيه خفيفه ومش ماسكه نفسها لا صاج
ولا فرامل ولا اى حاجه قطع غيار موجوده اه موتور كويس على العربيه وتكييف قوى
لكن مابحسش انها امان فى السواقه ومافيهاش انظمه امان ضد السرقه الحاجات الى فى الالمانى والفرنساوى والايطالى

[zico_momo]

بص ياباشا وعن تجربه أي عربيه تبع فولكس فاجن جروب يعني فولكس - أودي - اسكودا - سيات اكتر عربيات ألمانيه متوفره ليها قطع غيار جديد واستيراد وبسعر رخيص مقارنه بعمرها الافتراضي الكبير يعني انا معايا باسات موديل 2000 وقطع غيارها والله أرخص من قطع غيار الياباني فنصيحتي خليك في السيات عندك الكوردوبا والتوليدو محترمين ورايي شوف التوليدو لأنها نسخه من البورا والاوكتافيا a4 وعندك الابيزا مشتركه في قطع الغيار مع البولو والجولف 4 بس لو فكرت في الفيات هتحتاس مع قطع غيارها لأنها مضروبة كتير وغاليه عن السيات ومش نفس جوده السيات وربنا يكرمك بحاجه محترمة

انا فعلا تفكيري رايح اكتر ناحيه السيات بس كنت خايف من موضوع قطع الغيار دي
يعنى مثلا الكوردوبا بخاف مالاقيش قطعت غيار او الاقيها غاليه اوى لان العربيه مش منتشره
اما التوليدو فا اظن انها هاتبقى صعبه لانها فعلا مش موجوده قطع غيارها نادره جدا هدوخ على الفوانيس بتاعتها طبعا هى عربيه محترمه جدا من حيث الحداثه والقوه والثبات والوسع بس للاسف هتعب مع قطع غيارها شويه وهتبقى اكيد اغلى شويه

[2CODE]

الماني !!!! حسستني انك بتتكلم عن bmw او مرسيدس او فولكس نفسها !!!!!!

سيات من امتى الماني ؟؟؟؟؟ علشان اشتريتها فولكس يعني ؟؟؟؟؟؟ سيات اسباني ومعروفه كده !!!!!

قولناها مليون مره في المنتدى هنا مش معنى ان شركة اشترت عربية يبقى العربية بقيت بنفس بلد التصنيع !!!!!

يعني اقرب مثال فولفو اشتريتها شركة جيلي الصينية يبقى كده فولفو صيني !!!!!!!!!

ارحمونا يا جماعة علشان الموضوع ده بيخلي ناس كتير يتضحك عليها في الشراء ويقولك اصلها الماني زي ما يقولك سكودا الماني ياعم هو بالعافية سكودا الماني مين بس !!!!!!!!!!

مش علشان فولكس اشترت سكودا وسيات يبقى سكودا وسيات في يوم وليلة الماني !!!!! سبحان الله !!!!

[zico_momo]

الماني !!!! حسستني انك بتتكلم عن bmw او مرسيدس او فولكس نفسها !!!!!!

سيات من امتى الماني ؟؟؟؟؟ علشان اشتريتها فولكس يعني ؟؟؟؟؟؟ سيات اسباني ومعروفه كده !!!!!

قولناها مليون مره في المنتدى هنا مش معنى ان شركة اشترت عربية يبقى العربية بقيت بنفس بلد التصنيع !!!!!

يعني اقرب مثال فولفو اشتريتها شركة جيلي الصينية يبقى كده فولفو صيني !!!!!!!!!

ارحمونا يا جماعة علشان الموضوع ده بيخلي ناس كتير يتضحك عليها في الشراء ويقولك اصلها الماني زي ما يقولك سكودا الماني ياعم هو بالعافية سكودا الماني مين بس !!!!!!!!!!

مش علشان فولكس اشترت سكودا وسيات يبقى سكودا وسيات في يوم وليلة الماني !!!!! سبحان الله !!!!

بغض النظر عن العصبيه الى بتتكلم بيها .!!!!!
العربيه فيها قطع غيار الماني .... سبحان الله
موتورها المانى .......... سبحان الله
اما عن تقفيل السياره وبلدها فا مقدرش افتيلك فيه بس كل الى معاه العربيه بيقولك العربيه بتتمتع بنفس الرتم الالمانى .....
زى البريليانس كده ... البفاريه هى الى واخداها العربيه فيها اناقه الbmw

[Ahmed Saad]

طيب انت الرينج بتاعك كام

[zico_momo]

طيب انت الرينج بتاعك كام

40 الف 45 الف

[2CODE]

بغض النظر عن العصبيه الى بتتكلم بيها .!!!!!
العربيه فيها قطع غيار الماني .... سبحان الله
موتورها المانى .......... سبحان الله
اما عن تقفيل السياره وبلدها فا مقدرش افتيلك فيه بس كل الى معاه العربيه بيقولك العربيه بتتمتع بنفس الرتم الالمانى .....
زى البريليانس كده ... البفاريه هى الى واخداها العربيه فيها اناقه الbmw

قطع غيار الماني وموتور الماني ؟؟؟؟؟ ما كمان بتتصنع في المانيا ويلا فولكس تفتح على الاقل 5 مصانع جدد علشان تصنع سيات وفولكس وسكودا واودي في المانيا

متضحكش على نفسك وعلى غيرك !!!!!!!!!!!! وانت اهو قلت بنفسك بريليانس و bmw هههههههههههه علشان توكيل مصر واخد بريليانس بقيت الماني يمكن ؟؟؟؟؟؟؟؟؟ هو ده اللي ناقص صدقني وهي عربية لعبة اساساً :)

[zico_momo]

قطع غيار الماني وموتور الماني ؟؟؟؟؟ ما كمان بتتصنع في المانيا ويلا فولكس تفتح على الاقل 5 مصانع جدد علشان تصنع سيات وفولكس وسكودا واودي في المانيا

متضحكش على نفسك وعلى غيرك !!!!!!!!!!!! وانت اهو قلت بنفسك بريليانس و bmw هههههههههههه علشان توكيل مصر واخد بريليانس بقيت الماني يمكن ؟؟؟؟؟؟؟؟؟ هو ده اللي ناقص صدقني وهي عربية لعبة اساساً :)

موتور الابيزا هو موتور البولو(البولو المانى) واغلب قطع الغيار الى فالسيات مكتوب عليها انها المانى
اما عن باقى كلامك فهو وجهات نظر وطالما الشركه اشتريتها شركه المانيه اكيد بيتنفذ فيها الفكر الالمانى اومال اشتروها دفع فلوس وخلاص لازم يديرها بنفس الفكر عشان تنجح بنفس الطريقه الى ممشي بيها شركته .
وماظنش ان كل الناس الى فالمنتدي دى بتضحك على نفسها من سنين ولحد دلوقتى
وفالاول والاخر هى وجهات نظر

[eng.m7md.ali]

بغض النظر عن العصبيه الى بتتكلم بيها .!!!!!
العربيه فيها قطع غيار الماني .... سبحان الله
موتورها المانى .......... سبحان الله
اما عن تقفيل السياره وبلدها فا مقدرش افتيلك فيه بس كل الى معاه العربيه بيقولك العربيه بتتمتع بنفس الرتم الالمانى .....
زى البريليانس كده ... البفاريه هى الى واخداها العربيه فيها اناقه الbmw

اكيد بتهزر !!!

لا وجه للمقارنة ابداً بين بريليانس وبي ام ولا تربطهم اي صلة لا من قريب ولا من بعيد

الشركات الصينية سهل انا تسرق تصميمات واجزاء بس بردو مش هتبقي علي المستوى