استفسار : رينو لوجان 2015 ولا شيفروليه لانوس 2015

[ahmed1990]

رينو لوجان 2015 ولا شيفروليه لانوس 2015

مع اعتبار اسعار قطع الغيار و الصيانه في التوكيل و بره لاني بسمع ان مش اي حد يصلح الرينو و ان فيها مشاكل في الكمبيوتر و التوكيل حرامي

[omar tarek 456]

شفرولية لانوس مش هتندم

[J A G U A R]

لو عايز اعتماديه يبقى لانوس بس مش هاتحس انك راكب زيرو

[scientist9508]

بسم الله الرحمن الرحيم

الأخ الفاضل ahmed1990

أود أن أخبر حضرتك برفق و هدوء أن ما ذكرته غير صحيح. لا توجد مشاكل فى الرينو اللوجان الجديده و لا توكيلها حرامى بل على العكس توكيلها من أشهر التوكيلات الناجحه فى مصر. كما إن الذى حيرنى أن الفئه الأعلى من اللوجان (الفلوينس) هى التى ظهرت فيها مشاكل و ليست اللوجان.

لأسباب كثيره أرشح لك اللوجان فوق اللانوس

هداك الله لأرشد أمرك و أقومه

السلام عليكم و رحمة الله و بركاته

[ahmedfouad]

يا باشا انت محير نفسك ليه
ادخل عل اخونا جوجل واكتب مميزات وعيوب اللانوس 2015
وفى صفحة تانية مميزات وعيوب اللوجان 2015
وربنا يوفقك للاصلح
ولكن عن تجربة للعربين امتلاااااك ليهم
اللوجان فئة واللانوس فئة تانية خالص
وهتحسها خصوصاً لما تركب اللانوس وتنزل تركب اللوجان
عربية عالية عن الارض
جنوط 15 ..
الكاوتش تقريباً 185 او 195 مش 175
عفشة فولاذية وناعمة
ثبات لحد 170 وعن تجربة
اللانوس كنت باخد بيها مطبات الهواء على الدائرى
اقسم بالله دماغى بتخبط فى السقف

وعلشان محدش يهاجمنى
انا فى البيت فى اللحظة دى العربيتين موجودين
اى عربية هتتابع صيانتها هتعيش معاك
لكن انا بتكلم عن الاداء والصالون والعفشة

بالنسبة للشعب المصرى اللانوس لسبب
هو لا عايز يغير زيت ولا يصرف مليم على العربية
بعد ما يشتريها
فالباتالى هتقف منه فى اى حتة اى حد هيصلحهاله
الكلام ده ما يمشيش مع اللوجان والرينو عموماً
قطعة الغيار ليها عمر افتراضى هتغيرها فيه
عمر العربية ما هتقل معاك
وربنا يلهمك للى فيه الخير ليك

[Omar Mahmoud]

انا بكره اللوجان لكن هي افضل بكتير
يكفي إن اللانوس نفس الشكل من سنة 1999 تقريبا لحد النهاردة
كماليات اللانوس اللي هي مفيهاش غير اربعة إزاز كهرباء و المراية اليمين كهرباء يخليها بالسعر ده ليه؟؟؟إنما اللوجان كمالياتها كتير و عوامل الامان كفاية(اللي هي مش في اللانوس)
توكيل رينو من احسن توكيلات مصر و منصور من ازبل توكيلات مصر

[S O P H O S]

بصراحة لوجان الجديدة كبداية شايفها جميلة
وكفاية علي للانوس
طالما في بدائل